بين احضان الجحيم

part6🖤🔥

-بسم الله الرحمن الرحيم-----

حلواتي لا تنسون التصويت والتعليق بين الفقرات 🫂❤

                                  

                          هلي طويسه ماي شمروني على مكفه الريل شمس ظهريه جانت والسجج تلسع 💔

غيم: ويا اصواتهم الجانت هازه اركان البيت سمعنا صوت مره غطه على صوت الكل طبت تصرخ وتضرب على وجهها بهستريا ركزت بيها زين مره متوسطة العمر وجهها مخرمش من اللطم وصدر دشداشتها مشكوك تصرخ بعلو حسها كل الكاعدين يباوعلها بصدمه!!!

مشت عسل يمها بسرعه ولزمتها من ايدها

عسل: انتي منو منين تعرفين ابويه؟؟

ام مها ببجي: عوفني خاله لا تنشديني انه ياهو خليني اطلع ضيم گلبي عبن الغالي راح يتم بنيات سبعه وراح ياهو ينشد عليهن ياهو يتفكدهن خلافه

عسل: كتلج انتي منو لتخبليني لا اطلعين صوتي منا العالم بنات منو تقصدين

ام مها: مسحت عيوني بشيلتي وكتلها راح احجي واريدن الكل يسمعني

انه عمارجيه تزوجت قبل 19سنه رجال بغدادي جان صديق ابو مصعب الروح بالروح خلفت منه سبع بنيات والله ما رزقني الولد قبل خمس سنوات ابو لبنيات جان عامل يشتغل ويا خباز ويوم من الايام جاي يشغل التنور وكبت عليه النار ولهمته لهم ومن ساعتها راح لدار حقه

غزل: يعني ابويه متزوجج احجي ليش اطولين بالكلام الكل منتظر منج جواب وامي بين الحياة والموت ما اريد توصلها كلمه الكل هنا يسمعني

ام مها: لا يمه ما متزوجني ابيج رجال والنعم منه جتافتي لأخو زينب ما يوم رفع عينه بعيني
ابو مصعب خمس سنوات وهو كافل سبع ايتام بركبته
ما يوم عتب عتاب بيبتي جان يجي يذب المسواك بالباب ويدكها وغير كلمه خويه هذا المسواك والمصرف ما ينطق
بنياتي ما يصيحلهن غير بويه سجل الصغار مدارس وكفلهن بكلشي
صارلهن الاب والعم والخال ابو مصعب ييمه يتم بنياتي للمره الثانيه كسر گلوب بنياته عليه
عبنه البارحه جان يوم خميس مهاوي تانته تانته يجيهم وما اجه ولا دك بابهم
لليل ييمه وما مش خبر منه كامن يلوبن اليتامه وينشدن ليش ما اجهن كل خميس ياخذهن يطلعهن ويرجعهن محملات
ما اكدر انشد احد عليه هو جان ما يرضى احد يدري يكول انه اسوي كلشي لله ما اريدن الناس تجيب طاريكم بالنازل

وتالي اليوم فاض بيه الصبر وطلعت نشدت عليه وكلولي خبر موته
وعساني ميته ولا سامعه الخبر
احترك گلبي يايمه بنياتي مالهن سند من بعده ياهو لينشد علينا ويدك بابنه خلافه

غيم: جنت صافنه عليهم وعلى الحجي الصار
ابويه جان يشتغل من الصبح لليل يجي هلكان تعب يقصر على روحه وما يقصر علينا يجوع ويشبعنا يتعب ويريحنا
بعد الحجي الحجته ام مها الكل بدون استثناء كام يبجي على حالها وعلى ابويه