#يين _احضان_الجحيم
----بسم الله الرحمن الرحيم----
بعـد شيسوي بينا الضيـم غربنا بنص اهالينـاا💔
جانت أيام اشبه بالموت البطيء الموت واني على قيد الحياة تلاث ايام الفاتحة وعيوني ما شايفة النوم....
افتر بالبيت ادور صوته ضحكته التعب بروحي ما ينحجي
الفاكدته مو ياهو الجان الفاكدته اخو روحي....
تمنيت الموت الاخذة يمرني وياخذ روحي ورا...
مر اسبوعين بدونه البيت طافي نوره ارواحنه باهته الجوادر منصوبه بكلوبنا......
ساعه وحده ونص بليل نايمه بغرفتة وصورته بيدي احاجي واريدة يجاوبني غفيت وما اعرف شوكت غفيت
شفته جان داخل بستان ويزرع بي والبستان من كبرة خفت ادخلة لا اتيه صحت من بعيد شهم تسمعني
التفتلي وابتسم وشال بيدة طفل صغير سبحان الخالق جمالة
رحت ملهوفة بس اريد اخذ الطفل منة وهو يباوعلي مبتسم بدون ميحجي
وصلت يمه كتلة هذا منو الطفل شكد حلو وين لكيتة
جاوبني بصوتة المليان حنيه
هذا ابني الجبير يشبهني غيمة مو ردت اخذة لحضني ممصدكة شهم كبالي ومتزوج وهذا ابنه...
كلي غيمه ابني ترف متكدرين تلزمي مثلي...
باس ايدي واختفى من المكان كلة ضليت ادورله بنص البستان ملكيتة وكأنو اصلاً ما اجة...
فزيت من نومي واني ما اعرف شعوري شنو فرحانه لان شفته؟
لو مقهورة لان طلع حلم؟
ماكو كلام يوصف حركت گلبي...
مشت الايام تشبه بعضها بالنوح والبجي والقهر
بيوم الاربعين الصبح انجمعنا كلنا وطلعنا للمقبرة...
دخلت وجنت اتمنى اشوفة ما اشوف كبرة احاجي يجاوبني..
امشي بخطوات ثكيله روحي ساكنها التعب كعدت بالكاع واني اسمع نحيب امي ونواعي بيبي هدلة التفطر الگلب....
ومصعب ومهاب واكفين على صفحة ودموعهم تجري بلا صوت.. وعمر الي نايم على قبرة ويبجي مثل الطفل الفاكد امة
كل واحد بيهم ما خذلة مكان وينحب بي كل واحد يواسي الثاني...
عيني على المكتوب... بسم الله الرحمن الرحيم
((وَلاَ تَحْسَبَنَّ الَّذِينَ قُتِلُواْ فِي سَبِيلِ اللّهِ أَمْوَاتاً بَلْ أَحْيَاء عِندَ رَبِّهِمْ يُرْزَقُونَ ))
"صدق الله العلي العظيم"
« البطل شهم محمود»
مسحت دموعي بظهر ايدي وكمت لزمت تراب كبرة اشمة وجني شامة ريحتة ردت اكلة كوم روحي متعوبة بلياك
أنت تقرأ
بين احضان الجحيم
Narrativa generaleتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
