_بين احضان الجحيم _
----بسم الله الرحمن الرحيم----
ما مرتاح
عيوني تستحي بس الدموع وكاح
ما مرتاح
منك مني من العدل من المات من الجاي ومن الراح
ما مرتاح
عركه ويا الزمن ورجعنا مكسورين
وبعيدة المسافة وينسي الي طاح
ما مرتاح
لان قفل المحبة انباك واترهم عليه مفتاح
ما مرتاح.........
.
.
.
.
.
.
.
.
اني بيداااااااء اشهب بيدااااء ليش تغلط بأسمها كدامي وبليلة عرسي لييييييشششش
كمت من مكاني وكفت كدام المرايا وهي تصرخ وتلطم اندكت الباب بقوة وصوت امي تصيح شكو
مشيت بكل هدوء فتحت الباب ورجعت ليوره
ولج شبيج يمصخمه ليش تصرخين شجاج فضحتينا
اشهب شسويت لمرتك شكووو فهموني
سحبت الباكيت مال جكاير من على الميز طلعت جكارة ورثتها وكعدت على طارف الجرباية بدون ما اجاوبها
مو احااااجيكم اني واحد منكم يحجي عليتو گلبي
ماكو شي يمة
لااااا اكووو اكووو ليش تكول ماكو شي كلها كلها لأمك اني جنت اتخيلها غيم كلها اني صحت بأسم غيم ليش تسكت منين مستحي
كافي صمي حلكج لا اكوم افلشه الج واعلمج شلون تحجين ويايه
ولك يمة اشهب صلي على النبي شجاك ما صارلها ساعتين يمك تريد توكع مي وجهي كدام اهلي انت
جريت التيشريت لبسته واخذت جكايري والتلفون ونزلت تلاكيت ويا ودق واسرار على الدرج
شبيكم اشهب اصواتكم طالعة منا الخطار جوه شيكولون علينا بليلة عرسهم يتعاركون
لا تصعدون معليكم بيها عوفوها هي تسكت لا تكبرون راسها
يطبها مرض فوك مرض زين تسوي بيها تستاهل لو خابزها
ودق تره مو وكت هذا حجيج شعليج انتي تدخلين بينهم لو امي تسمعج اطيح حظج تره
عفت خواتي يحجون ونزلت طلعت من البيت كله حاير والحيرة اكلت گلبي احس نار مشتعلة بية افتر بالسيارة من شارع الشارع ومن فرع الفرع
اخذتني رجلي الشارعهم طفيت السيارة وكعدت مقابيل بابهم
صداع براسي ما ينحمل عيوني كتله من الدم صايرة
سمعت صوت تلفوني يدك اتجاهلته مالي واهس اجاوب احد رجعت راسي للكشن وغمضت عيوني
صوتها ضحكتها بجيها كلماتها زعلها دلعها كلهن صارن ابالي
يجي صوتها بأذاني من تسألني
اشهب ما راح تعوفني مثلهم ما راح تخذلني مثل الباقين
أنت تقرأ
بين احضان الجحيم
Ficção Geralتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
