بين_احضان_الجحيم
----بسم الله الرحمن الرحيم----
.
.
.
.
تلاگينا
تلاگينا و وگف كلشي بحركة الكون
بس خطواتك وخطواتي احس بيهن
ودگ السر الأحدب وسط روحي أجراس
وفتلت اوراق الجنت طاويهن
الشارع شالنه حد ماوصلنا الغيم
وأنتحرن جروحي وچلبت بيهن
ها نتلاگة هسة وها الراح يهون
زعلانات مني وبيك اراضيهن
وانه مابينك ومابينهن محتار
تلچمهن وگلهن بيك اداويهن
كلما تقترب جرح السنين يطيب
يلتم والثواني خيوط اسويهن
هي لحظات بس لمت هواي جروح
ماطابن بروحي وكل سنة اچويهن
اسولف ويا روحي ها بعد خطوات
ما اكلك شلون ومنو اليبديهن
منك خطوة؟
لو مني خطوة ؟
المهم خطوة أتصير وابديهن
متهمني المسافة المهم نمشيهن
ولو محتار بس شائت الصدفة تصير
واشوفك والسنين الضايعة الگيهن
بس احتاريت من لاحن بعيني دموع
ينتظرن شسوي
احبسهن؟
ابچيهن ؟
و ارد مجبور اموتهن بعين الشوك
على گد مااعبرك وارجع ارثيهن
انه احلم بالاحلام الضالات انقاض
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت گتلك لاوكتنه ايضيع
ميل ايعد ثواني وخطوة تمحيهن
انه تيهت روحي گلت وين تروح
يم روحك سويه وهسة نلگيهن
حلم غمضت بي عيني من وگفت وياك
ويمك حچيت المستحي احچيهن
بجيت وبستك ووطفيت بيك الغيض
واشتعلن ضلوعي وگتلك اطفيهن
بس فزيت وعيونك تضيع هناك
من كلش وصلنا وركزت بيهن
من مديت چف محنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من گالن انريدة وردت اخليهن
وبده كلشي وبيدي فتحت الشوك
وانترسن عيوني ويردن اچفيهن
وما لاويت من رادت اسراري تنام
دگ نايك بروحي گمت اغنيهن......
أنت تقرأ
بين احضان الجحيم
Aktuelle Literaturتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
