--بسم الله الرحمن الرحيم----
حلواتي لا تنسون التعليق والتصويت بين كل فقرة ♥
فجأة طبو الجهال يعيطون بخرعه امريكان بالباب
الكل يباوع بصدمه والي طلع يركض يشوف شكو وبيبي هدلة تندب اهل البيت وتنخاهم تعدي على خير
ما اجة ببالي غير اخواني حطيت ايدي على گلبي وحجيت يارب همه بأمانتك
باوعت يمنى يسرى اني وحدي واكفة وين الباقين؟
مشيت بسرعه لاكتني غزل وجهها اصفر وميتفسر
غزل شبيج اخوتي بيهم شي ليش وجهج مخطوف
جاوبت بصوت مخنوك
غزل: الامريكان يريدون شهم
غيم: شهكت وخليت ايدي على حلكي
ليش يريدو شمسوي هو شمسوي وينه وين راح
غزل: من شاف الامريكان طب يم بيت ابو ستيفن جوارينا المسيحين هسة يريدون يفتشون طبي لبسي شي عمي منير كال لبسو
غيم: طبيت امشي بحيل مهدود يارب كلشي ولا شهم احفظة من كل مكروه
دخلو الامريكان وفتشو كل شبر بالبيت الرهبه والموقف لصرنه بي مينحجي
بعد تقريب النص ساعه طلعو...
امي تندب حظها وتحجي وكلبها محروك على شهم مصعب كام وجهه ميتفسر عفت الكل واخذت تلفون غزل وطلعت للطرمه دكيت على شهم خلصت الدكه وهو ممجاوب احس نار اشتعلت بية بعدني اريد اتصل مره ثانية هو اتصل بسرعه فتحت خط
شهم: ها غزل راحو؟
غيم: هاي اني شهم وينك ليش هيج صار شكو فهمني
شهم: ها غيمة ماكو شي بابا حبيبتي لتخافين ان شاء الله محلوله
غيم: ما اخاف شنو ليش الامريكان يريدوك شهم احجيلي
شهم: غيمة اني من اجي افهمج لتخافين هسة شغلة ساعة هيج واجي بس خلي تخف المنطقة
غيم: سديت التلفون منه ورجفه بجسمي من الصار كعدت على حافة الحديقة واحجي ويا نفسي...
يعني المصايب بس علينا تركض ادري بس شهم انخلق كافي عاد الدنيا كلها تركض ورانا
سمعت صوت يصيح يبنيه يبنيه مهتميت رجعت اشلع بالشجره واحجي حسيت احد صار قريب يمي وكال مو احاجيج...
عفواً منو انت! دا تحجي ويايه؟
اي وياج شفتج تحجين ويا نفسج كلت خاف بيج شي
منو انتي شتصيرين من العريس؟
شعليك ليش تسأل وانت منو؟
اني اشهب وانتي منو غير تحجين
شعليك يا اخي اعرفك تعرفني!!
يجوز اعرفج وتعرفيني كليلي منو انتي واكلج منو اني
أنت تقرأ
بين احضان الجحيم
Literatura Kobiecaتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
