بين احضان الجحيم

part 10🖤🔥

----بسم الله الرحمن الرحيم----

#بين_احضان _الجحيم

حلواتي الي قلبها ضعيف لا تقرا بارت اليوم...

                                

لا تنسون التصويت والتعليق بين كل فقرة ❤❤

شيصبرها لتشوفة كبالها ومذبوح ابوها!!
شيصبرها التمشي وتعثر بجفين اخووها!!؟

فجأة سمعنا صوت هز ارجاء المنطقة كافة صوت انفجار قوي لدرجة الجام مال الصالة وگع بالگاع الشارع صار عبارة عن صياح ونسوان الي تصيح يمه أبني وينك وإلي تگول بنتي والي يگول بوية والي تكول امي بالسوك

الصرخات تتعالى بأذني ضليت متصنمه بمكاني شهم أي شهم راح طلع....

ركضت بدون وعي بدون ما انطق كلمة عمي منير وعلي واوس يركضون قبلي..

اريد اوصل للمكان رجلي متشيلني زادت الاصوات والبجي وصوت مرة تصيح ابني استشهد يا ناس ابني استشهد..

الموقف وحده رعب مينوصف اركض واعثر اصرخ بصوتي شهم شهمم وينك تسمعني ياارب لا تفجعني بعزيز گلبي يارب لا تيتمني مرتين...

وصلت المكان باوعت من بعيد المكان كلة دم دخان نار عياط بجي...

ثكلت رجلي حسيت ايد جرتني وصوت علي يكلي غيم رجعي غيم لتروحين دفعت ايدة ومشيت رفعت راسي للسما وايدي على گلبي اختنكت كمت بصعوبة اجر النفس...

جسمي رخه حسيت طنه بأذني صارت غوشت عيني وفتحتهن بقوة محسيت نفسي غير واني بنص الجثث

ضليت بمكاني وعيوني تتجول بالمكان اصواتهم تخترق طبلة اذني فززني صوت عمر وهو يصيح..

عمر: لك شهم خوووووية تسمعني جاااوبني احجيي شهممم

ركضت بقوتي ركضت بدون ما احس على نفسي اريد اسمع صوتة اريد اشوفة اريد يكلي لتخافين يابة يبوس ضفيرتي يكلي عزيزة الروح...

عيوني متشخصة على عمر النايم على شي ومليان دم!!!!

عثرت بشي نزلت انظاري واشوفها رجل ضليت صافنة حتى بدون ما أرمش  واني ما مستوعبة الي جاي يصير شلون رجل مفصولة عن جسمم  ركزت بيها زين..

عرفت هاي الرجل اله والله اييي هذا نفسه نفس ملابسة ايي هاي رجلين شهم هووو هووو والله اعرف تراكة الي جان لابسة...

شلتها بيدي بدون وعي بأيد ترجف ودموع تجري بلا صوت  مشيت يمه خليتها بصف رجله الثانية وباوعت اله

اريد اجمع الهوى بريتي واحجي ما اكدر دنكت عليه وصوت عمر بأذني

شهم حبيبي اكعد شبيك شو شو باوعلي تسمعني شهم كوم عيني كوم فدوة اروحلك لتسويها بية مو حمل فكدك اني كوم اني غيمة تسمع صوتي هاك هاي رجلك جبتها الك حبيبي
وين ايدك اليمنى وينها ليش ماكو..
هسة ادورها أي اي ادورها يلا كوم كوم حاجيني..