بين_احضان_الجحيم
----بسم الله الرحمن الرحيم----
ما كنت اعلم ان خيباتي ستزيدني قوة فوق قوة
ادركت بعد فوات الاوان أن النساء هن من يصنعن انفسهن....
فسلاماً لمن ارادو بنا كسراً فخيب الله ضنهم وازددناً قوة فوق قوة......
الحاضر:
كاعده بالمرجوحه اباوع عليهم وهمه يلعبون طوبه
واحد يكول للثاني انت تزاغل وكل شوي واحد منهم يجيني يكلي انتي حكمي وهمه ثنينهم يزاغلون ابتسمت وكلت معليه ما ادخل بينكم وهم تتعاركون..
باوعلي مبرطم وكتف ايدة....
ماما بعد ما ازاغل بس كولي البابا خليني افوز حبابه الله يخليني الج
غيم: عيني البابا ممكن تخلي ابنك يفوز تره تعبتوني انت ويا وبعدين متكيف ابنك يكلك الله يخليني الك..
ضحك ضحكه طويله ودفع المرجوحه براحه ايدة...
انتي وابنج اكبر كلاوجيه غير تجي بنتي عاد وتوكف ويايه ونصير احزاب اني وبنتي وانتي وابنج...
ابتسمت من صارت ركلات ببطني جريت ايده وخليتها على بطني...
فتح عيونه وانرسمت الابتسامه على وجهه
هاي شنو غيمه هاي تتحرك صدك يعني
غيم: لعد مو كتلك تتحرك بس انت مملحك عليها من تنزل من الدوام هي تخنس يمكن تخاف منك...
دنك باس بطني ويخلي اذنه عليها يريد يتأكد....
سمعنا صوته وهو يصيح هيييييي فزت اني بابا فزت عليك...
وجهنا انضارنه اله واحنا نضحك...
شلون فزت عليه واني ماكو غير مكاني فارغ
اجه يركض وبيده الطوبه فرحان
انت من جنت تبوس ماما اني رحت ركض وخليت الطوبه بالكول مالتك وفزت عليك..
غيم: خليت ايدي على حلكي اضحك وهو ركضله نومه على الحشيش ويتصارعون ويصيحون السبع يطلع دم....
غمضت عيوني وسرحت بتفكيري....
عوض الله شكد جميل
هم جنت اتوقع بيوم راح تترتب حياتي واكون عائله
هم جنت اتوقع راح اتخلص من كابوس حياتي واعيش بحب وسعاده.....
العودة الى الماضي........................
غيم: احس نار بگلبي ما تطفه المن اروح ويامن احجي منو اليسمعني ويخلصني منه...
امتحانك صعب والله صعب يارب اخذ امانتك ولا تخليني اتوسخ بأنسان مجرم مثل هذا....
أنت تقرأ
بين احضان الجحيم
Aktuelle Literaturتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
