بين احضان الجحيم

part2 🔥🖤

-----بسم الله الرحمن الرحيم-----

#بين احضان الجحيم

حلواتي لا تنسون التصويت والتعليقات بين الفقرات ❤

--2014/1/8-- تحديدآ في ارض السلام «بغداد» الارض التي تخلو من صفات اسمها ارواح متهالكه واخرى ظالمه...

ۛ ּ﷽ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ «صدق الله العظيم»

غيم: كاعده كبال الصوبه مركزه بيها واحس نفس هاي النار مشتعله بگلبي شراح اسوي شلون راح اكدر ادبر هذا المبلغ نزلت دموعي وحده وره الثانيه احسهم يتسابقون ياهو تبلل خدي بألاول ضميت وجهي بيدي وبقيت اشهك واناجي رب العالمين عسى ولعل تكون ساعة استجابة يارب انت المعين يارب لا تفجعني بواحد منهم بعد اخذ من عمري وانطيها ربي.. سمعت صوت التلفون يدك شلت راسي اشوف منو جان رقم غريب مسحت دموعي بفرحه وكلت يارب ما خاب من توكل عليك حمحمت حتى تتغير نبرة صوتي من البجي فتحت خط

__الو السلام عليكم
غيم: عليكم السلام تفضل خويه
__حظرتكم ناشرين رقمكم علمود تبرعات لعمليه المريضة غزل

غيم: ابتسمت بفرحة وجاوبتة اي خوية صح احنا ناشرين رقمنا
__خوية انه من البصرة شلون اكدر اوصلج المبلغ احوله الج لو اكو احد من البصرة يستلمه الج؟
غيم: لا والله ماعندي احد بالبصرة اكون ممنونه منك اذا تحوله واني استلمة
__صار خويه المبلغ تستلمي بعد ساعتين ان شاء الله من حوالة ××××
غيم ببجي: ما اعرف شلون اشكرك اني ربي يحفظك ويحفظلك احبابك وميشوفك بيهم مكروه

__لا تبجين يبعد اخوج تراها الدنيا بعدها بخير والله يشافيها ويردها الكم سالمه غانمه بحق الحسين الشهيد
غيم: امين يارب امين رحم الله والديك ياطيب مع السلامه
سديت التلفون وكمت لأمي واني دموع الفرحه ع خدي حجيت بسرعة.. يوم خابروني علمود تبرعات لعمليه غزل من البصره كال بعد ساعتين استلميهن من حوالة××××
نشمية: صدك يمة الف الحمدلله والشكر ياربي حشاك ابد متكطع ويه عبدك الف الحمدلله ربي يمه وما كلج شكد المبلغ لدازه..
غيم: لا امي مكال بس تدبر ان شاء الله تدبر كلها كولي يا الله
نشمية: ان شاء الله خير بأسمج حولهن مو
غيم: أي امي اني اروح استلمهن
نشيمة: اي والله يمة رجلية متعيني اروح منا لهنا اني
غيم: خليت امي بالغرفة ورحت توضيت صليت ركعتين لوجه الله ولزمت القران اقره بي حتى اقضي هالساعتين واروح اجيب الحواله... مر وقت واني اقره باوعت ع ساعه 5الا ربع خلي اكوم ابدل حتى اتمشى واخذ تكسي ذبيت ايزار الصلاة وتوجهت لكنتوري طلعت ملابس صيفيه حتى البسهم جوه العبايه ابد مابيه حيل ابدل.. طلعت من غرفتي شفت امي كاعدة بالهول تسمع اخبار
نشمية: ها يمة رايحة
غيم: اي امي طلعت امشي والهوى بارد ثلج والدنيا بدت تغورب حجيت ويا نفسي ادري يعني شتسفادين من يكتلج البرد وانتي لابسة صيفي بعز الشتاء بس اوف والله مو بيدي ما اكدر البس شتوي اختنك هي كوه.. وكفلي تكسي رجال جبير بالعمر دليتة المكان ومشينا وصلت يم الحوالة انطيتة جنسيتي كمل الاجراءت وانطاني المبلغ 500دولار تشكرت منه وطلعت فرحانه يارب الف الحمدلله شكد رحيم وكريم انت تصخي گلوب عبادك علينا دا اضم الفلوس بجنطتي اتصل نفس الرقم مال ولد جاوبتة حتى اتشكره