_بين احضان الجحيم_
----بسم الله الرحمن الرحيم----
هلي حلوين المعاني بيكم عيروني
ومن بان الكطع منكم عيروني
انا كل ما اسل سيف الطلايب عيروني
ترى وحيد مكسر الجنحان ومحد اليه
ها يگلبي
ها يگلبي
اريد اشيلك من قفص صدري واكطع اني
واريد انعرفه ياهو البيده كطعاني
انا ترى لو ما اشوف البعد منكم
مكطع اني شراييني واخليها تبجي دموع ليه.....
عمر: شايف كل الخير وارجع احذرك ما تكرب لغيم منا وهيج لان بوكتها راح تشوف الما يعجبك
واني وعد مني ما راح اكرب عليها ولا يجمعني يوم بيها
عمر ليش هيج كتله انت شوكت حجيت ويا ابويه وهو كلك خلي يجي يخطب
ما حجيت ويا احد بس اني ردت اعرف وين يريد يوصل من كلامه وفهمت مقصده ليال ما اريد طاري اشهب ينفتح يم غيم نهائياً
عمر معقوله الفكرت بي يطلع صحيح
وشنو تفكيرج
اشهب وغيم ثنينهم مسحورين
عوفي هاي السوالف والخبزعلات ليال هو ما يريدها
راح يجي يوم وتتأكد كلامي صحيح
ها شبيكم اكو شي جديد بموضوع غيم
عسل عمر هسة اتصل على اشهب وكله تعال اخطبها
واشهب كله ما بيني وبينها نصيب واني خطبت
معقولة ليال شتحجين انتي
عسل عوفي ليال وسمعيني
موضوع اشهب نهائياً ما ينفتح لا هسة ولا بعدين
واذا اتصل بيكم انتوا الاثنين تسمعوني ولا وحده منكم تجاوبه مفهوم كلامي
هاهيه خوية صار مثل ما تريد
في مكان اخر.....
محمد: توجهنا اني وابويه لكربلاء البيت السيد وصلنا منطقتهم وضل ابويه يسأل على مكانه دلانا بي رجال متوسط العمر وصلنا للباب وراح دكيت الباب وابويه واكف ورايه حيله يرجف والسكر مرتفع وحالته حاله
انفتحت الباب وصوت مره صاحت تفضلوا
ابتعدت منها وحجه ابويه
صبحج الله بالخير بويه
السيد موجود لو وين الكا يرضى عليج الله
حاجز يمه لو جاي بدون حجز حجي
يبعد عمج جايج من بغداد وعندي حاله صعبه وتعنيت من هناك لهنا عليه انتي كليله ابو محمد البغدادي بلكن يتذكرني
ثواني انتظروني
طبت البنيه وسحبني ابويه من ايدي
خافن ندخل عليه من يحجي لا تحجي شي ولا تشكك بكلامه تره ما يرضى وما يستقبلنا بعد
أنت تقرأ
بين احضان الجحيم
Ficción Generalتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
