بين_احضان_الجحيم
----بسم الله الرحمن الرحيم----
لا تنسون التصويت والتعليق بين كل فقرة ❤❤
جبتهن بالتدريج هاي تدفع هاي
ومسايس عمر يا هاديَ اتهدّي
الم بيهن سنة وتفلت سنة من الخيط
طشة وما نفعها اتبلبسي وشدّي
(عريان السيد خلف)
گلبي رجف من سمعت سائد موجود بالباب
رجعن كل المواقف كبالي ليش اني ممكتوبلي ارتاح
سمعت صوت مصعب يصيح اذا انت رجال اخطي عتبت الباب وشوف الله شكاتبلك
سائد: الكم مهله ربع ساعه 15دقيقة لا غير ما كلتو الاشوز وين بيوتكم تحترك على روسكم وانا سائد كلمتي ما تتثنه...
مهاب: اخذ جلابك وانكلع منا يلا
سائد: سهلة انا الكم راح اشوفكم سائد منو بس خلي اخلص من سالفة الاشوز وانا الكم خليتكم براسي بعد وسائد من يخلي احد براسه ما يطلعه اذا مايسوي رماد
مصعب: مشهودلك اجرامك ونذالتك
سائد: شهادة اعتز بيها ولا تنسى انت اول منفذي خططي يا سبع
غيم: واكفه وره الباب واسمع الكلام بينهم
ما انكر شكد خايفة من وجود سائد وقربة
بس مطمئنه بوجود اخواني
فاتو للبيت باوعلي مصعب مستغرب وجودي كبالهم
مصعب: من شوكت كعدتي يابة عبالي بعدج نايمة
غيم: مصعب اريد احجي وياك بموضوع بيناتنا
جر حسرة بقهر وهز راسة مشة كدامي للصالة ومشيت ورا...
كاعد على القنفة يهز برجله والتوتر ينقري بوجهه
رفع راسه الي
مصعب: احجي غيمة شنو لتريدين تحجي
غيم: مصعب سؤال واريد جواب صريح اني وياك مو عليك ومستعدة هسه وبعد اضحي بروحي لخاطرك
بس اريدك تكون صريح وياية
هز راسة بقبول وكال احجي بابا اسمعج...
انت كاتل اهل الاشوز؟
مصعب: مو بقصد والله مو بقصد اني بعمري ما تعمدت اذية احد جنت طفل وطايش وحتى ما اعرف للسلاح
غيم: بلعت ريكي بقهر
يعني كاتلهم مصعب زين ليش ليش مرحت سلمت نفسك من ذاك اليوم ليش محجيت لأبوية ليش محجيت لأحد
تدري اني دفعت ثمن غلطتك ولو بنتك جبيرة هي تدفع ثمن غلطتك بمكانك...
مصعب: جنت صغير غيم وجان ابويه مسجون وكلكم بركبتي انتي صغيرة متتذكرين جنت ايام ابات بالشارع اني وجنطتي ويايه اقره واشتغل حتى اجيبلكم مصرف حتى ما اخليكم تحتاجون بشر
اني لو بعقل هسة وبتفكير هسة بنفس اللحظة اسلم نفسي
أنت تقرأ
بين احضان الجحيم
General Fictionتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
