بسم آلَلَهّ الرحمن الرحيم»
حلواتي لا تنسون التصويت والتعليقات بين الفقرات ❤
( عن لسان حال غيم)
عندما مات أبي ، شيء ما جعل اضاءة البيت خافته ، غمرتنا العتمة ،أننا ومنذ ذلك الوقت ندفع فاتورة العتمة من اعمارنا ... 💔
غيم: شفت من بعيد تكسي جاي بأتجاهنا انداريت لأمي بحماس ماما اجه بابا جاب تكسي
جاوبتني امي بدون أي ردة فعل منها وكأنو رب العالمين نزل كل البرود بيها
ماما ابوج مات محمود مات نزلت عيوني على امي الكاعدة بالكاع ورديت نظري بسرعة على التكسي الوصل يمنا رجعت حجيت امي كومي بابا اجه متحركت ولا جاوبتني عفتها ومشيت بسرعتي نزل الجامه صاحب التكسي جوارينا وابتسملي
--ها غيمه عمو ابوج خطيه نام بالسياره مردت اكعده شفته تعبان يلا صيحي امج حتى اوصلكم هم يلا ورانا طريق على مصعب
تقربت ناحية امي وجريت ايدها ماما كومي حبابة مضل وكت مصعب ينتظرنا
كامت تمشي بخطوات متثاقلة تجر بروحها جر وعبالك بغير دنيا
يحجي وياها السايق متجاوب فتحت باب الصدر وباوعت لأبويه بنظره عمري ما انساها نزلت لمستوى كالتله كلمة هزت گلبي الكلمة الي كبرتني فوك عمري عمر
ها محمود رحت مو رحت وعفتني اروح لمصعب وحدي رجليك ما عانتك تجي مثل مكتلي بالرؤيا مو متت محمود وعفتني وحدي..
جنت اسمعها وممستوعبه كلامها لا شنو مات ابويه مات يعني ليش هيج تحجي امي مشيت خطوتين وصرت يمهم ركزت نظري على ابوية مغمض عيونة ومرجع راسه على الكشن واصبعة متشاهد بي حجيت بصوت يرجف وعيوني انملت دموع
بابا شبيك اكعد بابا تسمعني هزيته بكل ماعندي حيل بابا كوم مصعب ينتظرنا
فتح عيونه بوسعهن علية تلاث مرات يفتحهم ويغمضهم غمض المره الاخيرة وشوخر بعدني بصدمتي ورجفتي وسمعت عيطة السايق ابو مصعب مااااااات
رجعت ليوره خليت ايدي على اذاني واعيط بابا مات
اما امي جانت جامدة لا تنطق ولا تبجي ولا تتحرك
نزلو اصحاب السيارات المارة بالطريق على عياطي وصوت السايق صعدونا بالسيارة وانطلقنا للمستشفى طول الطريق عيوني على ابوية هسة يكعد هسة يكلي لتخافين ياعزيزة روحي هسة يكلي لا تبجين يا بعد عيون ابوج
دقايق وصرنا بنص المستشفى اخذو ابوية بالسدية وعيوني وراهم والتفت على امي تمشي بهدوء بروح هامده اجة السايق على امي ما اعرف شكلها وطلع
اشوف الدكاتره تتراكض والي يصيح جهزو الصعقات الكهربائية والي يصيح هذا ابو مصعب ما اعرف شكد مر وقت ودخلو عمي منير واخواني وخواتي وعمتي وولدها شفتهم وركضت لحضن شهم ارجف الخوف تملكني شعور الفقد حسيته واني بطفولتي كتلهم شهم بابا مات يكولون بابا مات جرني من ايدي بلا ميجاوب ورحنا يم امي وكلها تسألها شصار شبيكم وهي جوابها محمود مات فزيت من صفنتي على عيطة غزل لكم شنو مااااات منو يكول ابوية مات يووم احجي يوم
أنت تقرأ
بين احضان الجحيم
Narrativa generaleتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
