_بين_احضان_الجحيم
----بسم الله الرحمن الرحيم----
تنيتك عود .. ينشاف العطش بيه ..
او عله .. المامش ، اهروشي اتجود
الوذ ابشيمة العاكَول .. واصعد .. عله
الآه اصعود
زمراوح يعمر اجفاك .. جرح ايصيح ..
و جرح يهود
و تنيتك وانت ميت شوك
ظنه اعله اليموت ايعود
اتاني الود .. يدمعة عين .. طاحت
وشيردها اردود
واشعزة الدمع بالعين .. لو ..
شح ساعة المنكَود
خليني اعله بالك .. طيف .. لو عادت
ايامي يعود
و خليني اويا دمك شوك .. من
شوكي البلايه احدود
ومحالل بعت وشريت .. بيهن والعمر
معدود
و مو ذنب الغزالة اتطيح .. صيده
بشبجة الصايود
لاجن يالعزيز الحيف .. عالصايد
يكَع مصيود
لو ذيج الليالي اتعود ، او لو شطنه الجزر
يومين .. خنياب .. او يرد صيهود
جنت اصرخ : يهلغراف ما تغسل
كَلوب السود
وتشلبه اعله سور الغيض .. لو ..
باب العتب مسدود
وكَبالك وافك الروح .. من .. حبل
الوفه المعكَود
وتكتر ولك دنياك .. خل تنكَص ..و خل تزود
واتصبّر .. يكَلبي انعيش .. تتواكَد
واكَلك هود
دنياتك نحيسة عين .. والوادم ..
خلية جود
وصوابك .. يجرح الآخ .. كل آخ
التلجمه يزود
يمعتب هظيمه اعليك .. تحصد ..
باثة المحصود
و تعتب والعتب مدفون .. جثة
التم عليها الدود......
.
.
.
.
.
.
.
.
.
.
.
.
.
نزل التلفون من اذانه وتقرب علية بخطوات بطيئه
كتفت ايدي ورجعت ظهري للباب ابتسمت تك خد بدون ما احجي شي
صار كبالي وعيونه تتفحصني عبالك يريد يعرف شنو البداخلي
صار كبالي وعيونه علية حجة بدون ما اسألة
غيمة خليني افهمج لا تتسرعين وتحجين من كيفج
على شنو احجي مفهمت قصدك
علامات الصدمه اعتلت وجهه وكل ضنه ما سمعته
انتي من شوكت واكفه هنا يعني سمعتيني لو لا
ما سمعت شي علي شبيك بس شفتك متوتر وكلت اشوف شبيك خاف تريد شي
ها لا يمعوده هاي صاحبي خبصني يريدني اطلع وياهم واني ما قبلت كتله جيت اشوف خطيبتي
لا عادي اطلع وياهم اذا تريد ليش تأجل طلعتك نتشاوف بيوم ثاني
لا لا عوفيهم مو اهم منج همه يلا تعالي ندخل جوه مو جنتي تحاجين غزل ليش سديتي
ما سديته امي بعدها تحاجيها وهي رادتك تحجي وياك تعال سلم عليها اني هسه اجي بس اصعد للغرفه وارجع لا تروح انتظرني
طبينا سوه اني صعدت فوك وهو طب للصاله
گلبي يدك سريع والدموع تجمعت بعيني
ودق معقولة ودق
ليش وشلون عرفته وشلون حبته
ليش ما كلتلي شلون راح اكدر اباوع بوجها بعد
أنت تقرأ
بين احضان الجحيم
General Fictionتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
