بين_احضان_الجحيم
----بسم الله الرحمن الرحيم----
"معظم الذين تباهينا بهم خذلونا."!!💔
احياناً الخذلان يجينا من اقرب الناس النا واصعب كسره هي كسره الاهل مجنت اتوقع بيوم من الايام مصعب الطيب الاخ الحنين راح يكدر بيوم يخذلني ويكسرني تجمعت الدموع بعيني واني اتخيل روحي ويا انسان مجرم وقاتل!!!!
كم روح بريئه قتلها؟
معقوله بس الشخص الشفته؟؟؟
تمنيت اليوم اخر يوم بحياتي تمنيت انام وما اكعد شيصير لو ابوي موجود شيصير لو شهم موجود وبعدني طفله؟
خليت راسي على مخدتي واخذت التلفون اوقته
جايتني رساله مهتميت ولا صارلي فضول اشوفها لان محد يدزلي غير عسل...
وقتت التلفون ورجعته جوه مخدتي ضليت اتكلب بمكاني قاطع سلسله افكاري صوت التلفون وهو يعلن عن وصول رساله...
جريته مستغربه منو يدزلي بهيج وقت رساله...
فتحتها واني مركزه بالمكتوب...
«شلونج غيمتي»
ضيقت عيوني وركزت بالرقم ما اعرفه ترددت بين اجاوب وبين لا بعدني متردده وصلت الثانيه
«شبيج صافنه برسالتي المفروض اني اصفن بيج»
بسرعه التفت بالغرفه اباوع معقوله احد شافني
-منو انتوا
انتظرت دقايق واتصل الرقم ايدي رجفت ما اعرف قلق او شي ثاني....
فصل واني بعدني ممجاوبه رجع اتصل فتحت خط وسكتت انتظرهم يحجون
من بعد انتظار دقيقه سمعت صوت وهو يكول
غيمه تسمعيني ياب
منو انت
بالأول شلونج
بخير منو انت؟
تنهد بحسره وسمعت صوت الجداحه وهي تشتغل...
«اني واحد عاشكج لحد كطع النفس»
اردفت بسرعه..
منو انت تحجي لو اسده.....
ضحك ومن ضحكته ميزت صوته بس بقيت ساكته
«واحد هايم بيج»
وشنو معنى هايم بيج بلا؟
الهن هواي تفسيرات وراح افسرلج
المجنون بالحب يسمو هايم
العطشان وما مرتوي يكولون عليه هايم من شدة العطش
العاشك وما لاكي ولفه يكولون عنه هايم بولفه وما داري عنه...
غيمه عاشكج عاشكج حيل
حسيت دكات گلبي تنسمع غمضت عيوني بقوه وحجيت بصوت خافت....
اشهب؟
أنت تقرأ
بين احضان الجحيم
General Fictionتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
