بين_احضان_الجحيم
----بسم الله الرحمن الرحيم----
چانت دره بيدك بس تعافيت
فحّام ولا تعرف قدرها
الطيور التلگه فوگ اغصانها آثار
بعد وماترجع تحط بشجرها
يوم الاحد اتحرر من الاشوز وظلمه
شكد اذاني شكد بجاني شكد خله بية ندبات ما تنسي
باوعت لمصعب الي مركز ويا امي ويحجون عن شغله
حزت بگلبي اعرف ليش ضحه بيه وليش هسه يريد بكل الطرق يخلصني
وجهت انظاري اله وحجيت بصوت مخنوك
مصعب اريد اشوف الاشوز واحجي ويا
نشمية: شعندج شايفته ما تشوفي تريدين تورطين روحج
مصعب: على شنو تحجين ويا غيم انتي رايدته
غيم: ضروري اشوفه هوايه حجي عندي اريد احجي ويا ولازم يسمعه
مصعب: بيوم المحكمه تشوفي واحجي ويا ماكو طلعة وحدكم ولا تكعدون وحدكم
غيم: مو مشكلة شوكت مجان بس المهم اشوفة
كمت لغرفتي بدون ما انتبه على كلامهم لصار ورايه
نوعاً ما مرتاحه لان الاحلام قلت ولان راح اخلص من الاشوز
بس يبقه شي بداخلي مكسور يبقه جزء مني مهدوم
هم راح اكدر اعيش حياتي طبيعي هم اكدر اصلح الجزء المكسور مني
تساؤلات براسي مالهم اجوبه
مرت اربع ايام عاديه ماكو شي بيها يستحق الذكر
كعدت الصبح على صوت امي تكعدني حتى اروح للمحكمه
كمت من فراشي صبحت عليهم ورحت غسلت وتوضيت صليت الاستخاره ودعيت ربي يمكني حتى اكدر انسه الصار والمريت بي طول فترة حياتي
الحجية هدلة: صبحج الله بالخير يمة
يلا حبيبة توكلي وروحي خلصي من هذا العثة وتعالي لية اضمج بحضني لا تنقهرين يبعد امج بعدج صغيرونه وشحلاتج
غيم: فدوه لصباحج امي ما مقهورة عليه وعيونج
بس مقهورة على نفسي وعمري الضاع مقهورة لان ضحو بية ودمرو حياتي وحرموني من ابسط حقوقي وهي طفولتي
الحجية هدلة: خلي الحجي مدثر حبيبة اكو ربج يباوع عليج ما يخلي حمل مطروح حاشاه
غيم: بست راسها وطلعت على مصعب انطيته خبر حتى نطلع للمحكمه
صعدت بالسيارة والخنكة بصدري المفروض افرح لان راح اخلص منه
بس بعدني صغيرة على هيج خطوة اعرف شكد راح امر بظروف سيئه بعد هذا اليوم بس لازم اكون قويه لازم اثبت لنفسي اني اخت الشهم الي دوم جان يفتخر بيه...
أنت تقرأ
بين احضان الجحيم
Ficción Generalتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
