بين احضان الجحيم

Part17🔥🖤

بين_احضان_الجحيم

----بسم الله الرحمن الرحيم----

قبل متقرون البارت خلونا كلنا ندعي لأهلنا بفلسطين

ماعدنا غير الدعاء الهم 💔💔

أنه المنّي صناديگ الحجي أنباگت
بنص الليل ، أنه البيه بساتين الحجي
أحتركت بنص الليل

باگو صوتي نص الليل
خلوني بطرگ طاس من الخرس
بيها اجدي الصوت

جريت نفس عميق واطلقت سراح دموعي

اشهب خلصني اني بنص الموت

ما اعرف اني وين بالضبط بس الاعرفه اني بمنطقه اسمها البتاوين لتتأخر علية اشهب تعال

اشهب: شوووداااج غيم شووداج يبوي منو اخذج كليلي بس انطيني نقطه داله عليج نص ساعة ويمج اني سألي أي شخص يمج تسمعيني حبيبتي لا تبجين بابا اني يمج ما اعوفج

غيم: الاشوز هو اخذني هو جابني هنا حابسني اشهب ما اكدر اطلع ولا اعرف احد ولا اندل شي

اشهب: ابن الــــ............ ابن الـــ........ هذا يكول ما اندلهااا يكول انهزمت مني لج غيمه اهلج كالبين الدنيا وهو وياهم يدوور اخ الله بس خلي اطلعج منه واشووفه هل ابن الـــ.......

غيم: اشهب مو وقت الحجي تحرك سوي شي خابر مصعب الله يخليكم طلعوني منا بعد ما اتحمل اكثر

اشهب: جايج بابا جايج لتخافين خلي الخط مفتوح لا تقفلي بس احدد موقعج وين واجيج حبيبتي

غيم: نهيت المكالمة منه وكلي امل اليوم راح اطلع منا مرت خمس دقايق ورجع اتصل فتحت خط بسرعه وجاوبته

اشهب: غيمة خابرت مصعب حبيبتي هسة رايحين نحدد الموقع ونجي خليج على اتصال وياية ماشي ما نتأخر عليج احنا

غيم: اشهب راح انتظركم لتكسرون بية هذا اخر امل عندي حتى اطلع منا واخاف ابقي المكالمة مفتوحة خاف يجي الاشوز لان كال ميتأخر اني راح اضم الجهاز بس اخلي مفتوح ما اقفلة

اشهب: هاهيه ياب مثل متشوفين بس لا تقفلين الخط فدوه رحتلج ما اعوفج والله ما اكسر بيج اكسر بروحي وما اخذلج بس انتظريني ما اتأخر عليج

غيم: بعدني فاتحة مكالمة ويا اشهب صارت صوت بألاتصال بسرعة نزلت الجهاز من اذني وشفت رقم يتصل

رجف گلبي وبلعت ريك بخوف

اشهب ما اعرف منو ديتصل رقم ما اعرفة خاف الاشوز شلون شلون شسوي الله يخليك

اشهب: على كيفج لتخافين اهدئي والله جايج دا اسوق اني عوفي يتصل لا تفتحين خط بس خليج ويايه غيم

غيم: اشهب يحجي واني عيوني عالرقم يفصل ويرجع يتصل

من الخوف سديت الاتصال وقفلت الجهاز كله وكمت ضميته بالكنتور