ថេយ៉ុងឈរនៅក្នុងបន្ទប់លោកនាយកដោយទឹកមុខស្លេកស្លាំងដូចជាធ្វើអ្វីខុសយ៉ាងចឹង មិនត្រឹមតែនាយម្នាក់នោះទេដែលមុខស្លេកនោះ សូម្បីតែនាយកសាលាដែលជាឪពុករបស់នាយក៏ឈរមុខស្លេកក្បែរៗនោះដែរ។ នៅខាងមុខពីរនាក់ឪពុកនឹងកូន ជាស្រី្តវ័យកណ្តាលម្នាក់ដែលកំពុងតែអង្គុយតម្រង់ក្រសែភ្នែកសម្លឹងមើលអ្នកទាំងពីរនៅតុធ្វើការរបស់លោកគ្រូនាយក។
« នេះបងនឹងកូនកំពុងលេងកំប្លែងអី? » ស្រ្តីវ័យកណ្តាលនិយាយដោយសម្លេងខឹងសម្បារ ទឹកមុខមើលទៅខឹងយ៉ាងខ្លាំងស្រដៀងនឹងភ្នំភ្លើងដែលរៀបនឹងផ្ទុះចេញមកគ្រប់ពេលអញ្ចឹង។
« អឺ គឺថាកូនស្រីពួកយើង.... » លោកគីម និយាយមិនទាន់ចប់ផងក៏ត្រូវលោកស្រីគីមនិយាយកាត់ជាមុនបាត់។
« អោយកូនមករៀននៅសាលារៀនឆាយលួន ថែមទាំងបន្លំធ្វើជាប្រុសទៀត វាមិនមែនជារឿងកំប្លែងទេណា៎! » លោកស្រីគីម និយាយបណ្តើរយកដៃឈ្លីក្បាលខ្លួនឯងបណ្ដើរ ព្រោះគាត់ពិតជាឈឺក្បាលជាមួយឪពុកកូនពីរអ្នកនេះខ្លាំងមែនទែន។
« តែថា..... »
« ឆ្គួតទាំងឪពុកនឹងកូនតែម្តងហើយ ឥឡូវនិយាយមកថាវាមានរឿងអី ខ្ញុំទៅលេងប៉ានៅអាមេរិកមិនយូរប៉ុន្មានក៏មានរឿងបែបនេះកើតឡើងទៅហើយ »
« ក៏វា.... »
« ខ្ញុំមិនចង់ជឿសោះហើយនៀក៎ »
« អូនស្តាប់បងនិយាយបកស្រាយសិនទៅមើល៎! » លោកគីម ថេយ៍វ៉ូ គំហកដោយទ្រាំលែងបានទៀត ខូចអារម្មណ៍ដែលត្រូវជំទាស់អស់ រហូតស្ទើរតែមិនបាននិយាយបកស្រាយអ្វីសោះ បើប្រពន្ធសម្លាញ់ចិត្តខ្លួនគិតតែពីនិយាយកាត់រហូតបែបនេះ។
« កូនស្រីរបស់យើងអាយុ18ឆ្នាំហើយ ល្មមអាចសម្រេចចិត្តបានដោយខ្លួនឯងខ្លះហើយ ដូច្នេះហើយនេះជាផ្លូវដែលថេយ៍សម្រេចចិត្តដោយខ្លួនឯង បងក៏គ្រាន់តែគាំទ្រកូនតែប៉ុណ្ណោះឯង ចំណែកហេតុផលស្តាប់ចេញពីមាត់របស់កូនទៅល្អជាង! »
« លោកប៉ា? » ថេយ៉ុង ងាកមកមើលមុខឪពុករបស់ខ្លួនដោយក្រសែភ្នែកប្រាប់ន័យថា ហេតុអីក៏ទម្លាក់មកលើកូនទៅវិញ ម្តេចមិនបកស្រាយប្រាប់អ្នកម៉ាក់អោយចប់តែម្តងទៅ។
YOU ARE READING
♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]
Randomចន ជុងហ្គុក 𝐱 គីម ថេយ៉ុង និពន្ធដោយ : ចន រ៉ាគីម ℙ𝕠𝕤𝕥 : 20/08/23 - 28/12/23