ជុងហ្គុកអង្គុយចាំខ្វនសាំងវ៉ូនៅបន្ទប់ផ្សាយសំលេងជាមួយនឹងប្អូនប្រុស គេងើយមុខមើលនាឡិកាលើជញ្ជាំងប្រាប់ថាពេលវេលាជិតម៉ោង៥ហើយ ហើយមួយម៉ោងទៀតសួនកម្សាន្តនេះនឹងបិទ។
« សុំទោស » គេក្រោកឡើងហាមាត់និយាយទៅកាន់ភ្នាក់ងារទំនាក់ទំនង ដែលកំពុងតែអង្គុយលេងជាមួយនឹងជុងហ្គី។
« ចា៎ស? »
« ខ្ញុំសូមផ្ញើប្អូនប្រុសមួយភ្លែតបានទេ? »
« បានចា៎ស »
« អរគុណច្រើនណាស់ »
ក្រោយពីធ្វើប្អូនប្រុសជាមួយនឹងភ្នាក់ងារទំនាក់ទំនងហើយ ប្រុសកំលោះក៏ប្រញាបរត់ចេញពីបន្ទប់ភ្លាម គោលដៅដែលខ្លួនឯងនឹងទៅនោះគឺជាបន្ទប់ពេទ្យ ក្នុងចិត្តក៏នឹកដល់ពេលវេលាដែលកាន់តែងងឹតទៅគ្រប់ពេល ប្រាកដណាស់ថាគេកំពុងនឹកដល់ហាងអាហារដែរមានតិចតួចបំផុតដែលបើកនៅពេលល្ងាចបែបនេះ។
« អាឆ្កួតអើយ! រវល់តែធ្វើស្អីហ្គាស? » សំលេងឡូឡាបន្លឺឡើង ព្រមទាំងការបង្ហាញខ្លួនរបស់ជុងហ្គុកនៅក្នុងបន្ទប់ពេទ្យ ខ្វនសាំងវ៉ូងាកមកមើលមុខមិត្តដោយទឹកមុខស្លេកស្លាំង នៅក្នុងដៃមានកាន់កាតអត្តសញ្ញាប័ណ្ណរបស់ថេយ៉ុងនៅឡើយទេ។
« អឺ...គឺថា... »
« មិនបាច់មកនិយាយយកខ្លួនល្អទេ យើងអោយឯងមកដាស់ថេយ៉ុងហើយឯងបែរជាមកឈរធ្វើស្អីនៅទីនេះ? »
« ម្សៀនោះ អត់ទេ...នាងនៅមិនទាន់ភ្ញាក់ទេ » ខ្វនសាំងវ៉ូប្ដូរសព្ទនាមអោយថេយ៉ុងរួចរាល់ អេ...អ្នកណាទៅហ៊ានហៅមនុស្សស្រីថាម្សៀនោះ ខូចមាយាទអស់ហើយ ម្យ៉ាងវិញទៀតពាក្យនេះគេប្រើតែសម្រាប់មនុស្សប្រុសទេតើ។
« នឹងចាំធ្វើស្អីទេ ក៏ដាស់គេទៅ »
« យើងថាចាំឱ្យគេភ្ញាក់សិនទៅល្អជាង »
« ពេទ្យ ខ្ញុំដាស់ម្សៀនេះបានហើយមែនទេ? » គេងាកមកសួរពេទ្យដែលអង្គុយសំកុកមិនដឹងអីនៅតុក្បែរខ្វនសាំងវ៉ូ ពេលនោះពេទ្យក៏ងក់ក្បាល ប្រុសកំលោះក៏ ឈានជើងមកឈប់ក្បែរគ្រែ ហើយយកដៃទះទៅកណ្ដាលក្បាលរបស់ថេយ៉ុងទាំងមិនសំចៃដៃ។
YOU ARE READING
♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]
Randomចន ជុងហ្គុក 𝐱 គីម ថេយ៉ុង និពន្ធដោយ : ចន រ៉ាគីម ℙ𝕠𝕤𝕥 : 20/08/23 - 28/12/23