ព្រឹកឡើងសម្លេងចេចចាចក្នុងសាលារៀនឆាយលួននៅលាន់រំពងដូចសព្វមួយដង ដូចជាសិស្សម្នាក់ៗមិនបានជួបមុខគ្នាយូរណាស់ហើយអញ្ចឹង គ្រាន់តែថ្ងៃឈប់សម្រាកមានតែសៅរ៍អាទិត្យប៉ុណ្ណោះ។ នៅក្នុងបន្ទប់បួនជ្រុងដែលអប់ទៅដោយក្លិនញើស ធ្វើអោយថេយ៉ុងវិលមុខចង់ក្អួតជាខ្លាំង។
« ថាមិច? ជុងហ្គុកទៅកាលពីយប់មិញហ្អេស? » ខ្វនសាំងវ៉ូ លាន់មាត់និយាយដោយសម្លេងខ្លាំងៗនៅពេលដែលបានដឹងរឿងពីមាត់របស់ចាត់ការជំរុំថ្មីដូចជាថេយ៉ុង។ ប្រាកដណាស់ថាអ្នកទាត់បាល់ក្នុងជំរុំដែលបានលឺក៏ងាកមកមើលដោយការចាប់អារម្មណ៍។
« បាទ »
« ហើយជុងហ្គុកនោះមានបានប្រាប់ទេថាទៅណា? »
« អត់ដឹងទេ ឃើញប្រាប់ថាអ្នកផ្ទះមានបញ្ហាហើយក៏អោយខ្ញុំមកមើលថែជំរុំជំនួសគេមួយរយ: »
« អញ្ចឹងហ្អេស ការពិតក៏បែបនេះឯង » ខ្វនសាំងវ៉ូ ដកដង្ហើមយ៉ាងធូរទ្រូង បន្ទាប់មកក៏ចាប់ញញឹមញញែមមកវិញ។
« អញ្ចឹងពួកយើងក្នុងជំរុំបាល់ទាត់ក៏សុំផ្ញើខ្លួនផ្ញើប្រាណផងណា៎ »
« ខ្ញុំក៏អញ្ចឹងដែរ សុំផ្ញើខ្លួនផ្ញើប្រាណផង »
« ក្នុងជំរុំកុំគិតថាយើងជាមិត្តឯងអីណា៎ អញ្ជើញបង្ហាត់បង្រៀនតាមសប្បាយ ព្រោះពេលនៅក្នុងជំរុំយើងមិនមែនជាមិត្តទៀតទេ តែស្ថិតនៅក្នុងឋានៈជាអ្នកបង្វឹកនឹងអ្នកកីឡា »
« បាទ ខ្ញុំដឹងហើយ »
« ពិតហើយថេយ៉ុង មិនប៉ុន្មានខែទៀតទេនឹងប្រកួតហើយ ពេលនោះខាងសាលានឹងអោយត្រឡប់ទៅផ្ទះវិញរហូតដល់បវេសនកាល ផ្ទះរបស់ឯងនៅឯណាដែរ? »
« អឺ... » ថេយ៉ុងនៅស្ងៀមបន្តិច មានអារម្មណ៍ថាភាំងនឹងសំណួររបស់ខ្វនសាំងវ៉ូ បើនាយប្រាប់គេថានៅផ្ទះតែមួយជាមួយនឹងនាយកសាលារៀននេះ ឬប្រាប់អាស័យដ្ឋានអោយបានដឹង ខ្លាចថាគេប្រាកដជាមករកនាយហើយដឹងរឿងគ្រប់យ៉ាងជាមិនខាន ដូច្នេះផ្លូវដែលល្អបំផុតនោះគឺកុហកថាខ្លួនឯងនៅឆ្ងាយនឹងអស់កង្វល់ហើយ។
« ខ្ញុំនៅប៉ូសាន »
« ហា៎ស...ប៉ូសាន! ហេតុអីក៏ឆ្ងាយម្ល៉េះ? »
YOU ARE READING
♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]
Randomចន ជុងហ្គុក 𝐱 គីម ថេយ៉ុង និពន្ធដោយ : ចន រ៉ាគីម ℙ𝕠𝕤𝕥 : 20/08/23 - 28/12/23
![♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]](https://img.wattpad.com/cover/350404784-64-k99585.jpg)