ក្នុងរោងកុនដែលងងឹតស្លុបមានត្រឹមតែពន្លឺភ្លើងព្រិលៗពីកញ្ចក់កុនប៉ុណ្ណោះ ដែលធ្វើអោយអ្នកទស្សនាអាចមើលឃើញវត្ថុជុំវិញខ្លួនបានព្រិលៗតែប៉ុណ្ណោះ ម៉ូហារ៉ាអង្គុយមើលកុនដោយនាងមិនបានចាប់អារម្មណ៍នឹងកុនរឿងសោះឡើយ តែនាងបែរជាគិតតែពីសម្លឹងមើលមុខនាយកម្លោះដែលអង្គុយនៅក្បែរៗនាងទៅវិញ ជុងហ្គុកកំពុងអង្គុយអណ្តែតអណ្តូងដូចជាថាចិត្តរបស់គេកំពុងអណ្តែតទៅណាបាត់ហើយអញ្ចឹង។
« កុនអត់ល្អមើលហ្អេស? » ម៉ូហារ៉ាស្រដីសួរទៅកាន់ជុងហ្គុកភ្លាមនៅពេលដែលពួកគេទាំងពីរអ្នកកំពុងតែឈានជើងចេញពីរោងកុននោះ។
« ក៏ល្អមើលតើស៎ ហើយចង់ទៅណាទៀត? »
« ខ្ញុំចង់ទៅដើរផ្សារ » នេះហើយមនុស្សស្រី ទាញខ្ញុំមកថ្ងៃនេះដើម្បីតែធ្វើរឿងឆ្កួតៗបែបនេះសោះ ហើយមើលទៅប្រហែលជាអោយខ្ញុំមកកាន់របស់អោយនាងហើយ ហ្ហឹម !!! គ្រាន់តែគិតក៏ឈឺក្បាលទុកមុនដែរ។
ដូចជាគ្រូទាយពិតមែន វាដូចជាគេគិតមិនខុសទេ ជុងហ្គុកដើរតាមពីក្រោយម៉ូហារ៉ាត្រុកៗ ដៃទាំងសងខាងកាន់ស្បោងក្រដាសដាក់ខោអាវនឹងគ្រឿងសម្អាងជាច្រើនទៀត តែមើលទៅនាងស្រីអ្នកដែលដើរផ្សារនេះប្រហែលជានៅដើររកទិញសម្លៀកបំពាក់នៅហាងផ្សេងៗទៀតជាច្រើន។
នៅឯផ្ទះអត់មានខោអាវពាក់ទេឬយ៉ាងម៉េចនៀក៎ បានជាទិញច្រើនបែបនេះ អោយស្លាប់ទៅចុះ ម្តេចមិនព្រមម៉ៅទាំងហាងតែម្តងទៅ - - ។
« ខ្ញុំថាអាវនៅក្នុងហាងនោះស្អាតៗណាស់ »
« បាទ »
« ចាំបន្តិចទៀតយើងឈាងចូលមកទិញម្តងទៀត »
« បាទ »
« យើងទៅញ៉ាំបាយជាមួយគ្នាសិនទៅ »
« បាទ » ជុងហ្គុកឆ្លើយតបអោយរួចតែពីមាត់ មិនយូរប៉ុន្មានក៏មកដល់ហាងអាហារជប៉ុនមួយកន្លែង។
បន្ទាប់ពីកម្មង់អាហាររួចរាល់អស់ហើយ ទាំងពីរអ្នកក៏ចាប់ផ្តើមញ៉ាំទាំងស្ងៀមស្ងាត់ក្រោយពីកន្លះថ្ងៃកន្លងមកនេះពួកគេប្រើកម្លាំងថាមពលអស់ទៅជាច្រើន តាំងតែពីដើរលេងសួនកម្សាន្ដ ច្រៀងខារ៉ាអូខេ មើលកុន ដើរផ្សារ ដែលកម្មវិធីទាំងអស់នេះមិនប្រាប់ក៏ដឹងថាជាការដើរកំសាន្តដ៏ល្អដែរ មែនអត់ !?
YOU ARE READING
♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]
Randomចន ជុងហ្គុក 𝐱 គីម ថេយ៉ុង និពន្ធដោយ : ចន រ៉ាគីម ℙ𝕠𝕤𝕥 : 20/08/23 - 28/12/23
![♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]](https://img.wattpad.com/cover/350404784-64-k99585.jpg)