« អ៊ាវ៎! ពួកឯងនាំគ្នាទៅណាទើបនឹងមក...យើងចាំពួកឯងយូរហើយណា៎ » ខ្វនសាំងវ៉ូ ដែលកំពុងតែអង្គុយផ្អែកទ្វារផ្ទះរបស់ជុងហ្គុកនិយាយឡើងមក ទឹកមុខមើលទៅនឿយហត់យ៉ាងខ្លាំង។
« ហេតុអីក៏ឯងទៅជាបែបនេះហ្អាស? »
« អរ យើងទៅធ្វើការងារឆ្ងាយពីទីនេះ ទំរាំតែដើរមកដល់ក៏នឿយហត់ខ្លាំងណាស់ »
« ការងារ? ការងារអីទៅ? »
« ប៉ារបស់យើងបើកសណ្ឋាគារជិតៗនឹងអាគារ៦៣ យើងទៅធ្វើការជាភ្នាក់ងារស្វាគមន៍ ពិតមែនហើយ! ជុងហ្គុក ឯងនិយាយភាសាអង់គ្លេសបានមែនទេ? »
« អឹម មែនហើយ » ជុងហ្គុកងក់ក្បាល រូចក៏ដើរមកចាក់សោរទ្វារបន្ទាប់មកក៏ដើរចូលទៅខាងក្នុង។
« ពេលនេះសណ្ឋាគាររបស់ប៉ាយើងកំពុងជ្រើសរើសបុគ្គលិកខាងបកប្រែភាសាអង់គ្លេស តើឯងចាប់អារម្មណ៍ដែរទេ? »
ជុងហ្គុកឈប់ស្ងៀមងាកមកមើលមុខខ្វនសាំងវ៉ូ។
« ពិតមែនហ្អេស ហើយធ្វើយ៉ាងម៉េចខ្លះទៅ? »
« ក៏ត្រឹមតែសញ្ញាបត្របាក់ឌុបនឹង ប្រឡងភាសាបន្តិចបន្តួចក៏អាចធ្វើបានហើយ »
« គួរឱ្យចាប់អារម្មណ៍ណាស់ » ថេយ៉ុងដែលឈរស្ងៀមជាយូរនោះហារមាត់និយាយឡើង ជុងហ្គុកងាកមកមើលមុខនាយតូចមួយសន្ទុះបន្ទាប់មកក៏ដើរមកដាក់ជុងហ្គីឱ្យគេងនៅលើគ្រែ។
« សាកល្បងមើលសិនក៏បាន ស្អែកនេះយើងនឹងទៅដាក់ពាក្យ ថ្ងៃនេះយើងក៏ទើបតែត្រូវគេដេញចេញពីការងារដូចគ្នាដែរ »
« ហេតុអីទៅ? »
« យើងត្រូវរាយការណ៍ប្រាប់ឯងដែរហ្អី? » ជុងហ្គុក សម្លក់មិត្តនៅពេលដើរចូលមកអង្គុយនៅបន្ទប់ទទួលភ្ញៀវតូចៗ ខ្វនសាំងវ៉ូដើរមកអង្គុយនៅសាឡុងម្ខាងទៀត សម្លឹងមើលមុខរបស់ជុងហ្គុកដោយភាពព្រួយបារម្ភ។
« សម្លឹងមុខយើងបែបនេះមានន័យថាយ៉ាងម៉េច? » ប្រុសកម្លោះសួរដោយទើសចិត្ត។
« ឯងត្រលប់ទៅរៀនម្តងទៀតទៅ »
« ហើយយើងនឹងយកពេលឯណាមកធ្វើការ? »
YOU ARE READING
♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]
Randomចន ជុងហ្គុក 𝐱 គីម ថេយ៉ុង និពន្ធដោយ : ចន រ៉ាគីម ℙ𝕠𝕤𝕥 : 20/08/23 - 28/12/23
![♡បន្លំស្នេហ៍ប្រុសមាត់ដាច♡ [𝐂𝐨𝐦𝐩𝐥𝐞𝐭𝐞✅]](https://img.wattpad.com/cover/350404784-64-k99585.jpg)