အပိုင်း 1
"ပဲပြုတ်သည် ပဲပြုတ်...ဟောသည်က ပဲပြုတ်"
ဝေလီဝေလင်းအချိန်တွင် ပဲပြုတ်သည်ဒေါ်အေးရဲ့ အသံခပ်စူးစူးက ကောင်းမွန်အားနိုးလာစေသည်။ထို့အပြင် ကောင်းမွန်ရဲ့ အချစ်တော် ဖိုးဝါဆိုသည့်ကြက်ဖရဲ့တွန်သံကိုလည်းကြားရသည်။
ကောင်းမွန်တစ်ယောက် ကျောင်းပိတ်ရက်ဖြစ်သဖြင့်သူ့အဖေနှင့်အတူလယ်တောကိုလိုက်ရမည်ဖြစ်သောကြောင့် အိပ်ယာကနေထလိုက်သည်။
ထို့နောက်မျက်နှာသစ်ရန် စင်အိုးအနားကိုသွားလိုက်သည်။
စင်အိုးအနားရှိ သစ်သားကွပ်ပျစ်ပေါ်တွင်တင်ထားသော မီးသွေးခဲကိုယူကာ သွားတိုက်ပြီးနောက် မျက်နှာသစ်လိုက်သည်။
ကောင်းမွန်မြတ် မျက်နှာသစ်နေသည့်အနားသို့ သူ့ညီမလေးမေမွန်မြတ်ရောက်လာသည်။မေမွန်မြတ်မှာ အသက်7နှစ်အရွယ်ဖြစ်သည်။ကောင်းမွန်နှင့်သူ့ညီမလေးမှာ5နှစ်ကွာသည်။
"ကိုကို....မျက်နှာသစ်ပြီးမှသွားတိုက်ရတာလေ...သွားတိုက်ပြီးမှမျက်နှာသစ်တာ ကိုကိုမှားနေတယ်"
"မေလေးကိုဘယ်သူကပြောလဲ"
"ဖေဖေပြောတာလေ"
"ဟားဟား...မေလေးအစောကြီးရှိသေးတယ် ဘာလို့ထလာတာလဲ"
12နှစ်အရွယ်ကောင်လေးက သူ့ညီမလေးအားခါးထောက်ကာမေးလိုက်သည်။
"မေလေး တောထဲလိုက်ခဲ့ချင်လို့...အဲ့တာဖေဖေ့ကိုပြောပေး"
"ဟုတ်ပါပြီ ကိုကို့ရဲ့မင်းသမီးလေး...ကိုကိုနဲ့အတူတူလိုက်ခဲ့ဟုတ်ပြီလား"
"ယေး...ပျော်လိုက်တာ တောထဲကြ ကြာပန်းတွေခူးရတော့မယ်"
"နေဦး မေလေး....ကိုကို့ကိုကတိပေး ရေထဲတွေလျောက်မဆင်းပါဘူးလို့"
"ဟုတ်ကဲ့ကိုကို ကတိပါရှင့်"
ကောင်းမွန်မြတ် မေလေးရဲ့ခေါင်းလေးကိုဖွဖွလေး ထိုးဖွလိုက်သည်။
"အတတ်ကလေး"
.................
ကြာဖြူကြာနီကြာညိုနှောလို့၊တို့လယ်တောမှာပွင့်ကြတယ်။
ကောက်စိုက်အပြန်ရေကန်ကြီးက
ကြာတစ်စည်းလောက်ချိုးခဲ့ကွယ်။
YOU ARE READING
နှလုံးသွေးဖြင့် ဆေးပါရစေ (Completed)
Romance#Normal #Myanmar fiction #punishment type #ဆိုးသွမ်းလွန်းတဲ့ကောင်မလေးနဲ့ တည်ငြိမ်ရင့်ကျက်တဲ့ကောင်လေးရဲ့အချစ်ဇာတ်လမ်း #ဖတ်ကြည့်ပါ တစ်ခုခုတော့ကျန်မှာပါ
