အပိုင်း 4
သရက်ပင်တို့ ငှက်ပျောပင်တို့ကာရံထားသောအိမ်လေးတစ်လုံးထဲတွင် ဖယောင်းတိုင်မီးနှင့် လူငယ်လေးတစ်ဦးစာကြည့်နေသည်။ အနက်ရောင်ချည်ကွက်အင်္ကျီလေးနှင့်ပုဆိုးအနီရောင်ကွက်လေးကိုဝတ်ဆင်ထားသည့်ထိုလူငယ်လေးမှာ သတ္တမတန်း၏ စာအတော်ဆုံးကျောင်းသားပင်ဖြစ်သည်။
သချ်ာပုစ္ဆာများကို အသည်းအသန်တွက်နေသောထိုလူငယ်လေးအနားသို့ သူ၏ညီမလေးရောက်လို့လာသည်။
"ကိုကို....ညီမလေး ဒီသင်္ချာတွေမတွက်တတ်လို့"
"မေလေး အခုကမိုးချုပ်တော့မာ...ညနေကတည်းက ကိုကို့ကိုကျောင်းကအိမ်စာပေးလိုက်တာဘာလို့မပြောတာလဲ"
"ဟို..."
မေမွန်မြတ် သူ့အကိုအားကြည့်ကာ အကြောင်းပြချက်စဥ်းစားနေလေသည်။
"မေလေး....ကိုကို ညနေကမေးတော့ ဘာစာမှမပေးလိုက်ဘူးဆို...မေလေးက ကိုကို့ကိုလိမ်တာလား"
"..."
"မေးနေရင်ဖြေလေ..."
ကောင်းမွန်မြတ် သူ့ညီမလေး မေမွန်မြတ်အားပြောနေစဥ် ဒေါ်ရည်မွန်ရောက်လို့လာသည်။
"သား မအိပ်သေးဘူးလား...သမီးလေးရော အမေ့အနားကနေထသွားပြီး ကိုကို့အနားရောက်နေတယ်ကြည့်ဦး"
"အမေ ..အမေ့သမီးလေ ကျောင်းကအိမ်စာပေးလိုက်တာကို မလုပ်ရသေးဘူး...သား ညနေကမေးတော့မဖြေဘူး...အခုမှလာပြီးပြောနေတယ်"
"မေလေး ....သမီးလေး နောက်ကြ ကျောင်းက
အိမ်စာမှာရင်ညနေကတည်းကလုပ်ရမယ်နော်...အခုတော့အိပ်စို့ မနက်မှကိုကို့ကိုမသိတာမေးပြီးလုပ်...ပြီးမှကျောင်းသွားလိုက်"
မေမွန်မြတ် မျက်လုံးလေးမှာ မျက်ရည်ဝဲကာနေသည်။
သူ့ရှေ့မှ သူ့ကိုကိုက မျက်နှာတည်ကြီးနှင့် သူ့ကိုကြည့်နေသည်။ကိုကိုနဲ့ သူနဲ့အသက်5နှစ်ကွာသော်လည်း ကိုကိုက သူ့အားအဖေလိုအကိုလိုချစ်ပေးသည်။အလိုလိုက်ရင်လည်းနှစ်ယောက်မရှိသလို ဆူရင်လည်းနှစ်ယောက်မရှိ။
"မေလေး....နောက်ဒီလိုအဖြစ်မျိုးမဖြစ်စေနဲ့ကြားလား...အဆော့မက်ပြီးစာမလုပ်တာတွေကိုကိုမကြိုက်ဘူး...မေလေးကို ကိုကိုအလိုလိုက်စရာရှိတာလိုက်မယ်...စာနဲ့ပတ်သက်ပြီးတော့မေလေးမဆိုးစမ်းနဲ့...လိမ်တာအမုန်းဆုံးဆိုတာသိရဲ့နဲ့ ကိုကို့ကိုလိမ်သေးတာ....ပြောတော့အိမ်စာမပေးလိုက်ဘူးဆို အခုကြ ဟမ်"
BẠN ĐANG ĐỌC
နှလုံးသွေးဖြင့် ဆေးပါရစေ (Completed)
Lãng mạn#Normal #Myanmar fiction #punishment type #ဆိုးသွမ်းလွန်းတဲ့ကောင်မလေးနဲ့ တည်ငြိမ်ရင့်ကျက်တဲ့ကောင်လေးရဲ့အချစ်ဇာတ်လမ်း #ဖတ်ကြည့်ပါ တစ်ခုခုတော့ကျန်မှာပါ
