အပိုင်း 18
မေလေး ဒီနေ့ညနေ ကိုကိုနဲ့စာသင်ရတာ စိတ်မပါ။ချစ်ရသူနန်းနန်း အိမ်ပြန်ရောက်မှ သူစိတ်အေးနိုင်မည်။ သူ့ရင်မှာပူလောင်နေတာ နန်းနန်းကတော့သိမည်မထင်။
မေလေး စိတ်ထဲတွင် နန်းနန်းဘေးကင်းပါ့မလား...နန်းနန်းဘယ်တော့ပြန်ရောက်မလဲ စသည့်အတွေးတွေကသာ ကြီးစိုးနေသည်။
ဖြန်း....
ကောင်းမွန်မြတ် စာထဲကိုစိတ်ဝင်စားမှုမရှိသောညီမဖြစ်သူရဲ့ လက်ကို ကျောက်ကျောပေတံလေးနဲ့ ရိုက်လိုက်သည်။
"မေလေး...စာထဲကိုစိတ်မပါဘူး စိတ်တွေဘယ်ရောက်နေတာလဲ"
မေလေး ကိုကို့အမေးကြောင့် သူခိုးလူမိသွားသလို လန့်ကာသွားသည်။
"ကိုကို မေလေးခေါင်းတွေကိုက်လို့ "
မေလေး ကိုကို့ကိုလိမ်လိုက်မိပြန်ပြီ။ကိုကို့ကိုလိမ်ရဲတဲ့အထိသတ္တိရှိနေသည့် သူ့ကိုယ်သူလည်းမေလေးအကြိမ်ကြိမ်အံ့သြမိသည်။အချစ်ကြောင့်လိမ်တတ် တာဆိုပြီး အချစ်ကိုအပြစ်ပုံမချချင်။အချစ်မှာအပြစ်မရှိ သူ့မှာသာအပြစ်ရှိသည်။ဒါပေမယ့် အချစ်စွမ်းအားကသိပ်ကြီးသည်။ မေလေး နန်းနန်းအတွက်ဆို အရာရာဖြည့်ဆည်းပေးချင်သည်။နန်းနန်းကိုသူ့ဘေးမှာပဲအမြဲရှိစေချင်သည်။သူ့ကိုပဲခင်တွယ်စေချင်သည်။အတ္တတွေက တဖြည်းဖြည်းပိုကြီးမိလာခဲ့သည်။သူ့ရဲ့အတ္တတွေကြောင့် နောင်တွင် သူအမှားပင် ကျူးလွန်မိကောင်းမိနိုင်၏။
မေလေး သူ့အချစ်ကို ကိုကိုမသိအောင်ဖုန်းကွယ်ရန်အတတ်နိုင်ဆုံးနေရမည်။ ကိုကိုက သူ့စိတ်ကိုအသိဆုံးဖြစ်လို့သူအနေအထိုင်ပိရိရမည်။ကိုကို့ရှေ့မှာ နန်းနန်းကို သူချစ်နေတာနဲ့ပတ်သက်ပြီး မရိပ်မိအောင် သူကြိုးစားမည်။
"ကိုကို မေလေး ကျောင်းမှာမတည့်တာစားမိလို့ထင်တယ်"
"မေလေး ...ကိုကို ပြောထားတယ်လေ မတည့်တာတွေမစားရဘူးလို့....ပြီးတော့ recordစာရွက်ကိုမပျောက်စေနဲ့နော် ကြားလား ကိုကို့တီချယ် ကိုကို့ကိုtrainပေးသလို မေလေးကို ကိုကိုtrainပေးနေတာ"
ESTÁS LEYENDO
နှလုံးသွေးဖြင့် ဆေးပါရစေ (Completed)
Romance#Normal #Myanmar fiction #punishment type #ဆိုးသွမ်းလွန်းတဲ့ကောင်မလေးနဲ့ တည်ငြိမ်ရင့်ကျက်တဲ့ကောင်လေးရဲ့အချစ်ဇာတ်လမ်း #ဖတ်ကြည့်ပါ တစ်ခုခုတော့ကျန်မှာပါ
