အပိုင်း 9
တစ်နှစ်ခန့်ကြာသော်....
"ဟား...လိုက်ဖမ်းလေ လိုက်ဖမ်း...ဟား"
ခြံထဲတွင် ပြေးလွှားဆော့ကစားနေသူ ကောင်မလေးနှစ်ယောက်။နန်းနန်း ကို မေလေးအနောက်ကနေ လိုက်ဖမ်းနေသည်။နန်းနန်းနှင့်မေလေးတို့ သူငယ်ချင်းသံယောဇဥ်ဟာရစ်ပတ်နှောင်ဖွဲ့နေလေပြီဖြစ်သည်။နန်းနန်းကို မေမွန်မြတ်နှင့် တည့်လိမ့်မယ်လို့ တစ်အိမ်လုံးကမထင်။နန်းနန်းက ဘယ်သူနဲ့မှမတည့်သဖြင့် အခုနန်းနန်းမေလေးနဲ့ခင်မင်သွားသည်က မှတ်တမ်းတင်ထားဖို့ကောင်းလွန်း၏။
"နန်းနန်း မိလို့ရှုံးရင် ကတိပေးရမာနော်ပြောပြီးသား"
မေလေး နန်းနန်းအား ကိုကိုနှင့်အတူစာသင်မည်ဟူသောကတိကို မရရအောင်တောင်းမည်တွေးထားသည်။
"လိုက်လေ...လာ...လာ...အင့်"
နန်းနန်း ကိုကောင်းမွန်မြတ်နှင့်ဝင်တိုက်လေသည်။ကိုးတန်းအရွယ်နှင့် လေးတန်းအရွယ် ဖြစ်သဖြင့် နန်းနန်း ခေါင်းက ထိုအကိုကြီးခါးနားတွင်ဖြစ်သည်။
"အား မိပြီ"
မေလေးမှာ နန်းနန်းကိုဖမ်းမိသွားလေပြီ။
"အာ.....မွန်မြတ် နင့်အကိုကြောင့်ငါရှုံးသွားတာ...မတရားဘူးပြန်ဆော့မယ်....ဒီဘိုးတော်သာ ငါပြေးမယ့်လမ်းလာမရပ်ရင် ငါမရှူံးဘူး"
ကောင်းမွန်မြတ် သူ့ရှေ့က ကလေးနှစ်ယောက်ကို ရပ်ကြည့်နေသည်။သူ့အားဘိုးတော်လို့သုံးကာပြောလိုက်သောနန်းနန်းအား စိတ်ရှိလက်ရှိပါးကိုဖဲ့ပစ်ချင်သည်။
"နန်းနန်း....မယုတ်မာနဲ့ ...လူဆိုတာကတိတည်ရတယ်နော်"
"မေလေး....ဘာကတိတွေတောင်းနေတာလဲ"
ကိုကို့ဆီကမေးလာသည့်အဖြေကို မေလေးရယ်ကာဖြေလိုက်သည်။
"ကိုကို...မေလေး နန်းနန်းကို ကတိတောင်းထားတယ်...အဲ့ကတိက ဆော့တာသူရှုံးသွားရင် ကိုကိုနဲ့စာသင်ပါ့မယ်ဆိုတဲ့ကတိ"
"သြော်"
နန်းနန်း ကိုကောင်းမွန်မြတ်ကိုမော့ကြည့်လိုက်သည်။ကိုကောင်းမွန်မြတ်ကလည်း သူ့အားငုံ့ကြည့်လိုက်သည်။မျက်လုံးချင်းဆုံသွားသည့်ခဏတွင် နန်းနန်းရင်တွေတမျိုးဖြစ်လို့လာသည်။ထိုအကိုကြီးက သူ့အား ခပ်စူးစူးအကြည့်ဖြင့်ကြည့်နေသည်။
ESTÁS LEYENDO
နှလုံးသွေးဖြင့် ဆေးပါရစေ (Completed)
Romance#Normal #Myanmar fiction #punishment type #ဆိုးသွမ်းလွန်းတဲ့ကောင်မလေးနဲ့ တည်ငြိမ်ရင့်ကျက်တဲ့ကောင်လေးရဲ့အချစ်ဇာတ်လမ်း #ဖတ်ကြည့်ပါ တစ်ခုခုတော့ကျန်မှာပါ