Unicode
ခနောင်းရွာလေးသည် အလွန်သာယာသောရွာငယ်လေးဖြစ်သည်။
ရွာသူရွာသားများကလည်း အချင်းချင်းစည်းလုံးညီညွှတ်ကြသည်။
ခနောင်းရွာသူရွာသားများသည်အများအားဖြင့်ပန်းစိုက်ပျိုး၍အသက်မွေးဝမ်းကြောင်းပြုကြသည်။
ခနောင်းရွာတွင်နှစ်စဉ်နှစ်တိုင်းကျင်းပသောပွဲလေးတခုရှိသည်။
ဤသည်ကကြာခူးပွဲပင်ဖြစ်သည်။
ခနောင်းရွာ၏ရွာထိပ်ရှိရေကန်ကြီးတွင်ကြာပန်းများသည်ဆယ်နှစ်ရာသီမရွှေးပွင့်နေသည်။
ထိုကန်မှကြာပန်းကိုခူးယူသူသည် အမျိုးသားသာဖြစ်ရမည်ဟုမှတ်ချက်ရှိသည်။
ထိုအမျိုးသားသည်လည်း မိမိအိမ်ထောင်ဖက်အတွက်သာရည်စူး၍ ကြာပန်းကိုခူးယူကြရလိမ့်မည်ဖြစ်သည်။
ခူးယူပြီးသောကြာပန်းလေးသည်အိမ်ထောင်ဖက်၏လက်ပေါ်ရောက်သည်နှင့်ညှိုးနွမ်းသွားပါက
ထိုစုံတွဲသည်မပေါင်းဖက်သင့်သောစုံတွဲဟုအယူရှိကြသည်။
ထိုကြောင့်ရွာထဲတွင်နှစ်စဉ်နှစ်တိုင်းမင်္ဂလာဆောင်မည့်စုံတွဲများက ထိုကြာကန်သို့သွား၍ကြာခူးပွဲတွင်အဆင်ပြေစေရန် ဖူးစာရေးနတ်ကိုပူဇော်ပသကြသည်။
ဤသည်ကပင်အခြားရွာလေးနဲ့မတူပဲ ခနောင်းရွာလေး၏ထူးခြားချက်ပင်ဖြစ်သည်။
ခနောင်းရွာထဲရှိ နှင်းဆီအနီများဖူးပွင့်နေသောခြံကြီးအရှေ့တွင်
မိန်းမပျိုလေးနှစ်ဉီးသည်ပန်းအိုးအသေးလေးနှစ်အိုးကိုတယောက်တအိုးစီရင်ဖက် ထဲတွင်ပိုက်ထား၍ခြံထဲရှိအိမ်ထဲမှသူငယ်ချင်းဖြစ်သူကိုအော်ခေါ်နေတော့သည်။
"ခြွေရေ....ခြွေ"......
ထိုအချိန်ခြံဝန်းတွင်းမှနှင်းဆီအနီများကိုကြိုးဖြင့်စည်းနေသောအမျိုးသမီးကြီးသည်ခြံအရှေ့ဘက်မှအော်သံကြားသဖြင့်ခြံပြင်သို့ထွက်လာခဲ့သည်။
"ဟယ်သမီးတို့ပါလား သားဆီလာတာထင်တယ် ခြံထဲဝင်လာခဲ့လေ"
ထိုအခါမှမိန်းမပျိုလေးနှစ်ဉီးသည်ပြိုင်တူခြံဝန်းတွင်းသို့ဝင်လာကြတော့သည်။
YOU ARE READING
ခြွေယူသူ (complete)
Фэнтезиboy×boy girl×girl ukeလေးကနည်းနည်းweakဖြစ်မှာပါရှင့် အခုမှစရေးတဲ့ficလေးမို့ဖတ်ပေးကြပါအုံးရှင့်
