علاقات مشبوهة

علاقات مشبوهة 17

#علاقات_مشبوهة
#بقلمي  : #مشاعر_مبعثره
الجزء الأول
الفصل الرابع  (الحرب الباردة)
الحلقه (17)
قمت من تحت إياد وسحبت الملايه علي هو زاتو قام على حيلو كان بالشورت جمال طوالي طلع  برا النصري قال لشاكر اتفضل دا ولدك العريس يا شاكر إياد طبعا ما قال ولا حاجه وانا انصعقت الصراحه حسيت اني انتهيت خلاص وجسمي كله هبط ما قادره اتحرك ولا اتكلم يعني موقف موقف ما بتحسد عليه شاكر صرخ في إياد طلع ال............. دي برا وتعال وراي انا كنت جامده إياد مسكني من يدي وطلعني لمن جينا جنبهم زحو بطريقه مستفزه يعني ذي القزاره الماعاوزين حتى ملابسهم تلمسا اول ما طلعنا قلت له إياد دا شنو البحصل دا انا انتهيت طوالي صرخ فيني انتي انتهيتي؟ انتي منتهيه من زمان انا الانتهيت  : إياد؟  : هسسس مأسمع صوتك ولا تجيبي اسمي دا على لسانك الفاسد تاني انا انصدمت ما عارفه هو بقول كدا ليه قلت له انا ذنبي شنو قعدت في الارض ابكي وقلت له انا انفضحت ياإياد لازم تقيف معاي  قال لي دا العاوزاه انتي بس ما تحلمي انتي ما عندك حق تتكلمي  : ماأتكلم  كيف انا انفضحت  : طول عمرك مفضوحه ولافه لانك ما بنت ناس تقدري تقولي لي بتعملي في شنو معاي اسي؟ في بنت محترمه بتعمل عملتك دي؟ إياك تمثلي دور الضحيه كل الحصل دا برضاك وموافقتك انتي عاوزه كدا وحصل  : انا الجيتك؟ انا الطلبت؟ انت انت الحاصل عليك شنو قبل شويه كنت حنين معاي ومحتويني  : عملت لك الانتي عاوزاه وبس انتي واحده تافهه بتتلذذ بالعلاقات المحرمه وما بتقدري تعيشي من غير ما راجل يلمسك عملت شنو جديد يعني؟ ما امجد برضو لمسك وما معروف منو تاني  : انت واحد تافه وكلب غشيتني الله ينتقم منك قعدت اصرخ فيه ضربني كف وقال لي اطلعي برا يلا من هنا وما توريني وشك تاني يلا برا انا قضيت زمني وانتي عشتي حاجه كنتي متمنياها من اول مره شفتيني حصلت وانتهينا يلا اطلعي برا  قلت له اطلع كيف يعني كدا وبشكلي دا جاء النصري جدع فيني الجاكيت بتاعو وجراني من يدي وهو مقبل وشو على الجهة التانيه و وانا بغطي نفسي قال للسواق وصلا بيتهم وانسى عنوانو انا طبعا مافي كلام بوصف الوضع والحاله الانا وصلت لها بسبب انجرافي ورا نزواتي والرغبات الشيطانيه سمحت لهم هم الاتنين ينهشو من لحمي في الحرام وبعد خلصو رموني في نوعين من البنات ذي ما بقول امجد بنات ناس ذي منى وبنات لافات انا بقيت منهم فرطت في نفسي بسهوله لمن وصلت البيت خليت السواق يدخل العربيه لجوا عشان ما انزل في الشارع بشكلي دا نزلت جوا دخلت غرفتي اتغطيت بالبطانيه وقعدت ابكي بعد شويه الباب دقا ابيت بس لمن حسيت به بنفتح عرفتا امي شلت لي اقرب حاجه لبستا ورجعت اتغطيت جات داخله لي في الغرفه رفعت مني الغطاء وقالت لي كنتي وين سكت منها صرخت فيني مشيتي وين ومع منو  : ما عندك فيني شغله جايه لشنو اسي عاوزه مني شنو طوالي ضربتني كف وقالت لي جيت اربيك يا قليلة ادب ما كنت بصدق البسمعو عنك وبدافع عنك قدامهم دائماً بس طلعتي ذي ما بقولو بنت لافه كنتي معاه صح راجل عرسو بكرا وانتي قاعده معاه مسلماه نفسك ذي الكأنو اخر راجل في الدنيا ما قلتي لي البنات معاك يا كذابه؟ انا أعمل فيك شنو يا بنت طالعه لمنو انتي؟ جايبه الجرأة وقلة الادب وعدم الخجل دا من وين  انا غلطت في تربيتك يعني عشان تعملي فيني كدا؟ انا ياما نصحتك وضاريت لك بس ما بتتغيري انتي خلاص مسكتي الطريق الغلط ومافي امل منك انتي يا بنت غبيه؟؟ مخك دا ما شغال نسيتي انو الولد دا ولد خالة ام الكنتي على علاقه معاه وهو ناغم عليك انا انا خليت الصديق يشغلك عشان تبقي انسانه ناجحه تقومي تتحولي لعاهره من حضن امجد لحضن إياد وهم الاتنين ضاحكين عليك ولا واحد فيهم ما عاوزك مرا له وريني انتي قبضتي تمن شرفك؟ عرفتي سعرك كم؟ سمر انتي مصيبه انا الجبتا على الدنيا دي لو عارفه كدا كان نزلتك في الحمام ولا شفتك في الوضع دا قعدت تبكي وتنوح وانا خلاص دموعي جفت
امجد وإياد اتواجهو اليوم داك بليل بعد ما إياد عرف انو امجد هو الفتنو مع ابوه وعمو ونسيبو المره دي ما اكتفو بالكلام اتضاربو عديل الا حجزوهم
والله العظيم ما اخليك يا كلب الا اندمك : ولا تندمني ولا اندمك نحن كدا حبايب اي زول يلزم حدو ومره تانيه ما تقرب على حاجه بتخصني : اعترفت خلاص؟ مش عشان البنت دي خدعت مناسك وخليتا حامل انت فاكرني ما حأعرف يعني؟؟ مناسك حكت لي كل الحقيقه : ومناسك احسن من سمر يعني؟  : مناسك دي بنت عمي احترم نفسك وما تجيب سيرتا على لسانك الوسخان : انا عملتا معاها الهي عاوزاه بإرادتا ذي ما انت عملت مع سمر ورميتا ضحيه وجاي بعين قويه تتزوج وتفرح في دموعا هي : انت فضحتا يا غبي : ما هي اصلا مفضوحه ذي ما انت قلت : انا حاندمك والله العظيم ما أرحمك يا امجد  : اعلى مافي خيلك اركبو والافضل تلزم حدك عشان ما اكلم منى  : انت عاوز تهددني؟ ناسي انك قالب الشركه بيت دعاره وكل يوم مع بنت؟ ما تخليني اطلع اسرارك وقصص بيت الانين
النصري جاء داخل نبزهم الاتنين
لالا علو اصواتكم اكتر وخلو الماسمع يعرف منكم خلي اي واحد يطلع وساخة التاني وريحتكم تفوح سكتو قال لامجد انت امشي البيت وما تجي تاني اتحجج بأي شي المهم ما اشوفك في العرس  : اصلا ماشي انا ما عندي مشكله معاه بس لو هو سألني اكيد ما حاأسكت  : خليني اشوفك حاتعمل شنو يا تافه النصري نهرو إياد انت اسكت نهائي كفايه العملتو في بنت عمك يا خساره والله امجد طلع وإياد اصلا ابوه مخاصمو اما جمال لو ما كان عاقد كان لغى العرس كله بس النصري هدأ الاوضاع مسك جمال زاتو من يدو البتوجعو قال له دا ولد طايش وانت ادرى بنزوات الشباب ما تنسى انك ذات نفسك كنت خاتي عينك على البنت دي فما تلوم الشباب لو اتعلقو بها انت ذاتك عندك قصص ما حاتحب انو زوجتك هبه تعرف بهم المهم امتص غضبو وقدر يوقفو
إياد والله اتوقعتك اذكى من كدا معقول ياخ قبل عرسك بيوم  : انا كان عندي هدف يا عمو بس الامور انقلبت ضدي امجد ما بريئ ذي ما إنت فاكر كان غاشي مناسك ولمن حملت منو اتخلى عنها ومش بس كدا سقطا بطريقه وحشيه  : انا عارف التفاصيل دي كلها انت وامجد في النهايه اولاد خالات والبنت الدخلت في نصكم دي هي السبب ياريت تتعظو وتطلعوها برا حياتكم : انا ضربتا وطردتا شفتني بعينك : وتاني ما تخليها تعتب الشركه انا خليت امها تمشي تعلما الادب : ما كان توري امها كدا حاتنفضح وامكن ابوها يعرف برضو  : انت مالك بها كنت تفكر في الكلام دا قبل تعمل عملتك انسى كل الحصل دا وركز في حياتك تاني غلطه ذي دي ما تطلع منك ابوك انا بقدر عليه
وبنفس الطريقه النصري اتكلم مع شاكر وهداه بس لسه قلبو ما صف من ناحية ولدو
طبعا الكلام دا كله في اخر الليل وبعد حفلة الحنه بتاعة إياد يعني هو اول ماطلع من الصاله اتصل بي وحصل الحصل عد الليل داك بالكوارث الحصلت في أخرو كان يوم ثقيل شديد علينا كلنا إياد كل الخطط العملا عشان ينتقم من امجد ومني انا حسب فهمو قلبت ضدو وجمال زعلان على بنتو وعلى انو شافني مع إياد في وضع هو كان متمنيه لنفسو  شاكر خاب ظنو في ولدو الكان فاكرو ملاك وما بغلط ولا زير نساء ذي أمجد حملني انا كامل المسؤوليه وشايف اني اتخابثت ووقعت ولدو في شباكي  اما النصري أخر همو المشاكل الصغيره دي هو بالو عند ولدو الوحيد أمجد وخايف عليه من الطريق الماشي فيها غصبا عنهم شاركهم الشغل الخطير دا ودايما بعرض نفسو للمخاطر عشان متعة المغامره البحسها وغير كدا نسونجي لاغي فكرة الارتباط والزواج دي نهائي وهو نفسو في حفيد يشيل اسم عائلتهم اما امجد حاسي بإنتصار ونشوى بعد ما فضح إياد وصغرو قدامو ابوه ونسيبو بس لسه قلبو شايل كتير من ناحيتي ومحروق من الشي الانا عملتو مع إياد وما راضي يقتنع بحكاية انو انا طلعتو من بالي نهائي واني بحب إياد والاسواء انو بعد الشافو في الشقه خلاص صدق حكاية انو بنت ما نضيفه وعامله علاقات سابقه امي حست بحسره على وضعي وختت اللوم على نفسا لانها اتزوجت وخلتني براي بدت تفكر في اخطائها القديمه كيف كانت بتعاملنا كأدوات توصلا للمجد وكيف ظلمت ابوي وقللت منو لحدي ما وصلو للطلاق وعلياء الاتزوجت بطريقه غير الهي مخططه لها علاء الدين السافر بالسمبك ندمت لانو هي زرعت فينا مفهوم انو لازم نبقى اغنياء وننخرط في الطبقه البرجوازيّة دي بأي طريقه لامت نفسا على الانا عملتو وافتكرت انو انا استخدمت الطريقه دي عشان ابقى ذي ما هي عاوزه وانا؟ انا كنت عايشه في جحيم خزلان ما بعدو شي انفضحت قدام أهل اياد وامجد الرجال الثلاثه شافوني في وضع ما بتوصف وإياد طلع بخدع فيني ما عندو اي مشاعر تجاهي كنا كلنا في حرب نفسيه وجسديه بدت من وين مافي زول عارف ولا حتى خصومك منو ما بتقدر تحدد انت الجلاد ولا الضحيه بس أهم الاطراف في الصراع دا خلاص اتضحو أمجد وإياد الكانو أخوان قبل ما تطلع الشراره الاولى من النزاع دا اصبح الصباح علينا في نفس الوضع انا كنت قاعده اليوم كلو في غرفتي وببكي وامي بتسمعني كلام فضحتينا مع الجيران ووطيتي راسنا يومين بايته برا البيت واليوم الثالث جايبه راجل معاك الناس كلها شافتو طالع من عندك الصباح وامس جايه بعربيه ما معروف حقت منو انا ما رديت لها وفضلت في وضعي لحدي بليل ما عارفه الحاصل شنو برا بليل امجد اتصل بي ما كنت عاوزه ارد بس استجبت لإحساسي وفتحت الخط قال لي قاعده وين اسي  : في جهنم : تستاهلي لانك غبيه ما تقولي ما نبهتك لمن شافني ساكته عرف اني عاوزه اقفل قال لي هداك مبسوط مع مرته ولاحتى ندم على العملو فيك بدم بارد انتي عارفه كان هدفو شنو من العلاقه دي معاك؟ عاوز ينتقم مني انا بسبب الحصل في مناسك  : وانا ذنبي شنو  : هو ما بفكر كدا ولا بهتم بالاشخاص البدوس عليهم عشان يوصل لمبتفاه انا اصلا ما فارق معاي بس انتي انفضحتي وحتى إياد رغم انو كان معاك وشاركك الغلط مافي زول حاسبو كلهم سامحوه وباركو له عرسو بس انتي انتهيتي حتى شغلك في الشركه خلاص انسيه الحايعملوه فيك انتي وامك الله وحده اعلم به  : يعملو فيني شنو تاني انا بتحاسب على شنو اصلا : ما تبقي الضحيه الوحيده يا سمر امشي اخدي حقك مدام في الحالتين بتتعرضي للظلم خلي إياد زاتو يتعاقب على غلطو معاك انا رسلت لك عنوان الصاله وزمن الحفله انتي حره بعد دا قفلت فيه طوالي كلامو حسيني بكمية الظلم الاتعرضت له ليه هو يشاركني الغلط وما يشاركني الحساب ليه اهلو يحاسبوني انا ويسامحوه هو وكمان يتممو له عرسو خليت امي غفلت عني لبست وطلعت زمن الحفله مشيت الصاله  ما ركزت مع اي حاجه لا الحفله ولا الناس ولا اي حاجه بس عيوني بتفتش لإياد لحدي ما العرسان دخلو زفوهم زي الملوك ورقصو اسلو لمن الساحه بقت فاصيه انا اتحركت من مكاني وماشه على إياد عديل وهو لانو مركز على عروسو ما انتبه لي الابعد قربت منو كان ماسك يد عروسو فكاها في اللحظه دي اشتغلت اغنيه والناس عبت المكان انحشر في نصهم وجراني من يدي ساقني بعيد انتي الجابك هنا شنو يا تافهة ما بتفهمي؟ قلت لك ما عاوز اشوف وشك : انا عاوزاك تجاوب على سؤال واحد بس انا عملت لك شنو عشان تأذيني كدا انا ما كنت بعرفك اصلا اول مره شفتك في الشركه : بس بتعرفي مناسك وهي بتكون بنت عمي انتي وامجد ازيتوها بعمايلكم الوسخه وعشتو عادي انا ما كنت عارفك نفس البنت الهي حكت لي عنها بس يوم اتشاكلتي انتي وامجد وشفت كمية التنافر بينكم فهمت : مناسك قالت لك انا السبب؟  انا فرقتا عن امجد؟؟ اكيد انت ما سمعت كل الحقيقه : لا كلها وما شايف انك مظلومه يلا امشي من هنا سريع انتي اخدتي البتستحقيه عاوزه شنو تاني  : طيب انت اخدت عقابك على العملتو فيني؟ وين ثمن شرفي الاخدتو بدم بارد اسي انت فرقك من امجد شنو  : شرفك؟ والله انا ما عارف عندك الشي دا ولالا : انت بتكذب عشان تبرئ نفسك يعني نسيت العملناه في الشقه : انا ما عملت لك شي انا ما عديم شرف ولا بارد لدرجة اني انتهك شرف بنت وهي نايمه اليوم داك تحديدا ما حصل شي ولو انتي فقدتي شرفك ما معاي انا امشي شوفي ناسك البتعرفيهم امجد ما عارف انو امس قدم لي خدمه ونجاني من غلطه كنت حا اندم عليها
إياد؟؟؟؟؟ اتلفتنا نحن الاتنين لقيناها منى
يتبع