علاقات مشبوهة

علاقات مشبوهة 20

#علاقات_مشبوهة
#بقلمي  : #مشاعر_مبعثره
الجزء الأول
الفصل الخامس  (إختطاف)
الحلقه (20)
انا لمن سمعت قفلت الباب بالمفتاح وهو مشى قعد في الديوان رحيق كلمت امي قالت لها وينو اسي اوعا يكون مشى لسمر  : لالا دخلتو الديوان  : كويس ودي له مويه مسافة اخت الحاجات دي بعداك مشت له قال لها بابا قال الاولاد يرجعو البيت وهي طبعا رفضت حتى هم قالو ما راجعين امي اتصلت بشاكر قالت له انت ما عندك سلطه عليهم ديل اولاد زوجي ولو ما هو الطلب او اهل امهم جو اخدوهم ما ببعدو لحظه عن عني  : احسن تحترمي نفسك يا مرا وخلي الاولاد ديل يجو مع إياد بالحسنى  : ما على كيفك انا كنت حاأخسر بنتي بسببكم ما ناسيه الكلام القلتو لي بتدعي على بنتي؟ ان شاء الله تشوفو في ولدك بقت عليها هي يعني ما كان تحاسبو هو زاتو قفل فيها واتصل برحيق قالت له انا ما عاوزه امشي معاك واخواني كلهم ما عاوزين قعد يتحايل عليها قالت له لو مشيت الا مع خالتو كوثر  : دي مرت ابوك ما امك  : بس ما حصل زول اهتم بينا قدرا من لمن ماما اتوفت الناس بعاملونا ذي الحمل التقيل مافي غيرا اتحملنا مع اننا عزبناها وحاولنا نطفشا من البيت بس كسبتنا بمحبتا اما في بيتكم دا مافي زول عاوزنا منى من جات حسستنا انو نحن ضيوف تقال غير مرغوب فينا كلاما كلو تعنيف وقالت لينا انا ست البيت ومدام هي جات معناها نحن لازم نطلع
انا لمن سمعت كلام رحيق دا اتأثرت شديد فعلا ما كانو بحبو امي بس ضمتهم لجناحا
اها يا بنتي الحلوة ما ناويه تطلعي من جو المرض دا ما جاي فيك زاتو اسي الوش الحلو دا ما حرام يزعل ويتورم كدا زحيت وشي منها ختت يدا في شعري سرحي شعرك دا والبسي حلو واتمكيجي اعملي فيديوهات وبثوث ذي زمان خلي حسادك يموتو غيره  : انتي قلتيها بنفسك زمان وديك ما كانت انا واحده تانيه صنعتها في مخيلتي اقنعت بها الناس لمن انا زاتي صدقتا انا ما عايشه الحياة المتخيلنها الناس دي انا ما مبسوطه ولا مليانه طاقه وحياة انا مكسوره ويائسه مافي اتعس مني يحسدوني على شنو ياريت يعرفو انا عايشه كيف عشان يفرحو لانهم ما زيي  : للدرجه دي قنعتي من حياتك؟ فاكراني ببقى بلاك؟؟  : انتي من زمان اتخليتي عني حبيتي اولاد راجلك اكتر مني طوالي ضمتني انا اسفه سمر انتي بنتي الصغيره واخر عنقودي كيف ما أحبك انتي بالذات المفضله عندي  : ظاهر والله اني رقم واحد  : انا عارفه نفسي قسيت عليك بس عشان كنت عاوزاك تكوني احسن من الناس ديل كلهم من كنتي صغيره مختلفه ومميزه ما بتشبهي زول وكل يوم بتزيدي جمال وتميز شفتك في مكان تاني غير دا دائما بشوفك عاليه ومكانك ما هنا امكن غلطتي اني اجبرتك تعيشي مع الأحلام دي وانتي ما عاوزه كدا عشان كدا بدل تحلقي لفوق مع احلامك وقعتي انتي غلطتي انا يا سمر فاهماني انا الغلطت ما انتي وعشان كدا خلينا نحن الاتنين نتحمل نتيجة الغلط دا مع بعض ما براك واياك اياك يا سمر تعاقبي نفسك لو عاوزه تموتي نفسك اقتليني معاك دمعتي سالت مسحتا لي وقالت لي احكي حبيبتي افتحي لي قلبك لو عندك مشكله نحلها انا ما ناويه افرط فيك تاني عيونك الحلوه دي اتخلقت عشان تضحك وتكون مبسوطه انا فهمت انور انو انتو ما مناسبين لبعض اصلا هو ما بستاهلك : ليه بتقولي عنو كدا  : لاني  عارفاك ما بتحبيه ما مستعجلين عليك انتي لسه صغيره بعد تشفى جروحك حاتلقى نصك التاني وهو الحايفتش عليك هو موجود في الحياة دي معانا تحت نفس السماء وبتنفس من نفس الهواء بس ما صادفك لسه انا طوالي قفلت اضاني لاني كل ما افكر كدا ما بتخيل غير أياد الخزلني وفرط فيني هي لمن حست بي اتضايقت باست راسي وخدودي بعداك مشت ما بتزكر اخر مره عملت كدا متين امكن من لمن كنت طفله صغيره
وجودا معاي حسسني بالراحه احيانا القسوه الشديدة بتنفر الزول ما يبالغ في الحزم لازم يحاول قدر الإمكان يظهر الحب الجواه حتى لو بنسبة صغيره لو ما عاوز يفسد ما يبعد كدا
وأمجد برضو اتصل بي واتواصل مع امي عشان يشوفني بس صدتو وحزرتو من انو يقرب مني
إياد دا شكلو بحبك يا سمر : بطلي تتكلمي ذي الناس الكبار : بس انا حاسه بكدا مرتو انانيه ومعاملتا معاه كعبه مهما حاول يرضيها مافي شي بعجبا مصيرو يمل منها ويعرف انو بحبك انتي : لو ما بطلتي تاني ما بتكلم معاك  : خلاص أسفه
إياد اتواصل مع رحيق برضو وخلاها تديني التلفون وهو على الخط قلت له انت ما بتتعب؟؟ خلاص ببساطه نسيت العملتو فيني والكلام القلتو لي لا وكمان ضربتني انت فاكراني ما عندي كرامه؟  : دا ما موضوعنا اسي انتي في مشكله حتى لو الجنين نزل لازم تكلمي امجد يتحمل نتيجة غلطو مافي حاجه اسما ما بتزوج ويعيش كدا على راحتو يتسلى هو مجبور يصلح غلطو العملو  : غلط؟؟ انت فاكر انو انا حملت من امجد؟؟ انت انت شنو ما قادره اصدق والله لا ما طبيعي : سمر : ما تتكلم معاي واياك تتدخل فيني تاني : ما انا ما حا أخليك كدا انتي اجهضتي وتعبتي وهو قاعد مكيف ولا على بالو  : بس امجد ما له اي علاقه نحن انفصلنا قبل سنه ولا حصل قرب مني اصلا ولا حصلت بيننا علاقه صدقت او لا البيبي الضاع دا كان ولدك منك انت فاهم؟؟؟
وطوالي قفلت فيه خليت راسو يضرب النوم غلبو قام من جنب مرتو في ليلو داك واتصل بي من رقم تاني
الو  : انا واقف برا يا سمر تعالي طالعه وفهميني قصدك شنو  : ما عندي كلام اقولو لك : وانا ما متحرك من جنب بابك خلي امك تصحى وتشوفني : اياك تعمل حاجه ذي دي امي ما عارفه حاجه  : معناها تعالي عشان ما اكلما طوالي قمت لبست لي توب وشلت شنطتي طلعت له برا كان في عربيتو ركبت وقلت له اتحرك بسرعه ما يشوفني زول معاك مشى بعيد ووقف قال لي فهميني حملتي مني كيف ونحن ما حصلت بيننا علاقه كامله : كدا بس ربنا اراد يفضحك باحتمال ضعيف طلعت له ورق المستشفى وتقرير الدكتور المشيت له وكشف علي بعداك نزلت خليتو مصدوم وبحاول يستوعب حاول كم مره يتواصل معاي بس صديتو لاني خلاص قررت اقطع علاقتي بكل الرجال وبقيت بس قاعده في البيت
انت مشيت وين امس بليل : منى انا ما عندي حيل للنقاش  : بس لازم تفسر لي  : امس وضحت لك الحصل البنت حاولت تنتحر وامها مشت معاها المستشفى دا السبب الخلاني اودي الاولاد  : طيب اتصلت بها ليه؟؟وهي رجعت لك كمان  : انتي البخليك تردي على تلفوني شنو  : عندك مانع يعني  : ايوا عندي انا ما قاعد افتش تلفونك ولا بسألك من شي انتي بتفتشي تلفوني ليه : لأنك خائن انا ما عملت حاجه اخاف منها اسي فتشي والله لو ما واثقه فيني دي تبقى مشكله كبيره انا ما بقدر احلها  : لي انا الكلام دا؟؟  : في زول غيرك هنا  : طيب يا إياد كمان غلطان وبتشاكل انا الغلطانه لاني سامحتك بعد العملتو انا ماشه بيتنا : منى احسن تسمعي الكلام وتبطلي العناد دا انتي ما طفله : اسفه انا ما سمر البتزلا وتجري وراك ما تحاول تمشي كلامك علي كانت بتلم في ملابسا شال منها الشنطه وقال لها منى ارجعي احسن لك  : ما راجعه عاوز تعمل شنو يعني  : والله العظيم تطلعي ما أحنسك ولا أجيبك راجعه هدا وريتك هي ما اشتغلت به ركبت عربيتا وطلعت اما هو كان تفكيرو في مكان تاني
منى زعلت بالايام في بيتهم وهو ما عبرا ابوه قدر ما شاكلو رفض يرجعا قال له انا ما جبرتا ولا طردتا  : بس مشت بسبب علاقتك المشبوهة مع ال............... دي  : يا بابا لو سمحت سمر ما لها علاقه بمشكلتي مع منى منى حابه تكون هي المسيطره في العلاقه دي وانا استجيب لها واقعد اعتزر وابرر لها اي حاجه اعملا انا سايرتا كتير قلت صغيره بس خلاص مليت وهي ذودتا ما عندي صبر لعنادا ودلعا الفاضي دا  : تصبر لانك غلطان نسيت العملتو  : اعتزرت وهي سامحتني يعني اعمل لها شنو تاني ارجع بالزمن واغير الحصل؟ ولعلمك انا ما ندمان على اي حاجه عملتا وما حاأعتزر ولا حاامشي اجيبا عاوزه تجي اهلا وسهلا ما عاوزه تقعد  : انت ما صدقت طبعا منتظر منها غلطه عشان تطلقا وترجع تصيع مع البنت ال..........  : بابا ما تتكلم عن سمر بالطريقه دي عملت لك شنو هي اسي تاني ظهرت ولا عرضت وشها عليك؟ حرام عليك ياخ دي بنت ناس وعندها أهل برضو دا شنو الحقد دا  : بترفع صوتك على ابوك وتطرد بنت عمك عشان بنت لافه ذي دي غاشاك انت وولد خالتك الاتنين ملعباكم على اصابعا ذي الدمى يا اغبياء اي واحد قدر الحيطه راقد رز سمر سمر كانها اخر بنت في العالم دا ولا فيها جمال فايت البنات إياد اخد نفس عميق وقال لابوه منى مشت براها مافي زول طردا اما سمر زيها زي غيرا غلطت بس انتو متحاملين عليها زياده عشان بتخصكم اسي مناسك دي ما غلطت زيها ليه سامحتوها  : دي بنت عمك وأمجد غشاها  : وغش سمر برضو ولا دي غلطا بس البتحسب؟ خليك منصف وذي ما هي طلعت من حياتنا انتو طلعوها وانسوها خلاص  : انساها انت بالاول عشان نحن  نقدر ننسى  : بابا لو سمحت ما تعمل للبنت دي حاجه قلنا خلاص  : معناها امشي صالح مرتك ورجعا  : لو مشيت رجعتا ابقى ما راجل
إياد قال كدا ومشى خلى ابوه مغيوظ وحاقد علي زيادة سيرة مناسك عصبتو اكتر لانها بنت أخوه وبرضو غلطت نفس غلطتي اما منى امها قعدتا ونصحتا عشان ما تضيع راجلا من يدا وغلطتا كمان
انتي بتتكلمي مع منو دي واحده واثقه من نفسا ثقه عمياء فاكره إياد حايفضل يسايرا العمر كلو وما حايمل : انتي عندك لسان تتكلمي امشي لمي فضايحك اول  : انا عرفت حدود مقدرتي ووقفت عندها باقي انتي ادلعي كدا لمن تلقي نفسك برا وسمر تاخد مكانك  : هه ان شاء الله بتقارنيني بها انا إياد بحبني وخلى كل البنات عشاني  : لو ما كانت عجبتو ما كان وصل معاها لمرحلة الغلط وكمان يوم حنتو يعني قبل عرسكم بيوم امها طوالي صرخت فيها قالت لها انتي احترمي نفسك وما تدخلي كيف تقولي لاختك الصغيره كدا  : سامعاها يا امي غيرانه ومغيوظه مني عشان امجد رماها وحب التافهة ديك  : اقتنعتي ولالا هم الاتنين بحبو سمر  : امشي من هنا يا بنت وتاني ما تدخلي في المواضيع البتخص اختك وانتي كمان ما تستهيني بإياد كدا مهما كان بحبك ما حايسمح لك تقللي من رجولتو غيري اسلوبك دا واكسبيه احسن انا هدي نبهتك وانتي حره  : يا ماما ما تقارنيني بالتافهة دي اصلا ما عندها ولا زرة جمال واحده متاحه وبتغري الرجال بالعلاقات المحرمه  : منى  : اوف خلاص خليه بعد يجي نشوف  : لا مافي نشوف تسامحيه وترجعي معاه طوالي  : وهو زاتو عامل فيها بتعزز كمان لحدي اسي ما جاء يصالحني ابوها  لمن جاء قال لها بعد دا ترجعي بيتك ما عاوزين فضايح  : بس هو ما جاء يصالحني  : ولا حايجي لو راجياه معناها عمرك ما حاترجعي  بيتك  : يعني عاوزني انا امشي له؟ يغلط وانا الاعتزر؟  : الاتنين غلطانين انتي لسانك ما بتقدري عليه وبتحولي المواقف الفي صالحك لضدك يلا استحملي حتى لو انا مكانو ما برجعك لانك طلعتي بدون اذنو وموافقتو قعدت تبكي قالت له خلاص كلكم بقيتو ضدي كأنو ولدكم هو ما انا مناسك بعد العملتو دا سامحتوها ومافي زول حاسبا ولا سمعا كلام ذي دا  : اسي الجاب سيرة منو مالك شايلاها مع اختك كدا وهي دائما بتنصحك وتقيف معاك ما تبقي كدا يا بنتي
طلعا إياد ما عبرا نهائي وهي حست بخطورتي عليها وانو انا فعلا ممكن اخدو منها وافقت ترجع اتصلت به عشان يسوقا قال لها انا حلفت ما اجيك تعالي انتي زعلت زياده ونبذتو الا ابوها قام عليها ورجعا له كانت زعلانه ومهمشاه بس هو بحبها ما قدر يخليها زعلانه بعد جاتو براها
خلاص حبيبتي نحن لسه عرسان ما عاوزين حاجه تعكرنا  : طول ما الاسما قشره دي قاعده مشاكلنا ما حاتتحل  : خلاص بمشي بقتلا واريحك منها  : انا جاده  : انا اسف خلاص ما تكشري حبيبتي انا ما ببدلك باي واحده تانيه  : وانا برضو اسفه حبيبي بس فيك ما بجامل  : ما تخافي مكانتك عندي مافي مرا في الدنيا دي بتملاها
يتبع