علاقات مشبوهة

علاقات مشبوهة 3

#علاقات_مشبوهة
#بقلمي  : #مشاعر_مبعثره
الجزء الأول
الفصل الأول  (سعاده لحظيه)
الحلقه (3)
انت قصدك انو علاءالدين اخوي غرق؟ قعدت ابكي وهو ساكت بعد شويه قال لي عملتي لي صداع يا بنت الناس ما بحب البكاء قلت لك لمن زهج مني قال لي انزلك وين عاينت له وقلت له انا اسفه نزلني هنا  : اتفضلي
بعد نزلت قال للسواق عبيطه البنت دي اتأخرنا على الطياره بسببا
#أمجد
طول عمري بفصل بين حياتي الشخصيه والشغل بس غصبا عني اختلطو
الو  : انت وين نحن ما بنحب الانتظار  : ربع ساعه واكون معاك
قغل فيني وانا ما بحب التصرفات الغبيه دي عقابا له اتأخرت عشره دقائق عن الموعد
اول ما وصلت خت المسدس في راسي وقال لي انت متعاون مع الشرطه ولا شنو ليه بتتاخر علي  : دي تاني حركه غبيه تعملا انت لو بتخاف كدا خلي الشغل للقلبو قوي وانسحب
طاخ ضرب طلقه في الهواء قلت له العاوز يقتل ما بتردد ما تنفخ نفسك ساي انا قروشي جاهزه وين البضاعه  : ولو قلت لك العمليه اتلغت كلها ما عجبتني وما عاوز اتعامل معاك  : معناها خلي بضاعتك دي تندفن معاك
اتحركت طوالي من قدامو وقعدت في العربيه رسل لي واحد جاء قال تعال قلت له خليه هو يجي لو عاوز سايكو قال لي ما زودتا شويه؟ الناس ديل عددهم اكبر مننا عادي ممكن ياخدو القروش مننا ويقتلونا  : يقتلو شنو الزول دا حايجي بعد اقل من خمسه دقايق لأنو تأخير الزمن ما من صالحو وهو حاليا متخبي من الشرطه ما شايف المكان كيف؟ يعمل شنو في البضاعه لو نحن مااشتريناها منو ممكن يرميها في البحر عشان يطلع نفسو هو بحاول ينفخ نفسه بس عشان السعر  : بس تاخير الوقت مافي صالحنا ممكن نلبسا برانا  : ما تخاف هو ما يخلي الوقت يضيع اكتر من كدا وفعلا جاء من سكات انهى الصفقه واتخارج بابا اتصل
انا ما قلت لك ما تتصل بي لمن اكون في شغل  : استلمت البضاعه ولالا  : استلمتا وحاتصل الميناء بعد 3 أيام  : انت عارف انو الراجل دا اتصل بي وهددني بأنو حايقتلك  : وانت صدقتو؟  : انا فهمتك مية مره ما تتصرف بتهور مع الناس ديل دي حاتكون اخر مره تطلع فيها لاستلام بضاعه انا ماحأخاطر بك  : بس انا ما بثق في اي زول ممكن عادي يعمل لينا مشاكل او حتى يطمع  : بعد تجي نتفاهم  : معناها لبكرا  : بكرا شنو اسي تعال المانعك شنو
كانت في بنت جايه علينا قلت له عندي صديق هنا لازم اسلم عليه  : هه قول لاقيت لك واحده من القاعد تلف معاهم بس أحسن تعمل حسابك الوضع اتغير اسي مناسك لو عرفت بتقوم الدنيا فوق راسك  : معاناها امشي كلما هههههه  : انا ما صاحبك انتبه لكلامك معاي  : أسف يلا باي
طالعه حلوه : رأيك شنو أعزمك على حاجه تظبط راسك الليله قاعده براي في البيت : المره الجايه يلا استلمي : المره جايه عاوزين كميه أكبر  : دا بس نصيبي مع الاسف  : وانا حأول لك القروش اول ماأوزع  : أعملي حسابك ما تتمسكي تاني ماكل مره حاتلقي شرطي ذي داك  : اوك يلا باي حبي
يا معلم انا خايف الراجل الوسخ دا يغلط بكلمه ووالدك يعرف انو انت منقص من البضاعه  : دا حق تعبي لو عرف ما بقدر يسألني يلا خلينا نمشي بالمناسبه مافي خبر جديد  : حاتم اتصل من فرنسا تتزكر الولد الانت سألت عليه داك؟  : اي ولد  : علاء الدين الفاتح  : اتزكرتو  : يلا هو افتكرو واحد من رجالنا قال وصل  فرنسا ومعاه مجموعه من الشباب هم حاليا في مخيم لجؤ  : تمام يعني ما مات  : هو اصلا سافر قبل اكتر من شهر الظاهر انو اهلو ما متواصلين معاه  : شكلو الهو المكذب عليهم  : الولد دا بتعرفو من وين  : دا اخو سمر  : سمر منو  : بتاعة الفيس بوك ديك  : ناوي تشغلو موزع هناك ولا شنو  : ابدا ما تدخل القصص في بعضها امشي انت متع نفسك بنصيبك من العمليه بس ما تخلصا كلها في يوم واحد  : انا مافي قروش بتبيت في جيبي سلام
اول ما وصلت الفندق قفلت تلفوني من مناسك لاني حرفيا ما طايق اسمع صوتا المزعج
#سمر
تلفوني قعد يرن ذي المنبه وانا يداب بفتح في عيوني وفتحت من غير ماعرف المتصل منو  الو  : صباح الخير  : صباح النور  : سمر انتي سامعاني؟  : ايوا  : علاء الدين اخوك طلع في مركب تاني غير الغرق وله اكتر من شهر في فرنسا
انا طوالي نطيت من السرير قلت له علاءالدين اخوي عايش؟ : ايوا قعدت اصرخ وجريت كلمت امي ورؤيه حضنا بعض كلنا وقعدنا نبكي من الفرح قلت لهم لازم اكلم ابوي وافرحو لمن شلت التلفون لقيت الخط لسه فاتح قلت له هو انت منو؟  : أمجد  : ااامجد  : ايوا سألت لك عن الموضوع  : بس هو ليه ما إتصل وكلمنا  :  إمكن خجلان لأنه سافر بطريقه غير شرعيه  :  طيب هو كويس؟ : ما تخافي عليه امورو ظابطه ولمن يلقى شغل اكيد حايتصل ويطمنكم  : امجد انا ما عارفه اشكرك كيف  : اعزميني على كباية قهوه في مكان هادئ  : والله مهما عملت ما بقدر اوفيك حقك نحن لينا اسبوعين لابننوم ولا بناكل ذي الناس وامي اليوم كله عاداه بكاء  : ظاهر انو ما قاعده تنومي والله  : قصدك شنو  : ولا شي يلا وصفي لي بيتكم عشان اجي اخدك  : انا بطلع لك برا واوصف لك انا وين
قعدت البس امي جات وقفت لي ماشه وين؟  : ولا مكان  : وعرفتي كيف انو اخوك في فرنسا  : قلت لك من صاحبتي  : دا أمجد صاح؟  : امجد منو  :ما تنكري لمن سألتك قلتي شائعات وسؤ فهم بس هو ناشر صوره لك معاه يوم تخريجك  : انتي ما عندك موضوع
طلعت من غير مأهتم بكلاما هو زاتو استغرب من سرعتي في الطلعه كدا كأنو ما عندي مسؤوليه ولا زول بمنعني انا اعجبت بامجد شديد بعد موقفو الاخير دا كنت فاكراه ذي الاولاد المتكبرين العرفتهم في الجامعه بس هو طلع غير مع انو ما بعرفني كويس سعى في موضوع اخوي وسافر لحدي ما عرف هو وين والحاصل معاه شنو
انا بالجد ما عارفه اشكرك كيف واحد غيرك ماكان عبرني  : علاقتنا مميزه دا السبب  : لو سمحت امسح الصوره النشرتا دي لانها سببت لي مشاكل في البيت  : ما تبقي كلاس يا بنت الصوره عاديه مالا فيها حاجه مخله عندك حاجه يوم الجمعه؟  : انا اصلا حياتي مافيها اي حاجه اتخرجت وعايشه في جو مكهرب ابو...........  : خلاص كفايه حاتحكي لي قصة حياتك؟ ما بحب النكد اسمعي انا عازمك حفله  : حفله؟  : بجي اخدك لو حابه  : بس حفله دي يعني بليل : اكيد ما بالنهار طيب راحتك  : دقيقه انا بفكر واديك خبر  : افتكرتك متحرره اكتر من كدا على العموم اتفقنا  : انت مفهومك شنو للتحرر يعني...  : خلاص انسي بالمناسبه المرا الجات نادتك يوم التخريج دي منو  : ديك كانت اامرت ابوي  : ابوك ذوقو رفيع والله  : خلينا نمشي  : مالك اتضايقتي من سيرتا قمت قال لي اتفضلي السيدات اولا بقى ماشي وراي لمن وصلت العربيه فتح لي الباب وركبت جنبو في اللحظه ديك اتخيلت انو راجلي قلعت عيوني وقعدت اتلفت زحيت منو شويه وعاينت للمرايه لقيت السواق براقبني بعيونو امجد لمن لقاني بعاين ومتوتره قال لي مالك  : مافي شي  : إنتي ما مرتاحه؟  : لالا ابدا عاين للمرايه قال لي ما تشتغلي بالغبي دا وانت ركز في طريقك  : امجد ما تتكلم معاه كدا  : انتي بتعرفيه؟ قريبك مثلا؟  : لا طبعا بقيت تتكلم ذي امي  : امك عايشه يعني؟  : ايوا ليه ما تكون عايشه يعني؟  : استغربت بس لانو عندك مرت اب  افتكرت امك متوفيه  : لا عايشه بس امي وابوي منفصلين  : احسن كدا بتاخدي حريتك اكتر  : بس  : ما تعقعديها
لمن رجعت البيت مشيت غرفتي وقفلتا علي بفكر في أمجد شغل وقتي وتفكيري كلو وبقى عندو مساحه كبيره مع اني اسي راجعه منو بس عاوزه أشوفو تاني بقيت اشوف صورتو في اي مكان عندو جاذبيه شديده بتعجبني ثقتو الزايده في نفسو وانو عايش كدا في عالمو ما عندو حاجه لاي زول بعمل كل العاوزو بحريه كانو عندو عالم خاص عايش فيه كل الحاجات النفسو فيها وانا نفسي اكون جزء من العالم دا وعارفه انو بمقوماتو دي مستحيل يفكر يحبني بس عاوزه ابقى ان شاء الله صديقه وهو مهتم بي بقيت اتمنى انو الاشاعه الطلعت علينا ديك تتحول لحقيقه اهملت ابوي الفتره دي وبقيت ما بمشي له كتير ذي زمان بس ال 24 ساعه براقب التلفون عشان القى أمجد متصل وافتش اقل سبب عشان اتصل به وهو بكون بارد معاي الا لمن نتلاقى بتغير كأنو واحد تاني انا لمن قلت خلاص بكون نسى موعدنا
ماشه وين؟  : لأبوي  : احسن لك يا بنت مشي الفنادق دا تخليه ولاقي ابوك دا في محل عام العارفك ماشه لأبوك وماماشه تقلي ادبك منو؟  : إنتي عارفه ولو ما مصدقه تعالي امشي معاي  : محل  فيه ابوك رجلي ما بختها فيه طيري خلاص بس ما تتاخري استني  : نعم  : خليه يديك قروش انا ما معاي ولا جنيه واحد  : ما كلهم صرفتيهم حاجات فارغه ابوي يجيب لك من وين يعني  : يتصرف دي ما مشكلتي
طلعت زعلانه منها واتفجأت بأنو ابوي خلاص قرر يطلقا ويديها ورقتا قلت له لا ما تعملا  : مافي حل تاني علاء الدين اتصل بي ووريتو كل الحصل  : اخيرا اتصل؟ طيب هو كيف  : كويس الحمدلله  : أخر حاجه كنت اتوقعا انو علاء الدين اخوي يسافر بالسمبك ويخاطر بحياتو هو ليه عمل كدا  : الإنسان يا بنتي لمن يصل لمرحلة اليأس اتوقعي منو اي حاجه  : فاهمه قصدك  : الليله حاتصل بأمك و.......  : ممكن تنتظر شويه عشان خاطري فكر في الموضوع تاني  : انا حانتظر عشانك بس دا ما بغير من قراري
امجد دق لي وانا قاعده مع ابوي اتوترت ابوي قال لي دي امك صح؟ : ايوا أحسن اطلع عشان ما اتأخر : انا بوصلك ردي عليها  : لالا مافي داعي طلبت ترحال  : اقيفي يا سمر
مشى فتح الدولاب طلع قروش اداني لهم قلت له نحن معانا  : امسكي يا بنتي اصلا ما كتار بس حاولو مشو بها اموركم الفتره دي  : وانت  : ما تخافي الفندق بتاع واحد من اصحابي ما قاعد ادفع إيجار  : الحمدلله
وصلني لحدي باب الفندق قلت له ادخل خلاص هدي العربيه جات بعد هو دخل رجعت لأمجد قال لي ما بتردي مالك  : كنت مع ابوي  : تمام اها على موعدنا؟  : موعد شنو  : اصلا كنت عارفك حاتهربي مني  : قصدك الحفله ههههه  : انتي عارفه كويس نحن متفقين  : ايوا بس  : جنك اعزار وتبريرات جبانه ما بتقدري تعمليها صح؟  ولا حتى عشاني  : خلاص تمام انا اصلا مقرره اجي حبيت احمسك بس  : التعامل معاك ممتع  : ههههه  : منتظر يوم بكرا على أحر من الجمر
اليوم داك انا ما نمت ومتحمسه شديد امكن اكتر منو ما خليت خلطه ولا عروكه ما عملتها خليت جسمي ناعم ذي البيبي وعلياؤ مستغربه فيني قالت لي شكلك بتحبي يا بنت  : لالا حب شنو بكرا طالعه مع غلا وباقي الشله  : ماشين وين  : حفله  : لو ابوي قاعد ما كان حايسمح لك  : بس هو مافي  : شايفاك بقيتي تشبهي امي  : استحاله طبعا اها ما قلتي لي انتي وفوزي الجديد عندكم شنو  : نحن انتهينا خلاص مافي حاجه بيننا  : واسامه؟  : طار  : أحسن  : إنتي عاوزه تفرسيني صح؟  : عشان تعرفي انو ما بحبك هدا في اول مشكله اتخلى عنك وسمع كلام اهله امي جات قالت لينا بتعملو في شنو يا بنات ودي شنو الريحه الحلوه ظي سمر وشك منور  : دا العادي  : لا الليله عملتي حاجه ماشاء الله ذي العروس وريحتك حلوه  : دي مجموعه جديده : اسمها شنو ومن وين  : للشباب بس  : هه بكرا لمن تشاركيها مع متابعينك حأعرف : عندي بث يلا اطلعو كلكم من الغرفه بعد طلعو قغلت الباب طبعا هي كانت مكالمة فيديو مع امجد قال لي دي غرفتك؟  : ايوا ودا سريري
قعدنا نتونس مسافه قال لي ما تشيلي الطرحه دي خليني اشوف شعرك  : لا ممنوع  : هي اصلا ما مغطيه شي احسن تقلعيها طوالي نزلتا في كتفي كنت عامله ضفيره جبتها لقدام وقلت له شفتو خلاص؟  : على فكره إنتي بتلعبي علي  : بالنسبه لشنو  : فاهمه انتي بس ما مشكله المهم امشي نومي كويس عشان بكرا عيونك ما تكون تعبانه  : اوك تصبح على خير  : وانتي من أهلو
تاني يوم عديت النهار كله نوم والمساء استعديت كويس لبست فستان اسود تلات اربع والاكمام نفس الشي على الجسم وطرحه ذهبيه صغيره شعري عملتو كيرلي ومفرود كلو اتمكيجت مكياج ظابط والشبط لونو اسود فيه لمعه ذهبيه خفيفه في الكعب وبقدام طرف الروج طبعا أحمر فاقع قصدت أعملو كدا عشان يعكس لو وشي طبعا بحب الالوان الجريئه امي لمن شافتني استغربت طبعا شاركت الصور في حساباتي وانبسطت من التعليقات الإيجابيه امي قالت لي حسستيني انها حفلة خطوبتك : انا حفلة خطوبتي حاتكون اسطوريه  : الطالع معاك منو  : حانتلاقى كلنا في الحفله  : يعني عاوزه تطلعي الشارع بشكلك وريحتك الفايحه دي اطلبي ترحال  : لا طبعا ما معاي قروش كفايه بمشي بالمواصلات وارجع مع غلا بعربيتا يلا باي  : طيب اتحصني
طلعت خليتا ولاقيت امجد في الظلط كنت ماشه بسرعه عشان ما يشوفني زول هو كان راكب اول ما شافني نزل قلت له لا اركب وخلي السواق يتحرك بسرعه  : مالك خايفه من شنو
ركبت وقفلت الباب طوالي قال للسواق وهو بعاين لي لمن اتعقدت
امجد؟  : انتي جذابه ما بقدر اشيل عيوني منك ومسك يدي باسا قدام السواق بتصرف كأنو ما موجود نهائي قلت له امجد اقعد ساي السواق دا شايفنا  : دا اعتبريه ذي الكنبه القاعده فيها دي شغلو يسوق وبس لو قتلت زول في العربيه دي ما بقول لي بتعمل في شنو انا طوالي بلعت ريقي قال لي ما تخافي انتي ما بقتلك لكن باكلك اكل دي شنو الحلاوه دي نزلي الطرحه دي  : لا ممنوع  : ماشي حانشوف ممنوع لمتين
وصلنا الحفله وقعدنا في المقاعد الورا وهو بس بعاين لي ويتغزل فيني كانو الحفله ما هاماه بعد شويه تلفونو دق مشى اتكلم وجاء قال لي ماما وبابا قاعدين هنا حابين يتعرفو عليك  : بالجد؟  : ايوا يلا  : ياريت لو وريتني من الاوب انا متوتره ياخ كيف تعرفني على أهلك بالطريقه دي ولا محضره نفسي زاتو  : تحضري نفسك اكتر من كدا كيف انتي اجمد واحده في الحفله دي بعد شويه جو اموه وابوه شكلهم شباب ابوه انيق شديد وبشبهو بس امو ما عجبتني نظراتا لي من سلمو علي وهي بتتفحصني بعيونا لمن قعدت اغطي نفسي بالطرحه وما عارفه اغطي شنو واخلي شنو كل شي مكشوف  امجد قال لي نمشي بعد دا  : ايوا الزمن اتأخر شلت شنطتي وقايمه ابوه قال له ما بدري ولا عشان شفتونا؟ : الحفله ممله و سمر زهجت منها امه قالت له خلاص وصلا وتعال  : ما راجع تاني ما تنتظروني انا افتكرتو قاصد انو ما راجع الحفله تاني قلت له كنت فاكره اني الوحيده الاهلي مقيدني بس الظاهر حتى انت اهلك بحبو يشوفوك قدامهم  : ههههه انتي ما فهمتي سؤالا هي قاصده راجع البيت ولا بايت برا  : بايت برا؟؟  : ايوا يلا خلينا نمشي ركبت معاه وهو طول الطريق بس بعاين لي قلت له انا قلت لامي حارجع بعربية صاحبتي لو شافتني معاك بتقتلني نزلني في اي مكان اركب منو  : تركبي تمشي وين انتي ما قلتي لها بايته برا يعني  : شنو؟  : اتصلي قولي لها بايته مع صاحبتي ولا اي حاجه : وليه اقول كدا  : ما تتغابي للدرجه دي بعدها سكت حسيتو اتضايق قلت له مالك  : الظاهر انك ما واثقه فيني وشايفه اني ما قادر احميك  : انا ما قلت كدا اكيد واثقه فيك بس  : ما ماشه معاي يعني؟  : م ماشه بس وين؟ قال للسواق ودينا الفندق انا اتوترت شديد ما قادره افهمو هو عرفني على اهلو عشان يأكد لي انو جادي بس في نفس الوقت عاوزني امشي معاه فندق
مالك قالبه وشك براك اصريتي تتعرفي على البنت  : افتكرتها بنت ناس اسي يخلي مناسك عشان المطلوقه دي؟؟  : كأنك ما بتعرفي ولدك حايعمل معاها ذي الباقيين وبكرا يرميها لمن يزهج منها يعني بالمنطق كدا في واحد عاقل بعرس له بنت لف معاها؟ اسي هو ماشي ينوم معاها  : والله افتكرتو حايتغير ونفرح به مسكينه مناسك الموضوع كلو وقع على راسا المشكله انو انا القدمتا له افتكرتو حايتزوجا والله  : الحصل حصل المهم انتي تاني ما تدخلي في حياتو عشان ما تجيبي لنفسك اللوم مع الناس ذي ما قال لك حياتو خط احمر ما تقربي عليه
انا كنت برجف كل ما نقرب من الفندق وهو مبسوط او ما وصلنا مسك يدي وانا نزلت راسي بقيت اعاين في الارض ما عاوزه اشوف زول عشان تزلني نظراته اكيد اي زول حايشوفني ماشه معاه كدا حايحتقرني ما عارفه بعمل في نفسي كدا ليه هو لمن لاحظ لي شداني من يدي وقال لي مالك؟  : حاسه إني حأقع ما قادره امشي  : مالك يا بنت دايخه ولا شنو؟ اشيلك؟  : لالا مافي داعي  : طيب هدا وصلنا
فتح الباب ودخل قدامي ولع النور حتى قال لي اتفضلي من دخلت قفل الباب وانا قعدت اتلفت في الغرفه فيها سرير واحد دبل وترابيز قبل ما املئ عيني من الغرفه حسيت بنفسو وراي اتلفت في خلعه طوالي حضني قلت له امجد؟  : حبيبتي  : انت بتقول في شنو ممكن تبعد شويه ممنو............ : اشششش الليله مافي ممنوع مافي غير انا وانتي ورغباتنا  : بس.......
قرب مني أكتر وبقى يمشي يدو على يدي بخفه من فوق ونازل لتحت قال لي مافي أجمل منك وهمس في أضاني بحبك ساعتا بقيت ما حاسه باي شي ولا حتى إني بغلط
يتبع