علاقات مشبوهة

علاقات مشبوهة 32

#علاقات_مشبوهة
#بقلمي  :  #مشاعر_مبعثره
الجزء  الثاني
الفصل الثامن  (نقطة تحول)
الحلقه  (32)
ابوي وعلاء الدين قعدو يتلفتو والدهشه على وجوهم😲 ما اتوقعو اصلا انو يجي يطلبني للزواج
قال لهم انا عارف انو الماضي بتاعي ما مشرف بالنسبة لكم وبعتزر على العملتو في سمر بس انا ما جاي عشان اصلح غلط عملتو لا جاي برغبا مني وحاجه انا عاوزا لنفسي
بس انت متزوج وما اي مرا دي بنت عمك وعندك منها ولد كمان  : من حقي انو اتزوج اربعه ولا ما كدا يا عمو  اطمن انا عمري م حاظلم سمر وح اختا في عيوني صح زواجي الاول حايفضل مستمر بس اوعدك انو م يأثر على علاقتي بسمر ولا عمري ح اظلما حايكون عندها حياة منفصله ما تخاف من الناحيه دي الا لو انت ما موافق تزوج بنتك لراجل مرا
إياد دا طلع عندو قدرة رهيبه على الاقناع وبفضل يزن على راسي ابوي وعلاء الدين ويصور لهم الموضوع من منظورو بحيث انو ما يخلي ثقره للشك برأني من كل التهم الوجهتا لي خالتو وكل العلاقات المشبوهة ديك نفاها وبقت تهمتي الوحيده انو انا على علاقه بشابين في نفس الوقت
طبعا هو مشى بعدها ومافي زول اتجرأ يتكلم في الموضوع كلهم بفكرو ويدوروها داخل عقولهم خاصة ابوي
اما انا كنت متواصله مع إياد بالتلفون
انت عارف انو انا اعترفت لابوي بكل اغلاطي؟ بس  ما قدرت احكي له بالعلاقات الجسديه  الحصلت بيننا واني حملت ونزلت  : لو حكيتي له كان ضيعتينا لانو انا نفيت كل شي  : بس لو الملعون دا وراهم الصور والفيديوهات بتاعتنا الفي الشقه نعمل شنو ولا لو ابوك جاء حكى لهم عن الكبسه العملوها لنا  : اطمني مافي اي تصوير متخيله يعني انو انا ممكن اصورك كدا؟؟ انا طفيت الكاميرات كلها هو بهددك ما اكتر اما بابا مستحيل يفضحني عشان يمنعني منك عارف انو اخوك ممكن يتهور ويئذينا  : برضو ما مطمنه  : انتي ولا انا ابوك ذي الما عاوز يوافق كدا وانتي زاتك ما اديتيني ضؤ اخضر اتوكلت وجيت بس  : يعني ما عارف ردي؟؟  : اعرف من وين انتي ما قلتي لي : طيب اطلب مني  : سمر😏
طيب عاوزني ارد لك كيف🙈 بدون ما تقول  : تمام
احم احم سمر حبيبتي😍 تقبلي تكوني مرتي العمر كلو؟؟؟؟ : ايواااا ايوا موافقه مية مره🙈🙈🙈
انا بحبك يا بنت : وانا بموت فيك
علياء جات لقتني راقده في نص السرير  ومندمجه في الكلام مع إياد بالتلفون لمن مبتسمه صرت لي وشا😠
ولك عين كمان تحبي وتتغزلي بعد عمايلك دي
عاينت لها ببراءة  دا إياد😃
ابوي بناديك يلا امشي له
لمن مشيت لابوي طوالي سألني انتي موافقه على الراجل دا؟؟ وبوضعو الهو فيه يعني بتقبلي تكوني الزوجه التانيه لراجل متزوج بنت عمو وعندو ولد واهلو ما بحبوك؟؟
سكت قال لي انتي موافقه ولالا لانو منتظر ردك
ابوي انا حاكون صريحه معاك انا بصراحه ب بب بحب آياد عشان  كدا موافقه اتزوجو🙈  : تمام بس لازم تعرفي انك حاتتعرضي لمشاكل كتيره امكن ما تقدري تتحمليها وحاتكون عندك ضره تشاركك في زوجك واهلو بميلو لها هي : ايوا
-------   وطبعا الموضوع اترتبت عليه حاجات كتيره
إياد لمن كلم ابوه جن مره واحده وطردو من البيت حتى امجد ابوه ما كان راضي عنو بسبب  العملو اخر فترة امو بس المبسوطه لاني خلاص حاتزوج وابعد عن ولدا نهائي
جمال وهبه كانو مصرين انو بنتهم تطلق
منى طبعا ما كانت عارفه مافي زول قدر يحكي لها الا مناسك عشان تغيظا  هي كانت لسه في اياما الاولى من النفاس ووقعت غمرانه اول ما سمعت الا ودوها المستشفى ما كانت متخيله ابدا انو إياد ممكن يتزوج فيها او حتى يفكر في مرا غيرا ثقتا في نفسا كانت عمياء عشان كدا الضربه بقت لها اقوى في المقابل هو اتخلى عن كل القيود الكانت مكبلاه بها
ابوه اتصل شاكلو وقال له مرتك مرقده في المستشفى😡
قام خلى كل الفي يدو ومشى عليها وهي من شافتو قامت تتجنن وتنبذ وكمان طردتو قال لها دا الزرعتيه انتي بيدك  : ما عاوزه اشوف وشك تاني طول ما انت مع التافهة دي  : معناها م حاتشوفيني وكان ماشي عمو وقفو قال له
تطلقا اسي دي قبل تطلع من الغرفه دي
شاكر هداه وقال له بنتك ما بتطلق عشان واحده مطلوقه ذي دي انا ولا بمشي معاه ولا بعقد له نشوف اهلا حايدوها له كيف؟
بعد طلع منهم هبه اتصلت به تاني وقعدت تشاكل فيه وتقول له منى حالتا صعبه وانت ما حكيت لها ولا حتى حاولت تمهد للموضوع  : انا كنت ح أعمل كدا بس في الوقت المناسب انتي براك عارفه الحاصل كم مره اعتزرت منها وحاولت اصالحا يعني اقعد اعدي عمري كلو اعتزارات؟ انتي بنتك عنيده وعارفاها كويس بتحب السيطره وانا ما من نوع الرجال البسيطرو عليهم نسوانهم  : طيب انا نصحتا وح أخليها تعتزر منك كمان وترجع البيت اول ما تتم الأربعين  : تكوني ما قصرتي  : تمام معناها امشي فهما انك بطلت العرس دا
دخل حواجبو في بعض وقال لها باستفهام
عرس شنو الخليتو علاقه الكلام دا بموضوعنا شنو  : كيف علاقتو شنو مدام مشكلتك مع منى اتحلت تتزوج عليها ليه؟؟؟
زواجي من سمر ما له اي علاقه ب منى انا ما قررت اتزوج عشان اعاقب منى لا دا موضوع تاني مافي حاجه بتوقفو سواء منى رجعت اولا انا سمر ما بخليها
دا كان جواب شافي لهبه ومنى وجمال وحتى لابوه كمان فهمو منو انهم مهما عملو ما حايقدرو يوقفو الزواج دا اما عمتو وقفت معاه وجات بنفسا طلبتني له🙈
بس علاء الدين كان عندو راي تاني وما قبل انو يجي من غير اهلو
الولد دا جاي براه ي ابوي لا ام لا اب نديها له ساي كدا ذي القنعانين منها  : ما هو شرح لينا ظروفو من البدايه واختك قبلانه خلينا نتم لهم بس ما ناقصين فضائح
هم كانو بتوشوشو الاتنين انا لبست توبي وجيت سلمت وقعدت معاهم إياد ما شال عيونو مني وانا كل شويه اعاين له واتبسم اما علاء الدين مركز معانا يشيل ويحمر لي😒 اتغاظ طبعا لمن ما قدر يتحمل قال لي ادخلي جوا😠
المهم هم طلبوني ولبسنا الخواتم انا عاد ما صدقت اتصورت وعملت فيديوهات نزلتهم كلهم ومنى عاوزه تموت من غيرتا وما قادرة تعمل شي مرات بتفكر تعتزر له على امل يتراجع
امجد كان ناوي يعمل بلاوي بس ما لقى فرصه مع الشغل والتحدي مع ادهم دائما هم في حالة صد ورد مع انو ابوه محزرو كان عندهم عمليه خطيره وامجد مصر يسافر ويستلم البضاعه بنفسو على الرغم من رفض ابوه
إياد انا ما عاوزه عرس وتطبيل بالفاضي وانت اصلا متزوج خلينا نعقد وبس  : مستحيل مالك عزباء عشان اعمل لك عرس كدا  : بالجد مافي داعي  : بس ان مصر لازم اعمل لك عرس بكل تفاصيلو حاولي اجهزي بس  : بس انت ما مديني فرصه اسبوعين دي اعمل فيها شنو واخلي شنو  : اوعا تعملي حركات البنات الفارغه دي انا عاوزك ذي ما انتي فهمتيني؟؟ : ب
ما تقولي بس  : كنت ح اقول بحبك🙈  : يا الله منك انتي حاتخليني الغي كل شي واجي اعقد اسي  : تعال
ما بقدر ارد لك انا خلينا نمشي نشتري اي حاجه لازماك انا حجزت الصاله والكوافير باقي عليك تختاري الفستان : ماشي حبيبي  : يلا تصبحي على خير
إياد انا بحلم صح؟؟  : هههههههه لا ابدا دا الكان مفروض يحصل من زمان  : متمنيه الوقت يمر بسرعه والقى نفسي في حضنك كدا  : دائما بصلتك محروقه يا بنت😏 منحرفه خلاص  : مالي قلت شنو😜  : 😅 ولا شي لمن نشوف نهاية التحرر دا
عاينت له ببراءة وقلت له انت مالك ما متحمس زيي  : عاوزاني اعمل شنو يعني😏  : ولا حاجة بس حسسني انك  : انا بحسسك بأي حاجه اصبري على رزقك بس
إياد مشى اشترى لمنى دهب وحاجات كتيره جابا لهما ترضيه وداهم لها لحدي البيت وطلب يشوف ولدو ابت تطلع تشوفو وامها تشاكل فيها
ما عاوزه قلت لك ما عاوزه  : خليها يا خالتو اصلا مافي حاجه بالجبر
لمن سمعتو جات طالعه له ورمت له الحاجات
انا عيني مليانه ديل امشي وديهم لصاحبتك الجعانه ديك  : شايفه؟؟ اهو دا السبب البخلي الواحد يعرس 10 مرات
هبه قالت له بس يا إياد انت على الاقل خليها تتم الأربعين انت كدا بتحطم نفسيتا وهي ما طلعت من النفاس  : كانت تفكر كدا قبل تعمل عمايلا دي معاي انتي عارفاها هي الغلطانه  : اقول شنو عاد الله يهدي سركم
خلتو بعد مشى اتصلت بي
انتي فاكره نفسك عملتي حاجه عظيمه بأنو حاتتزوجي زوجي هه مسكينه اصلا انا الرميتو لك وهو عاوز يتزوجك عشان يغيظني ما اكتر  : انا عازراك حاجه مؤلمه بالجد انو يتزوج عليك وانتي نفساء في بيت اهلك  : ما عشان تعرفي انو انتي عباره عن ملئ للفراغ الانا خلفتو ب إرادتي وما في فراغ بدوم اول ما انا اجي انتي بتطلعي برا اللعبه فكري فيها ليه رابط زواجكم بولادتي اكيد عشان يغيظني وانا اقبل اسامحو بس لا ح أخليه يجي راجع براه وساعتا انتي ما بكون عندك مكان وسطنا
طوالي قفلت فيها بس في الواقع زعلت  ليه هو مصر نتزوج قبل تتم الأربعين بقيت خايفه انو يتراجع في اي لحظه بضغط من اهلو او اعتزار من مرتو البحبها بعد التجهيزات العملتا دي اودي وشي وين اصلا هو تعاملو معاي بارد يعني ما حاساه اخر فتره بكون معاي وما معاي
مرت الايام والعرس خلاص بقى قريب
إياد عشان يجاكر ابوه عمل حنه في صاله فخمه مع اصحابو وانا عملت حنتي مع اهلي ومبسوطين
اي اقعدي ارفعي في الاستوريهات كدا بكرا لو اتراجع تبقى لك خجله  : شكرا عارفاك متمنيه كدا  : انا بقول كدا من خوفي عليك  : هه فعلا
رفعت التلفون لقيت الخط فاتح كنت بتصل ب إياد وهو ما برد وخلاص قنعانه وبتونس بأريحيه تاريه فتح وسمع كلامي مع امي قال لي انتي مشكلتك شنو مع امك دي حاساك ما بتحبيها ومايله لابوك اكتر  : وما شايف انها مميزه كل الناس علي  : ما للدرجه دي
انا اتولدت بالحاجه دي ما قدرت اتحمل معاملتا الكعبه لأبوي في ايامو الصعبه  : ابوك راجل محترم وكان عندو ثروة كبيره صح؟  : دخل السجن دا السبب المخليها تعايرو وتحتقرو ودايما بتقول لينا اختارو رجال اغنياء ومحترمين ما تغلطو ذي غلطتي ما بتتخيل انا بعصب قدر شنو من كلاما دا  : ابوك دخل السجن؟؟  : ايوا قبل سنوات ضمن له راجل متدين مبلغ كبير شديد والراجل طفش  : لا حول ولاقوة الا بالله  : منها ابوي فقد ثروتو وسمعتو كمان وياريت لو امي رحمتو  : حرام عليها  : انا اتعودت خلاص  : انسي العشتيه زمان دا كلو نحن حانبدأ حياة جديدة  : ان شاءالله
اسمعيني بكرا مافي طريقه؟ 😉  : انا ممنوع اطلع من البيت اصلا  : بس حرام عليهم البعملوه فيني دا انا مشتاق لك والله  : وانا ح أموت عليك بس حكم القوي نعمل شنو  : ما مشكله نتحمل ما فضل الكتير

اخيرا مر  الوقت وجاء يوم العرس كل قرايبنا جو  وانا طبعا مشيت افخم كوافير حجز لي فيه إياد واتصل بارك لي لحظة العقد  انا قربت اغمر كنت خايفه تحصل حاجه والموضوع ما يتم
يعني اسي انا مرتك؟؟  : ايوا حقتي وتاني كدي ما تسمعي كلامي ولا تقولي لي ما تمسك يدي  : حبيبي انا كلي لك😍  : فضلتي لي شنو اقولو طيب بحبك وبس ❤  : وانا بموت فيك
اجهزي بسرعه عشان ما نتأخر انا ما عاوز نصل الفندق اخر الليل وتقعي تنومي لي  : حاضر خلاص ح افهمهم اننا ما بنكمل الحفله كلها
حدنا 10 بس والباقي لينا برانا  : ماشي حبيبي  : عشان كدا بحبك يا بنت
انا اتعمل لي ميكاب خرافي لمن اتغيرت والفستان جمالو ما بتوصف
بعد العقد إياد مشى جهز نفسو كأنو اول مره يتزوج ومبسوط شديد ما مصدق متين يجي يسوقني رفع تلفونو عشان يتصل بي بس لقاه برن كان ابوه رد له بنفاذ صبر  نعم
تعال بسرعه يا مغضوب مرتك تعبت شديد ونقلناها المستشفى
إياد خلى كل شي ومشى عليها ذي المجنون انا كنت بتصل به وهو ما برد رسلت له رساله ما شافا اصلا
مشى المستشفى ولقى العائله كلها مجتمعه اول ما دخل كانت كل الانظار موجهة عليه ومركزين على شكلو ببدلة العرس المالبس زيها في عرسو الاول  وحلاقه جديدة وعطر  فواح غطى المكان والحنه كأنها مطبوعه على يدو كانت حسره كل واحد خباها في نفسو وبحمرو له ذي الذئاب المستعده للهجوم
عمو جمال طردو من دخل
عاوز مننا شنو بعد دمرت حياتا جاي ليه؟ امشي يلا على مرتك وطلق لي بنتي
قال لهم خلوني اشوفا  : ما عاوزه تشوفك يلا اطلع برا من هنا
إياد صرخ فيهم
ما هو ما على كيفكم اتدخلتو في حياتنا بما فيه الكفايه بس لحدي هنا خلاص❌  منى دي لسه على زمتي ومافي زول بمنعني منها
طوالي لزا الباب ودخل لها عنوة وقفل الباب كانت بتبكي وهو قلبو وجعو شديد عليها من شافتو تصرخ وتطرد فيه
جاء قعد جنبها وقال لها ما تأذي نفسك بالطريقه دي عشاني اهدي حبيبتي  : وفر الكلمات دي لعروسك!!! 
خت يديه في خدوده وعاين جوا عيونا بحب وحنيه قال لها منى
طوالي حضنتو وقعدت تبكي لاول مره تتنازل وتسأل
إياد انا قصرت معاك في شنو عشان تعرس فيني انا ما بقدر اشوفك معاها
كانت بتتشبس بقميصو اكتر مع كل كلمه  قال لها اهدي  : ما عندك كلمه تاني تقولها غير اهدي لا ما حاهدأ طبعا خلاص انهي الموضوع دا انا ما بتحمل 😭😭😭😭😭😭 طلقا انا ما بقدر اشاركك مع مرا تانيه
_________
انا طبعا خلاص دمعتي جات جاريه ما برد ولا برجع ولا بقرا رسائلي لمن الزمن فات واي زول بسأل كل العروسات المعاي جو ساقوهم فضلت الا انا كنت قاعده قصاد المرايه  ماسكه نفسي وبهدي فيها امي اتصلت
ولا زول من اهلو ما جاء ولا حتى عمتو خلاص اقتنعتي انو اتخلى عنك ولا لسه عندك امل غبيه ياما حزرتك هديل الناس ماشين فضحتينا وشرطتي عينا يا سمر يوم العرس يوم العرس اتخلى عنك
انا طوالي شلت التلفون طقيت به المرايه وقمت على حيلي اصرخ لمن البنات انخلعو جو جارين رميت الورده وطلعت الطرحه قربت اشرطا وهم بحاولو يهدوني بقيت احاول اقلع الفستان واصرخ فيهم تعالو فكو لي الزفته دي
وهاله تهدي فيني سمر يا سمر خلاص اهدي بتشرطيه
طلعو مني الحاجات دي خلاص خليهم يفرحو كالعاده اموري جاطت : سمر : اطلعي برا خليني براي
قعدت في الارض ابكي ويديني الاتنين في وشي
يتبع
<  حينما ينزف القلب وتتثاقل الدموع يعجز اللسان والقلم عن التعبير فالصمت سيد الموقف  >