علاقات مشبوهة

علاقات مشبوهة 48

#علآقآت_مـشـبــوهة
#بــقلمـي  :  #مـشـآعر _مـبــعثـره
آلج ـزء آلثـآني
آلفصـل آلثًـأّنِي عشـر  (  مًآ يـﮯفعلهہ‏‏ آلحب  )
آلح ـلقه  (48)
اصلي ابيت اتكلم معاه لمن ركبني العربيه واتحرك وقف قدام بيت ابوه عاينت له قال لي ما عندنا مكان غيرو الشقه انا بعتا انا حاليا موظف عادي ما عندو غير مرتو والبيت الخلاه له ابوه دخلت وراه وقعدت في اول كرسي قدامي بانهيار
جاء قعد جنبي وقال لي سمر انا ما عملت كدا بدافع الشفقه انتي مرتي ما كنت مهتم ناز بنتي ولالا من  لحظة انا قررت انو نرجع لبعض ونربي البنت دي وسطنا حتى لو كانت بنت امجد بكفي انو فيها جزء منك الجزء التاني ما مهم انا اتقبلتك بكل الحصل لك  : يعني سامحتني  : وعلى شنو نوتر بعض ونزعل كل واحد فينا اخد نصيبو انسي خلاص  : ما بنكر اني كنت بعصب عليك اكتر من اللازم وانت وقفت معاي.....  : معناها خلاص خلينا نحاول نتجاوز الازمه دي ما بعض صدقيني يا سمر اي مشكله حصلت بيننا انصهرت قدام المصيبه دي انا خسرت بنتي وما عاوز اخسرك انتي كمان
قلت له انا ما عاوزه مشاكل مع منى ولا بتحمل  : منى ما موجوده  : ولمن تجي
مسكني من يدي وقال لي تعالي جوا
كان مجهز لي غرفه فوق في اخر طابق قال لي ارتاحي ولو احتجتي حاجه انا تحت اتصلي بس ما تنزلي  : تمام
نمت فترة طويله بعداك قمت نزلت تحت لقيتو محضر الاكل بنفسو فضلنا فترة اسبوع مع بعض بنهتم ببعض وهو مدلعني شديد ذي العروس بس ما بنوم معاي في نفس الغرفه
مرات بكون قاعده براي فجأة بتزكر بنتي او اتخيل اني سمعت صوت صرخاتا بقعد بكي بحرقه شديده بس هو بجي بصبرني ويقول لي دا قضاء ربنا وقدرو بفضل معاي لمن انوم بس بطلع بعدها ويمشي غرفتو حسيتو مديني مساحتي ومقدر المي
تميت الاربعين وامي جات عملتو لي ونزلتني دخان وعملت لي حنه وعروكات بعداك مشت
اي اول ما جاء حضرت له العشاء وقعدت معاه في الكنبه حضرنا مباراة في كأس العالم 🏆هو بشجع فرنسا 🇫🇷 وانا البرازيل 🇧🇷 بنصرخ ونتفاعل كأننا بين الجماهير بعد المباراة هو نام على الكنبه صحيتو
حبيبي   : اممممم  : ليه نايم هنا؟  : غفيت فجاءة اخ  : ضهرك بكون خشب تعال اعمل لك مساج  : فكره حلوة  : يلا حبييى
مشيت قدامو لحدي غرفتو وانا طلعت غرفتي جبت الحاجات اللازمه وجيتو لابسه فستان احمر شكلو حلو وفارده شعري كلو وروجي الاحمر الفاقع هو كان قاعد في الكرسي قلت له اتمدد وجيت اقلع القميص مسك يدي
مالك  : مافي شي
طلعتها له وقعدت اعمل له المساج مرات شعري بجي على اكتافو
في نص المساج مسك يدي الاتنين طوالي رقدت جنبو قال لي تعبتي ارتاحي شويه 
راحتي جنبك حبيبيي وحضنتو هو بعد فجأة واضح انو نافر مني
انا طوالي استجمعت باقي كرامتي وقمت طالعه
جاء وقف وراي مسافه حتى حضني  وواضح عليه التردد قلت له
ما تجبر نفسك
ما قاعد اجبر نفسي
طوالي بعدتو
علاقه ذي دي انا ما عاوزاها ما تتنافق مع نفسك عشان ترضيني انا بحسك وبعرف لو انت راغبني ولالا  انا حافظه نظراتك واسي ما شايفه في عيونك شي بس فراغ
اتنهد وقعد يمشي ويجي ويخت يدو على جانب وشي  في كلام كتير في خاطرو وانا بعاين له بس اخيرا نطق قال لي
ما بقدر اتجاوز العلاقه العملتيها مع امجد
قعدت ابكي بحرقه ودخلت الحمام
وقفت تحت المويه
ي الله بقيت تقرف من الجسد دا بس امجد خلى بصمتو عليه خلاص انا انا اعمل شنو انا م اخترت كدا
وقفت قدام المرايه ودموعي شلال كرهت نفسي وجسمي شديد
شلت الليفه وقعدت ادعك جسمي بقسوة لمن ظهرت فيه علامات واياد يدق في الباب
فتحت له دخل قال لي بتعملي في شنو انتي جنيتي يعني؟؟
شلت المقص وعاوزه اقص شعري قال لي اوعا تعمليها
انت كنت بتحب شعري وبتنوم عليه بس امجد لمسو برضو
سمر ما تجني اوعك
قعدت اصرخ
ليه لو قصيتو حايقوم واحد غيرو امجد ما لمسو  : انتي مجنونه
شال مني المقص رماه قال لي قولي قصيتيه طيب وشك وجسمك حايتغير شنو يعني ولا عاوزه تقتلي نفسك  : انت ما حاسي بي  : سمر انتي قلتي ما عاوزه نفاق وانا مافي يدي حاجه اعملا ربنا اراد كدا لو بتتحملي انا بتحمل لمن الوضع يرجع طبيعي
سمر انا ما حصل لمستك من دون رغبه مني كنت بنجذب لك ولحدي ما احس بالشي دا محتاج وقت لازم ناخد المساحه دي
قلت له
اطلع انا عاوزه اتحمم
ما تزعلي مني يا سمر
انا ما زعلانه
جاء باس راسي وطلع انا كملت البكاء ومشيت غرفتي تاني يوم قال لي ممكن ترجعي شغلك بس بشرط  : شنو  : نطلع مع بعض ونرجع مع بعض
ههههه خايفني انتحر يعني
عارفك ما ضعيفه للدرجه دي بس عاوزك قدام عيوني عشان اضمن ان........
قاطعته
انا كويسه ما تضيقا علي
منى اتصلت به وقالت له لازم يجيها ضروري طوالي مشى لها لقاها مقومه الدنيا
كيف يرجعني وكمان يدخلني بيتا قال لها
ذي ما انتي زوجتي هي زوجتي 
قالت له
لا ما تقارن ابدا انا وقفت معاك في ظروفك الصعبه ما تنسى
طيب شكرا  وانتي كبرتي في نظري ساعتا بس م اتوقعت تمني علي بالشي دا
قالت له بغضب
لا فاكر شنو كل مره انا اتنازل وانت متمادي مع مرتك عرفنا بنتها ماتت وقلبا محروق انا ذنبي شنو ياخ مشيت جبتا من اهلا قبل حتى ما تتم الاربعين وقاعد معاها للدرجه دي ما بتقدر من دونا؟
قال لها
انتي ما من حقك تحاسبيني على اي حاجه واضح؟؟ لمن اقصر منك بس اتكلمي وذي م انتي مكانك محفوظ هي مكانا محفوظ ومافي حاجه حاتتغير في قلبي ناحيتا
مشى خلاها تبكي وقالت لابوها لازم تطردا من الشركه
اما انا اتلهيت به وقدر ينسيني ويملى وقتي
______
يا دكتور مافي طريقه تتعالج هنا؟  : والله صعب شويه انت عارف امكانياتنا محدوده : انا ما بقدر اقول لها كلام ذي دا
سمر عانت كتير حملت واجهضت وهي لسه عزراء وبعد اتزوجنا وحملت عانت شديد في الفتره دي ولدت في السابع وصابتا حمى النفاس بعدها فقدت بنتها في عمر شهر اجي تاني اقول لها انتي خلاص ما بتقدري تكوني ام؟ 💔
يتبع