علاقات مشبوهة

علاقات مشبوهة 25

#علاقات_مشبوهة
#بقلمي  :  #مشاعر_مبعثرة
الجزءالثاني
الفصل  السادس (العشق الصامت)
الحلقه  (25)
انا ما عندي اي مبرر ولا من حقي ادافع عن نفسي بس لازم تعرفي انو مناسك وامجد خدعوني هم الشوهو صورتك البريئه في عيوني كل واحد حقق انتقامو عن عن طريقي انا ومثل قدامك الدعم امجد دائما كان بقول لي انك رخيصه وعلاقاتك ما كانت مقتصره عليه عليه هو بس كلام كتير ما له أخر انا اتعرضت لصغط نفسي كبير بس دا برضو ما مبرر انا حاليا شفاف قدامك اكتر من اي وقت تاني : ومعترف انك عملت نفس الشي معاي؟ انتقمت لبنت عمك من امجد عن طريقي انا كلكم اي واحد اذاني بطريقتو وفي النهايه انا التافهة واللافه في نظر الناس وانا البخطط واتلاعب بكم انتو الاتنين عشان اغنياء ذي ما بقولو اهلكم وانا الحملت و...........
ساعتا انفجرت بالبكاء وما سكتت جبت لها مناديل واخدتا على العربيه عشان الناس ما تنتبه لنا
سمر بكفي انو نحن الاتنين  حاليا واضحين قدام بعض انا بوعدك انو ما تتأذي بسببي  : موضوع الحمل والاجهاض دا مافي زول غيرك عارفو حتى امي فما تحاول تستغلو  : لا طبعا تاني مافي خداع خلينا نمشي  : فعلا لانو اتأخرنا وامي لو عرفت اني معاك بطين عيشتي  : نحن ما ماشين البيت  : ماشين وين  : المستشفى انا قابلت دكتورك وبعد الحاح وافق يدينا موعد  : موعد لشنو ما فاهمه : يكشف عليك انا وضحت له انو البيبي نزل وقال انو في احتمال ما تكوني اتأثرتي بعد الاجهاض  : انا برضو ما فاهماك الكشف ليه  : سمر ما تركزي معاي شويه انا متأكد انك سألتيه عن الموضوع دا يعني اتخيلي لو طلعتي سليمه ضميري حايهدأ ساعتا وانتي حاتقدري تتزوجي بدون ما تخافي
ادتني نظره مخيفه شديد وبارده بعدها اتنهدت وقالت لي يعني انت عملت دا كلو عشان انا اتزوج واعيش مرتاحه يعني انت بس عاوز تتخلص من الاحساس بالذنب  : ان........  : انت اكتر انسان اناني وانتهازي انا قابلتو في حياتي يا إياد حتى انك اسواء من امجد انا يداب فهمت قصد هاله هه يا خساره  : سمر اسمعيني للأخر
البنت طوالي نزلت وانا لاحقه خليت العربيه فاتحه ما وقفت ولا ردت لي لحدي ما جات حافله ركبتا ومشت انا ما عارف الما عجبا في كلامي شنو وليه زعلت امكن بسبب طريقة طرحي للموضوع لو دا السبب ما مشكله اما لو بقى فهما مشى لأبعد من الاعتزار تبقى بالجد متورطه لانو انا مستحيل اطلق منى واتزوجا هي ولا عارف البخليها تفهم كدا شنو
#سمر
كنتي وين؟  : طلعت اتمشى اتخنقت من قعاد البيت  : ما فيها حاجه بس انا خفت عليك كان توريني
مشيت من غير ما أرد لها
للمره التانيه إياد خيب ظني انا للحظه افتكرت انو بحبني بالجد وحايعمل خطوة جاده معاي بس طلع عاوز يتخلص مني عشان يعيش بضمير مرتاح مع مرتو انا ليه حظي كدا في الرجال ودائما بفهمهم غلط مافي اي واحد راغبني كلهم معتبرني تسليله ولمن يفكرو في الزواج بختارو غيري كل الحصل معاي زمان دا ما بتقارن بالبمر به حاليا انا تعبت من دور الضحيه والمضحوك عليها كل مره كل واحد بنتقم لنفسو على حسابي دا الوقت اللازم اخطط فيه وادخل معاهم الحرب دي كطرف اساسي مش اداة مستخدمه فيها
اتصلت ب امجد هو لمن انخلع قعدت اتظلم له وابين له قدر شنو حياتي بائسه وقنعانه منها قلت له عاوزه ابدأ من جديد وهو ما صدق قال لي خلينا نطلع بكرا حبيبتي : ما تقول حبيبتي دي خلينا اصدقاء وبس انا عاوزه انسى الفات كلو : خلاص براحتك انا موافق مبدئيا : عاوزه اعمل حاجة تطلعني من جو الكأبه العايشه فيه دا وقعاد البيت ما بنفع معاي حاسه اني بقيت 120 كيلو  : ههههههه لا انتي حلوة كدا  : ما تجاملني  : والله جسمك منسق ومظبوط 👌 بس لو حابه ممكن تعملي زومبا حاجه تحركك وتفرق لك في نفس الوقت  : موافقه  : طيب انا حاسجل لك
تاني يوم جاء البيت وطلعنا مع بعض لمن رجعني دخل وسلم على شاكر وقعد اتونس معاي قدامهم داك يعاين لي عشره عشره
بعد مشى امي شاكلتني قلت لها مافي حاجه بيننا وانا ما قاعده اغلط قعدت تهدد فيني بس ضربت بكلاما عرض الحائط اما شاكر وبخ امجد بس ردو كان جاهز قال له علاقتي بسمر حاجه بتخصني انت ركز على ولدك واسرتو الصغيره ما تنهار بسبب تهورو
المهم سجلت في صالة الزومبا وبقى يقابلني كتير ويجي البيت يتونس معاي الحرقني في الموضوع انو إياد بطل يجي البيت وقاعد في فندق شكلو ما عاوز يزعل مرتو لحدي جاء في يوم بس دخل غرفتو طوالي انا اتصلت ب امجد وقلت له علمني السباحه هو ما صدق جاء تاني يوم انا لبست تشيرت وبنطلون رياضي لين ورابطه شعري اما هو بملابس السباحه العاديه نزلنا المويه وانا كل شويه اصرخ وهو يطلعني عاملين جوطه حتى رحيق واخوانا جو انضمو لينا اثناء ما انا بسبح رفعت راسي فوق لقيت إياد واقف في بلكونتو وبعاين لينا لمن شافني عمل نفسو ما مهتم انا قمت ذودتها حبتين صراخ ويا امجد طلعني إياد اتغاظ شديد جاء نازل لينا وشاكلنا قال عملنا له ازعاج وهو عاوز ينوم طبعا عامل امجد كأنو ما موجود بوجه كلامو لينا نحن امجد قال لي الظاهر اننا ازعجنا سيد البيت يا سمر خلاص تعالي بيتنا اعلمك هناك عندنا مسبح زيو  : فكرة مناسبه إياد طوالي نهرني مناسبه؟؟عاوزه تمشي تسبحي معاه يعني امجد قال له ومالو انت متضايق من شي؟  : انت ما تتكلم لاني ما وجهت لك كلامي  : بس ردك على كلامي انا
لمن حسيت انهم حايمسكو في بعض فضلت اتدخل قلت لأمجد خلاص امشي نتكلم بعدين  : ماشي يا بيبي خلي تلفونك قريب  : اوك
اول ما امجد مشى إياد مسكني من يدي قال لي بتعملي في شنو انتي مجنونه في راسك دا وبعاين في شعري
كان مبلول جففتو وبقيت انفض فيه والرزاز اتطاير في إياد قاصده بس اوترو وفعلا دا الحصل لمن غلبو الكلام نسى انو كان ناوي يشاكلني لمن دخلت جوا قال لي انتي قاعده في بيتي ف احترمي نفسك وما تجيبي الزول دا هنا عشان ما ارتكب فيه جريمه : ما بخصك : دا بيتي لو ناسيه اذكرك  : خلاص انا الحأمشي له يعلمني  : انتي ما بتفهمي؟؟ نسيتي العملو فيك زمان ولو مشيتي قعدتي معاه متخيله الممكن يحصل فيه  : انا حره في حياتي ما تدخل خالص فاهم
مشيت خليتو زعلان عاوز  ينفجر وغار شديد بس عشان ما عندو سلطه علي كلم لي امي خلاها تشاكلني
يوم جات ام امجد البيت الشغاله فتحت لها دخلت قعدت في الهول وقالت لها امشي نادي لي الاسما سمر دي جات نادتني طبعا انا حافظه شكلا  عارفه نظرتا لي من يوم امجد عرفني عليها غسلت وشي ولفيت شعري ورا لبست توب ومشيت لها مديت لها يدي ابت تسلم علي عاوزه امشي قالت لي بصيغة امر وتحكم
امشي يا بنت اعملي لي كباية قهوه
اتحركت خطوتين من مكاني وقلت للشغاله تعملا لها وجيت راجعه قعدت قصادا لاني عارفه هدفا شنو
عاينت لي بقعر عينا وقالت بترفع انا قلت لك شنو اسي
صلحت قعدتي وقلت لها كلمت الشغاله تعمل لك القهوه عاوزه حاجه تاني؟؟🤔
🤨🤨 امممم نسيت انك بقيتي ست البيت اصلا اي بيت ما تكون قاعده فيه مرا بكون فيه ثقرات وفرص كتيره للشغالين فيه
قلت لها انتي جايه هنا عشان تزليني؟؟  : انا ما اتكلمت عنك بس لو حسيتي بكدا معناها عامله حاجه  : قولي الجيتي عشانو انا ما بحب الغموض والمقدمات
رجعت تاني لرفع الحاجب والكلام بترفع قالت لي لي انا الكلام دا؟؟؟؟؟؟
ايوا  : هه والله لكن يا امجد يا ولدي جبت لي الصغره انتي يا بنت مش عارفاني منو؟ 😠 انتي شايفه انك في مكان بسمح لك تناقشيني بدل تمشي تتلمي لسه عندك عين ترفعيها على زول ما خجلتي لمن والد إياد شافك وعمو ونسيبو وانتي راقده معاه عريانه في السرير ما قادره اصدق ما بعرف البنات الزيكم ديل بتعيشو كيف وبتعملو كدا بياتو جراءة
قلت لها ما من حقك تحاسبيني دي حياتي  : امشي عيشيها بعيد انتي يا بنت لو فاكره انو امجد حايتزوجك تبقي غلطانه هم الاحسن منك ما فكر يتزوجهم يتزوجك انتي؟؟👆🏻 لا ما تعشمي ولا حتى حايحبك ولدي وانا بعرفو بتسلى بك بس ولمن يشبع رغبتو حايرميك ذي الجزمه القديمه انا بحزرك شايفاك تاني رجعتي تحومي حوليه ابعدي منو فاهمه😠
قلت لها مدام انتي شايفه علاقتنا مؤقته خايفه من شنو؟ خليه لمن يزهج براه ويرميني  ذي الباقي
المرا دي وشا اتغير فجاءة بقى ذي السحاب الشايل المطر 😡 جات علي انا قلبي لمن عاوز يقيف ومدت يدها عشان تضربني بس اتراجعت في اخر لحظه قالت لي انتي ما قدري احسن لك ما تتجاوزي حدودك انا لو ختيتك في بالي والله راسك دا ما تقدري ترفعيه تاني قدام زول وما تقولي انا ما حزرتك واحده لافه😠
قالت كلاما دا وقامت لفحت شنطتا من الكرسي بقوه لمن ضربت بها صينية القهوه الكانت في يد الشغاله واتجاوزتا بدون ما تقول شي لمن البنت خافت قالت لها ما حاتشربي القهوه طبعا مافي مجيب انا التانيه اتغظت شديد منها قمت ماشه وبقول في نفسي هي فاكراني فاضيه لولدا دا اصلا هو المتعلق بي وجاري وراي دا المخوفا مني بس الكان مخوفني انو دي جبهة جديدة كمان انفتحت علي كأنو ما كفاية علي منى المنفسنه😫 (غايتو يا سمر مصيبتك كبيره وسط المجتمع الانثوي دا)
بالنسبه لأياد الخطه جابت نتيجه معاه مهمشاه للاخر وهو ما باقي كتير ويفقد اعصابو
ام امجد عملت حفله في بيتا وعزمت كل الناس ما عداي طبعا عشان تغيظني عزمت حتى امي واولاد عمو الصديق😒 طبعا إياد وامجد مافي اتفاق بينهم دي نقطه مفروغ منها وهو مستحيل يدخل له بيت على الاقل في وجودو اصلا مافي زول في العائله عندو الرغبه انهم يجتمعو مع بعض خاصة في جمعه ذي دي عشان معروف البحصل قام إياد مشى لمرتو بس حصلت مفاجأة مافي زول كان متوقعا
امجد جاء لحدي عندنا وعزمنا لا وكمان أصر علي انا ما صدقت مشيت لبست فستان 👗فوشيا فاري يديه دانتيل شفافه و3/4 طرحه صغيره من نفس اللون ذي الاميرات وهو شال عينو مني مشيت قدامو فتح لي باب العربيه ركبت معاه اما الباقي مشو بترحال لانهم ما كانو جاهزين😅 امي كانت بتراقبتي بس عارفاها حالفه علي بس ما عاوزه تسألني قدامو
مشينا الحفله🎉🎉🎉🎉🎉 ودخلنا مع بعض احلى كابل😍 عاد امو دي دخلت في النار وطلعت لمن شافتني نادتو وما عارفه قالت له شنو بس واضح انو تعنيف شاكر برضو ناداه ( استحاله اقول له عمو شاكر يعني بعد القالو لي)
المهم خلوني براي الناس دي كلها تعاين فيني نظرات اشكال والوان في العيون الغيرانه والمحتقره والمعجبه امو نادتني من بعيد رفعت لي يدها 🖐
مشيت عليها بتكاسل بس اول ما وصلتها وقعت تلفونا وهي واقفه كان تحت رجلي تماما نزلت عشان ارفعو ختت رجلا في يدي بكعبا العالي داك
ما بتتخيلو حجم الالم الحسيتو به صرخت بصوت عالي عاينت لي بصدمه مصطنعه
اوف 😲 اسفه والله ما قاصده بس انتي ليه نزلتي عشان ترفعيه دا شغل الخدم بس معليش انتي اكيد ما عارفه
كانت متوسطه مجموعه من حريم الطبقه البرجوازيّة وانا لمن انتبهت لنفسي لقيت اني في وضع محرج شديد وهم بضحكو ويتغامزو حمرت لها عشان ترفع رجلا وهي براها فهمت انو انا ممكن اتهور وامد يدي عليها لو اضافت حرف تاني ولا عملت اي حركه طوالي رفعت رجلا وانا قمت مشيت زعلانه اتصلت ب امجد قلت له انا ماشه
استني اجي اوصلك  : ما بنتظر😫 تعالي اسي دي وديني  : يا بنت اهدي عندي شغل  اقعدي استنيني شويه بس اخلص الفي يدي واجيك  : شغلك اهم مني يعني؟؟؟😠
طوالي قفلت فيه
امو تاني جات لاحقاني قالت لي لو كنت عارفاك متطفله كدا كان عملت كروت دعوة  : انتي عاوزه مني شنو😠  : وريتك اطلعي اطلعي من حياة امجد وما تقربي منو فاهمه ولالا؟ ويلا اطلعي برا بيتي انا اصلا ما عزمتك بيتي ما مفتوح لناس زيك اتفرجي على الحضور ديل شايفه فيهم واحده زيك لا طبعا لانو المكان دا ما بشبهك امشي فتشي الحتات المناسبه لك
طلعت برا زعلانه شديد سامعه النسوان بتوشوشو ويغمزو بعض
شايفاها لابسه كيف الفستان في ركبتا وشفاف جسما كلو برا  : عاوزه تلفت الانتباه بس  : وجات مع امجد النصري من دون خجل كانت عامله علاقه مع ولد خالتو إياد يس داك خلاها وعرس بنت عمو صغيرونه ومحترمه  : بالله؟؟؟  : ايوا والله دي بايره ساي  : لكن عاد ملفته للنظر  : حبوب وكريمات ساي
انا قربت ارد لهم بس خفت ادخل في حوارات وانفضح اكتر او تجي ديك تطردني قدامهم وتزلني طلبت ترحال ومشيت البيت شايفه عربية إياد برا عرفتو قاعد في اللحظه ديك الشيطان لعب بي مافي زول غيرنا في البيت قمت رميت الطرحه في بيتي وفردت شعري كلو على ضهري شلت الروج الفاقع حقي وعملت منو كتير واتعطرت بعطر قوي بعداك طلعت فوق مشيت على اتجاه غرفتو ودقيت له الباب هو زاتو استغرب البدق الباب منو وهو على اساس قاعد براه جاء فتح الباب
سمر؟ بتعملي في شنو ما مشيتي الحفله؟؟؟ مالك ما بتردي علي
كنت بعاين له بس جوا عيونو وقلبي شغال يدق اثناء كلام المامرتب دا استجمعت شجاعتي ووقعت في حضنو قعدت ابكي سالت من عيوني دموع كلها كذابه وهو اتكركب فقد المنطق نهائي دخلتو في حاله تاني مزيج من الخوف والشهوه وفي نفس الوقت توتر هل حأقدر اجرو للخيانه دا السؤال الكبير والتحدي بالنسبه لي هو بحركه خفيفه سحبني لجوا وقفل الباب
مالك يا سمر خوفتيني عليك
قعدني في الكرسي وبحاول يهديني ويسحب مني الكلام
قلت له وسط بكاي
انتو ليه كلكم شايفني واحده لافه وقليلة ادب مكتوب على وشي كدا؟؟؟؟؟ انتو شايفين على شنو؟
عاينت له جوا عيونو وقلت له
وانت انت ليه ما عاينت لي كبنت محترمه ليه عاملتني كدا واتزوجت بنت عمك هي مؤدبه وانا لافه؟؟
طوالي جاء قعد جنبي ومسك يدي قال لي انتي مؤدبه وبنت ناس ما تقولي على نفسك كدا الناس ما فاهمنك بس واضح انو اتعرضتي لمضايقات امجد ما كان معاك؟؟ : كان مشغول عني كلكم كدا الواحد لمن ينفرد بي بحسسني اني ملكه 👑 واول ما يجتمع بي قدام الناس بعاملني ذي النكره وينفر مني ذي القزاره 😣 : امجد عمل معاك كدا؟😠
امو اهانتني قدام الناس داست على يدي برجلا 😭😭😭😭😭😭 وطردتني
هو طوالي رفع يدي عاين لها ولمن شاف العلامه حمراء على يدي غضب 😡 شديد وبدون ما ينتبه لانو الانسانه بتكون خالتو قال الله يكسر رجلا متكبره
😠 انتي الوداك بيتهم شنو ليه بتحبي تزلي نفسك للناس ديل وامجد دا انا ما حزرتك منو بعد العملو فيك دا كلو تمشي له سمر انا تعبت من كترة ما نصحتك ما عارف اعمل معاك شنو
لمن لقاني ببكي ومنهاره باس يدي وقال لي عشان خاطري ابعدي عنو لو بالجد حبيتيني ابعدي عنو انا ما بتحمل اشوفك معاه دا عقاب انا ما بقدر اتحملو  : انا اصلا كنت بغيظك به بس انا بحبك
قومني من يدي وحضني قال لي اهدي خلاص ما تبكي
قلت له انت بتقول ما قادر تشوفني طالعه معاه وانا متحمله شوفتك مع مرتك وعلاقتك بها لا وكمان حامل منك
قبضتو من ملابسو في حدود صدرو ورفعت راسي عليه وهو منزل راسو علي دموعي كانت مغرقه وشي ونازله على شفايفي القطرات عليها بتشبه الندى البنشوفو على الزهره بلونا الفاقع
قلت له انا ما بقدر بتخيلك بتلمسا بنفس الطريقه دي وتحضنا تنوم جنبها و......
غمضت عيوني وختيت راسي في صدرو قلت له انا بتحمل
ميل راسو علي وقال لي بصوت مبحوح البيننا مختلف ومميز مافي مرا في العالم بتقدر تكون زيك بالنسبه لي العشتو معاك مميز صدقيني
صوتو كان كل مره بتغير وبتحول لهمس وانفاسو بتعلى اكتر لحدي ما تغلب على صوتو وياهو حال اي راجل قدام الاغراء دا
قام بعد فجاءة وماشي على الباب يقفلو عرفت انو استوى قمت حضنتو من ورا وبستو بعمق في ضهرو قام اتلفت علي عاينت له وشفايفي بترجف حضنتو اكتر واتشبثت بضهرو لحدي ما غرست ضفوري فيه وهو بقى فاقد السيطره على نفسو رفع لي راسي بأطراف اصابعو وعاوز يبوسني قرب اكتر واكتر ولمن خلاص بقى على بعد ملمترات من هدفو بعدتو عني وشلت الطرحه رفعتها في راسي ابتسمت وقلت له تصبح على خير
يتبع