علاقات مشبوهة

علاقات مشبوهة 28

#علاقات_مشبوهة
#بقلمي  : #مشاعر_مبعثره
الجزء الثاني
الفصل السابع  (حين امتزج الفرح بالدموع)
الحلقه (28)
انا زاتي استغربت شديد قعدت اراقب فيه وهو بوبخ في الحرس بغضب شديد
فايدتكم شنو طيب مدام ما قادرين تحمو الموظفين
واحد منهم قال له بس دي تعليمات
إياد انفعل زياده وقال لهم من متين بتاخدو تعليمات من غيري
طردهم من غير رحمه ولا حتى خلاهم يكملو باقي اليوم
انا كنت ببكي بحرقه قال لي انتي كويسه؟؟  هزيت راسي كان  في حاله ما بين قلق وخوف بقرب علي بحرص شديد بحيث يطمن علي من دون ما يلمسني بمد يدو ويرجعا بس انا حاسه بوجودو حولي احساس الاحتواء طمني
قال لي ممكن تمشي البيت ترتاحي  : شكرا إياد بالجد كلهم كانو بتفرجو علي من بعيد مافي زول غيرك حماني : لو اي زول تاني كان عملت عملت معاه كدا كفايه فضائح 🙏🏻 دي المره التانيه ياخ
طبعا والدة امجد هي الاتصلت بأسامه وحرضتو علي حكت له كل شي عني وعلاقتي بامجد وإياد خلتو جن وجاء يضربني ما اكتفت بكدا كمان منعت الحرس من انو يتدخلو ويصورو الحصل عشان امجد يشوفني تافهة وبصطاد اياد بالطريقه دي
اتعاونت مع شاكر الكان هدفو اكبر وحتى هي بستغلا عشان يبعدني عن ولدو خاصة لمن عرف انو ما بالساهل اطلع من حياة إياد محاولات والدة امجد كانت بتصب في مصلحتو هو اولا
الليله امجد جاني عديل متأكده انو حايطردا من الشركه  : جائز بس ما تتاملي كتير احتمال لا برضو  : معقول بعد يعرف انها بتتعمد تصطاد إياد عدوه؟؟🤔  : انا وانتي شايفين كدا بس ما معروف الشباب فهمهم شنو  : بس يا شاكر انت ما خايف انو منى تعرف وتعصب زياده  : تعرف من وين انتي وانا بس العارفين حتى زوجك ما توريه  : اصبر لي انا الليله بخلي امجد دا يستوي للاخر ويعرف انها ما بتسوا قرش
رفعت تلفونا اتصلت بسكرتيرة امجد وقالت لها
اتصلي بسمر وخليها تمشي الشركه فورا
طبعا الزمن كان متأخر وانا مشيت اول ما اتصلت بي لانها قالت الموضوع ضروري دخلت مكتب امجد لقيتو مقفول ومافيه ولا حركه واضح انو ما موجود رفعت تلفوني عشان اتصل بس لمحت لي ضو كان جاي من مكتب إياد قلت احتمال حاصل شي جمعهم مع بعض مشيت دقيت الباب مع انو مانعني قال اتفضل
دخلت في حزر وخايفه من ردة فعلو بس اليوم دا بالذات ما قال شي حسيتو مكسور شديد ومافي وضع بسمح له يشاكل قلت له إياد مالك
عاين لي ببراءة كدا وقال لي انتي لسه قاعدة؟ امشي بعد دا
كنت واقفه في الباب اتقدمت ودخلت لجوا قلت له انا طلعت من قيبل بس اتصلو بي من المكتب وجابوني ما عارفه ليه امجد زاتو مافي 
ابتسم لي بسخريه وقال لي بكون لقى فرصه افضل  : كيف يعني  : انتي فاهماني حايطلب يشوفك في مكتبو ذي الزمن دا ليه مثلا؟؟ اللبيب من الاشارة يفهم وانتي اكيد عارفه نفسك جايه ليه بس الظاهر انو لقى له واحده اجمد منك : انت ما حاتبطل تهيني كدا  : ما عاوز اكذب عليك
قربت من درجو وختيت فيه يديني الاتنين
اياد انا ما اشتغلت عشان امجد ولا هدفي اغيظك صدقني لمره واحده قصص الانتقام دي طويت صفحتا
كان واقف قعد وعمل نفسو شغال مع اني متأكده انو بتهرب وبس قلت له اعمل لك قهوة؟😁
ما قال شي طوالي مشيت عملتا له قال لي ما عملتي لنفسك  عاينت له بخباثه😏 وقلت له ما كنت عارفه انو مرحب بي
هنا هو ابتسم بطريقه حلوة شديد ذادت جاذبيتو
عرفت انو ما شايل في قلبو من ناحيتي مع اني انا الغلطت معاه اخر مره بس امكن اعتبرو رد فعل طبيعي على العملو فيني
قلت له انت بتتهرب من مسؤولياتك بالشغل يعني؟؟ انت حاليا عندك ولدك ما زي زمان
عاين لي بطرف عينو كدا وقال لي قهوتك لسه حلو ذي ما هي  : نسيت انك ما بتحب تتكلم عن امورك الشخصيه اسفه
الحيوان داك تاني اتعرض لك؟ 😡 : دا الكنت عاوزه افهمك له بس انت ما سمعتني انا واسامه مخطوبين وانا فسخت بسبب موقف بايخ منو واضح انو في زول ملى له راسو وخلاه يجي يهيني ويضربني بالطريقة دي
حك راسو مع ابتسامه وقال لي انسي خلاص قصه وانتهت اصلا هي علاقه فاشله من اولا  : عملت كدا عشان اعيش مبسوطه وما اسبب لك مشاكل  : تمام 👌
إياد
ايوا
ممكن اشوف ولدك 🙈
قلتا بسرعه ومتوقعه يحرجني بس طلع تلفونو وفتح لي صورتو طبعا بشبه امو شديد  حلو ولونو ابيض وكيوت ما شاءالله يتاكل اكل قلت له ربنا يحفظو بس ما بشبهك خالص
طالع لامو😅  : ربنا يخليكم لبعض  : للسبب دا انا قررت اتزوج واطلع من حياتكم انت بتحب منى وهي كمان وجابت لك ولد انا ما عندي مكان في حياتكم ذي ما قال والدك كل العملتو ما جاب نتيجه وفضلتو مع بعض
مع بعض؟؟؟ القال لك منو؟؟  : والدك قال كدا🤷🏻‍♀️  : هه اصلا ما اتوقعت منو غير كدا انتي فعلا انتقمتي فعلا
اتنهد وقال لي
منى لحدي اللحظه دي م سامحتني ومانعاني حتى اشوف ولدي شوفي عدينا كم شهر وانا بعتزر لها مشت لأهلا بسبب مشكله تافهة وعملت روحا ماشه للولاده منها تاني ما جات واسي طالبه الطلاق  : ي الله دا كلو بسببي أياد انا بالجد اسفه ما اتوقعت الامور توصل للمرحله دي مهما كان الواحد ما بحب يخرب بيت الحلال انا ممكن امشي اعتزر لها وواشرح لها الحصل كلو  : حاتقول انا الرسلتك اصلا مافي داعي طبعا
طبعا هو قاعد في الكرسي وانا في الدرج مقبله عليه قلت له بتنحل ان شاءالله  : الكلام معاك بريحني شديد وبالمناسبة
رفع راسو علي وكمل كلامو حلو التغير العملتيه في حياتك
ابتسمت في خجل 🥰 وقلت له بس ما تقوم بكرا تقلب علي وتطردني اصلك بتعاملني حسب مزاجك
😅😅😅 اطمني
بعد الضحكه رجع لملامحو الجديه وقال لي بابا هددك صح؟؟  : لالالالا ابدا  : ما تخافي انا متوقع اي شي اكيد ما حأمشي اشاكلو لك
سكت قال لي هددك بشنو  : جاء البيت ومعاه خالتك في البدايه عرضو علي قروش وانو اسافر بعيد من هنا وخلو عمو صديق يطلق امي  : يا الله🤦🏼‍♂️ خالتو كوثر ذنبا شنو  : انها امي انا 💁🏼‍♀️  : ما تخافي مشاكل ذي دي تاني ما حاتتعرضي لها انتي عارفه القيود البنكبل بها نفسنا دي هي البتسبب لنا الازمات والخوف من كلام الناس الواحد يعمل البريحو بس مافي زول ببكي على تعاستك بعدين ولا بشفق عليك  : كلامك صح انا اتأخرت بما انو امجد لقى مزه جامده ذي ما بتقول 😂  : انا برضو طلع يلا خليني اوصلك
انا شلت شنطتي وانتظرتو برا قفل المكتب وطلعنا مع بعض في البوابه صادفنا امجد قعد يجوط واتشاكل مع إياد اتضاربو عديل
وقفت في نصهم في محاوله مني  قلت لامجد
انت بتعمل في شنو خلاص ياخ ما تعملو كدا
صرا وشو فيني😡 انتي اسكتي واحده تافهة عامله لي فيها انصاريه وممنوع ممنوع لإياد بس حلال صح؟ انتي الزيك ما بتنفع اصلا  : انا ما بسمح لك تتهمنا في حاجه ذي دي
دا كان ردي انا اما إياد زحاني بعيد وجاوبو بالضرب  انا بكيت عديل تاني وقفت نصهم لمن ضربوني في عيني امجد سابق أياد وجاء يشوفا لزيتو مني
ابعد مني مغفل : تعالي معاي  : ما ماشه زح من قدامي
مشيت ركبت في عربية إياد وهو عاوز يموت من الغيظ والا السواقين فكوهم من بعض
امجد قال لي يعني اخترتيه هو  إياد قال له والغريب في الموضوع شنو ما هي من زمان اختارتني ♡ انت الما عاوز تفهم بس  : ماشي بعرف اتصرف معاكم الاتنين حاندمكم  قال كدا ومشى
إياد جاء ركب جنبي وقال لي بتوجعك؟  : لالا بسيطه  : عملت أثر على عيونك خلينا نمشي المستشفى  : مافي داعي  : حاتقولي لامك شنو  : عضتني حشره😜  : ههههه
خليه يوقف لي انزل
السواق عاين له إياد قال له  كمل طريقك  : بس ان......  : لا انا حاوصلك لحدي البيت واسلم على امك كمان  : لا انا ما عاوزه مشاكل  : مافي مشاكل  : إياد ارجوك انت واحد متزوج وعندك ولد وانا ما صدقت امي رضت عني ما عاوزه ازعلا تاني  : انا ما عندي نوايا كعبه وحأثبت لها الشي دا  : ما اسي : خلاص تمام مدام حأسبب لك مشاكل مره تانيه بس ضروري اشوفك بكرا  : ماشي
وقف السواق نزلت ودعني واتحركو
طبعا امي وعلياء بسألو من شافوني قلت لهم عضتني حشره بس امي ما صدقت تاني يوم اضطريت البس نظاره عشان امشي الشغل اول واحد صادفتو إياد يضحك علي سااااي
حرام ياخ الخلفيه باظت  : كلو بسببك😒 ما كنت عارفاك انسان متهور كدا وبتتسرع للضرب  : فيك ما برضى  : يا سلام ما هدا شوهتني وارتحت  : هو الضربك ما انا والله
امجد جاء ماري فينا ونحن بنطق حنك صرا لينا وكمل طريقو أياد قال لي اوعا تسمحي له يضايقك مفهوم؟  : حاضر  : ولو طردك شغلك القديم لسه متاح🤣  : لالا بعد كدا انا الحأطرد نفسي 😂  اڤورتا عديل
امجد طبعا اتعامل معاي عادي بس شايفه الغدر في عيونو زمن الفطور أياد جاء قال لي يلا نفطر 
انا كنت خايفه قلت حايشوفونا مع بعض وعمك جمال قاعد متربص  : اعمل له شنو يعني  انا ما قاعد اغلط يلا  : انت شكلك عاوز تضيعني  : ما تخافي وانتي معاي مافي زول بقدر يصلك يلا
طلعنا وقعدنا نفطر ونتونس او بالاصح انا بونس فيه هو مستمع بس فجأة قال لي
سمر انك بحبك ❤
لمن قال كدا انا اتعشرقت عديل قال لي سلامتك
انت بتقول في شنو  : مالك استغربتي كأنو اول مره تعرفي  : لاول مره تقولا لي انت كنت صادق معاي دايما وطول فترة علاقتنا ما كذبت علي بأسم الحب اصلا ما حصل قلت لي بحبك الا اسي🙈  : لالا دي المره التانيه ركزي شويه واتزكري يوم عملتك الغليظه ديك😏
ختيت يدي الاتنبن في وشي 🙈 ما قادره حتى اتزكر من شدة الاحراج قال لي خجلتي؟؟ : خلاص ياخ انسى انا لمن اتزكر الموقف دا بحس انو لازم ادفن راسي زي النعامه  : بالعكس دي كانت اهم خطوة في علاقتنا وبسببا عرفتا انا بحبك قدر شنو  : بس انت ما كنت واعي ساعتا  : بالعكس يا سمر في اللحظات المميزه ذي دي الا نسان بكون اصدق ما يكون وبعبر عن الجواه انا ما حأهرب من حبك تاني واتخبى ورا علاقات مؤقته وكذابه ولا حأخاف اواجه بك المجتمع انا ما كنت فاهم نوع المشاعر الجواي تجاهك اعتبرتا اعجاب في البدايه تاني اديتا مسميات كذابه عشان بس ابرر قربي منك هي لا إعجاب ولا شفقه ولا حتى مجرد شهوه هي باختصار حب يعني كلهم مع بعض  : إياد ما تكذب علي انا لو صدقت تاني بروح فيها
جاء قعد في الكرسي الجنبي وقال لي لو حلفت لك بغلاوة ولدي الما عندي اعز منو اكون كفرت عشان كدا والله العظيم يا سمر بحبك بالجد وجادي معاك
دقات قلبي بقت تتسارع وانا بتلعثم قلت له  يعني شنو 😲  : تقبلي تتزوجيني يا سمر💓
يتبع
وهنا القى القدر كلمته الاخيره ليجمع بين العاشقين في صورة امتزج فيها الفرح بالدموع ويزيل مرارة الايام ومشقة السفر الطويل في طريق العشق الأبدي