علاقات مشبوهة

علاقات مشبوهة 39

#علاقات_مشبوهة
#بقلمي  : #مشاعر_مبعثره
الجزء الثاني
الفصل التاسع (رجل وامرأتان)
الحلقه  (39)
انا نططت عيوني وبلعت ريقي قلت لها سمر قالت لي ما حكت لك  : هي فاكره نفسا خدعتني واخفت الاثار بس من شفت حالتا عرفت انو معاها نزيف والعلامات واضحه على جسما وشكلا ما سألتا لاني خفت عليها وما عاوزه اسمع منها اكاذيب للسبب دا عملت نفسي ما عارفه انا سكت عن حاجات كتيره غلط هي عملتا عشان ما تنفر مني وترجع تكذب او تعاندني وهي متعودة تعمل اي حاجه انا امنعها منها من صغيره كدا  : وانتي ما قصرتي فيها كم مره ضربتيها وقلتي كلام قاسي في حقها  : لو انا ما قلت البقول منو كل حاجه انا عملتا معاها وكل كلمه قلتا كان لازم تتقال سمر حاليا بتدفع ثمن اغلاطا العملتا في حق نفسا بس كونك تتخلى عنها كعقاب؟؟  دا فوق حد التحمل وما عارفه ممكن يحصل لها شنو انت لو عندك شك ولو بنسبة 1٪ انو الزواج دا م حايستمر لقدام ابعد عنها من اسي ما تمثل عليها الحب ولا تكذب عليها احسن تنوجع من اسي  : انتي بتهينيني بالطريقة دي معقوله انا اتخلى عن سمر بعد اتحديت بها اهلي  : ويعني شنو ما تفتكر انو دا انجاز وخلاص الزواج دا اقصى حاجه لا دي يداب البدايه انت لازم تتعلم تواجه بها اهلك دايما وتقدر غيرتا وانفعالاتا سمر زعلت وانقهرت كتير في حياتا انت الطلعت بك ما تجرحا  ما عشان بنتي بس سمر ما بتستحق منك كدا انا سكت وما عرفت ارد لها قالت لي لو مرتك وولدك مالين عليك حياتك طلع سمر منها وما تظلما
قبل ارد لها قالت لي انا ماشه بتكون جات اسي لازم ارجع قبل تفقدني  : انا بوصلك  : لا مافي داعي
مشت خلتني ملخبط ما عارف اعمل شنو انا فعلا بحب سمر بس ما بقدر اديها كل وقتي مسؤولياتي كتيره وهي غيورة شديد لمن تزعل صعب الواحد يرضيها
مشيت البيت نسيت زاتو انو الاحد الا منى اتصلت حتى مشيت لهم ما كنت جعان نمت على طول وطلعت بدري سمر جاتني من الصباح وبتعرض افكار جديدة بخصوص التسويق وعاوزه تعلن من خلال صفحتا لانو عندها عدد متابعين كبير اخدنا زمن طويل في نقاشنا فجاءة منى جات دخلت من دون ما تدق الباب
مفاجأة😍
كانت شايله حمودي ابتسمت لها تلقائيا ومشيت شلت منها ولدي قامت سلمت علي بالحضن وعيونا على سمر بتتحداها
رايك شنو في الكبسه دي  : نورتو المكتب والله  : معناها بطل شغل
عاينت لسمر وقالت لها استراحه انتهى وقت الشغل لو سمحتي اطلعي خلينا برانا
سمر عاينت لي عرفتا زعلت غمزت لها طلعت ورزعت الباب وراها منى قالت لها بصوت واصلا لبرا ما تخلي زول يدخل علينا
قلت لها سمر ما سكرتيرتي ليه بتقولي لها كدا  : المهم انها شغاله عندك م حاتعزمنا على حاجه ولا نطلع من هنا طوالي : لا مافي طلعه انا مشغول  : مشغول؟ ولاقي زمن تتونس مع مرتك كيف : انتي قبل شويه قلتيها كفاية شغل معناها عارفه اننا كنا بنشتغل  : هه عارفه انكم ما بتشتغلو  : انا لو عاوز اعمل اي حاجه مع سمر لا انتي ولا غيرك ما بتمنعوني لانها زوجتي وحلالي فاهمه؟؟  فما تحاولي تضايقيها  : ممكن تنساها وانت معاي؟ 🙄  : تمام تاكلي شنو  : ما عاوزه اتقل في الاكل عشان بعدين  : ما ماشي
#سمر
حتى في الشغل ملاحقاني وعاوزه تغيظني
هاله كانت مراقبه انفعالاتي دي على الورق قالت لي يا بنت في شنو  : مافي شي  : طيب بتشخبطي مالك  : ما عندي اي افكار  : طيب اخدي ريست  : مافي داعي عن اذنك   : اتفضلي
مشيت قعدت الريسبشن شويه وبعدها رجعت لشغلي كان معانا امجد طبعا
إياد جاء دق لينا الباب ودخل
مستر إياد  : ممكن اخطف منكم زوجتي شويه
انا انخلعت طبعا وعاينت له امجد قال له بس نحن شغالين  : بتقدرو تكملو من دونها ولا انا غلطان امجد ابتسم وقال له اكيد طبعا
اياد انت جنيت ولا شنو  : ما ممكن يعني اخدك مشوار  : وين  : تعالي بس
اخدني معاه بالعربيه كنا متوجهين على حي راقي شديد في المعمورة ووقفنا قدام بيت كنت سامعه صوت الميوزك لمن دخلت لقيت عمتو وابوه وكل الاهل والاصحاب قلت له في شنو قال لي خطوبة بنت عمتي هدى
اياد  : يلا تعالي ما تكتري كلامك  : بس ليه ما حكيت لي عشان اجهز نفسي  : انتي حلوة في كل حالاتك كان سايقني من يدي وبعرفني على الناس فردا فردا حسيت بفخر شديد لحدي م اهل العريس جو وتمت الخطوبه منى طبعا قاااعده نادتو قالت له انت قبيل مش قلت لي ما جاي  : وغيرت رأيي
اتغاظت منو وادتو الولد عشان يكون معاها بس شالو منها وجاء وقف معاي بدت الحفله قال لي ادخلي جوا مناسك منتظراك مشيت لقيتو مشتري لي فسان فخم شديد اسود عملت ميكاب وطلعت كنت محترمه نفسي قام جاني قال لي ما عاوزه ترقصي؟؟  : ما عاوزه افضحك قدام اهلك  احسن اقعد محترمه ذي مرتك التانيه قعد يضحك وقال لي قصدك الاولى انتي التانيه والدلوعه انا اسف والله تعالي  : لا امشي ارقص براك انا ما عاوزه مسكني من يدي وانا مصره م ارقص بس لمن لقيت نفسي واقفه في نص الناس وكلهم برقصو بقيت احرك نفسي شويه شويه لحدي م الحفله ربت بالجد والجنون الفيني طلع😜 واياد ما همو يرقص معاي ويضحك لحدي م الحفله انتهت وصلني لحدي البيت وقال لي بكرا حاجز لك موعد مهم  :موعد شنو  : خليه لبكرا  : اياد  : اصلو ما عندك صبر ما نفسك تعملي بودي كير  وتهتمي ببشرتك وجسمك ذي زمان  : اكيد  : يلا حجزت لك في كوافير وكمان سجلت لك في صالة الزومبا الكنتي مشتركه فيها  : اياد انت بتجنن 🥰🥰🥰  : دي اقل حاجه ممكن اعملا عشان مرتي امي جات وقفت لينا في الباب قلت له تصبح على خير  : وانتي من اهلي
نزلت امي تعاين لي ساااي لمن دخلت
تاني يوم من الصباح مشيت الكوافير وغشيت صالة الزومبا مشيت الشغل مبسوطه نهاية اليوم طلعت لقيت اياد برا في عربيتو اول ما شافني نزل القزاز وصفر لي
اهلين  : تعالي اركبي  : عاوز توصلني ذي زمان😂 : ايوا يلا م تأخرينا  : تمام
ركبت اشر للسواق يتحرك قلت له يعني دا اعتزار؟  : لا دا واجبي بس  : وامس  : كان عندنا مناسبه وانتي معزومه  : سمحت لي ارقص  : ما حصل منعتك اصلا  : اياد ما تعمل نفسك ما فاهم  : كنت غيران من امجد بعترف
ابتسمت له قال لي انبسطتي صح؟ : انا عملت شنو اسي
فجاءة لقيت انو السواق ماشي في طريق غير قلت لاياد خليه يوقف دا ما طريقنا  : لا ياهو طريقنا : اياد ما تتغالظ انا ما عاوزه اتأخر عشان امي ما تعمل لي موضوع  : امك علاقتا شنو اتصلي وقولي لها ماشه بيتي  : شنو؟؟  : ذي ما سمعتي  : امشي كيف اياد انا حاجه ما جبتا معاي  : حسستيني انك كنتي ساكنه هناك وانا اخدتك ما حاجاتك كلها في بيتك  : يعني عاوز ترجعني بالطريقه دي ولا حتى اعتزرت  : انا اعتبرتا فتره استراحه انتهت خلاص  : ما راجعه  : انا م سألتك عن رأيك اصلا يعني اقعد اعديها شوق لمرتي وهي قاعده في بيت اهلا بدون سبب  : لانك..........
قبل اكمل باسني لزيتو
اياد انت ما بتخجل  : ابدا  السواق لمن خجل وهو ما غرضو اخدني في حضنو قلت له يعني ما قادر تصبر لمن نصل البيت مافي داعي لقلة الادب في الشارع  : يعني موافقه  : انا ما قلت كدا  : قلتي بعد نصل  : اوف منك  : بحبك
اول ما وصلنا البيت حضني المهم كان مشتاق لي شديد ذي الزول الكان عطشان بالسنين ولقى له شربة مويه
جعانه شديد  : ما بتلحقيني قومي حضري الغداء  : ما بقدر  : يا مرا قومي ما قادره كيف شلت الملايه اتغطيت زياده قلت له قوم انت  : دا دلع منك بس ما تتعودي
قام بتثاقل ادوش وجهز الاكل جابو لي في السرير اكلنا مع بعض عدينا يوم مميز شديد وحكينا مشاكلنا بعدها الامور رجعت لنصابا ما بتخلو من حركات منى العبيطه كل ما يكون معاي تتصل به مره الولد عيان مره اتجرح وكلام ذي دا لمن هو فهما
في الشركه نظمنا حفله بمناسبة نجاحاتنا واياد اصر يعملها في بيتهم واصلا هو كبير وبشيل الناس قلت له انا ما بدخل بيتكم دا  : بس ضروري تحضري ما تخافي في الحديقه بس بنقعد  : اياد انت عاوز تغيظ ابوك عن طريقي  : وانتي ما نفسك تغيظي منى؟؟  : حايقولو  نطردا من الباب تجي بالشباك  : هههههه ومالو من حقك  : اوك
طبعا عزمت امي وابوي وكان هدفي يتقربو من بعض قشرت كالعاده جاذبه الانتباه حتى اهل منى ما قدرو يخفو اعجابهم بأناقتي وابوها بنظراتو القزرة ديك
حبييى
اتكلت في كتفو قال لي مالك نعستي ولا شنو  : بردانه 🥶  : ما لابسه لك فستان يديه خفيفه  : مستحيل ما تعلق  : براك بتجيبي الكلام لنفسك  : شايفه امجد بعاين لك كيف  : انت لسه خاتيه في بالك؟؟  : لا بس ما واثق فيه قدر دا مهما كان الواحد ما بقدر ينسى بالسرعه دي ولا حتى يخفي اعجابو  : وانت مرتك قاعده ما تخليني اذكرك  : تعالي جوا  : قلت لك ما داخله
عاين للمسبح وغمز لي 😉 قلت له ما تخليني استفرغ الاكلتو اسي من غير شي نظراتهم مخوفاني اسي بكونو كل ما يشوفونا بتزكرو الموقف الثقيل داك  : موقفين اصعب من بعض  : اياد اقسم بالله ما تسكت اسي امشي البيت اصلا لو ما النسيان انا كان انتحرت  : خلاص اسف تعالي نرقص بس ممنوع تجني  : تمام
منى كانت بتعاين للمسبح وتتزكر الشافتو لمن دمعتا جرت الا امها دخلتا جوا  انهارت عديل
انا ما قادره يا ماما امثل اكتر من كدا البنت دي اخدتو مني خلاص ما شايف غيرا حتى لمن يكون معاي بسرح فيها  : خلاص ما تبقي ضعيفه كدا كمان تبكي قدامهم؟؟  اوعك تضعفي مسحت لها دموعا بس قدرت توقفا قلبا كان بنزف من جوا
احساس مرعب شديد مع انها غلطت بس كونو زوجك وحبيبك يكون لواحده تانيه ويتجنبك يحبا اكتر منك دا استنزاف شديد
اياد انتبه طوالي وهو اصلا حافظا وبعرف متين بتكون في اضعف حالاتا كان شايل ولدو وبالو عندها قلت له ما مشكله امشي لها  : انتي بتقولي في شنو😅  : شايفاك ما شلت عيونك منها  : سمر ما تجني انا معاك : وفكرك عندها  : اقعد احلف لك يعني اني ما بفكر فيها  : ما غلط على فكره خلاص امشي لها 
باس يدي قلت له ما تراضيني انا ما زعلانه على فكره هي متضايقه ممكن تبيت عندها ما بزعل  : بس الليله جمعتك  : اعتبرني خليتا لحمودي  : بعوضك والله حبيبتي خلي السواق يوصلك  : تمام تصبح على خير حبييى  : من اسي  : ايوا ماشه خلاص
إياد دخل جوا وكانت منى مع امها لمن دخل طلعت خت الولد في حضنا وحضنهم الاتنين بعداك باس راسا قال لها عارفه انك في قلبي ومكانك محفوظ صح؟  : ظاهر  : ما تزعلي مني بس يا منى كلو منك انتي كنتي بتبعديني عنك كل م اقرب  : يعني بتنتقم مني بها اتزوجتا بس عناد وما بتحبا جاوب وريحني  : بهمك يعني  : ايوا بهمني شديد
حاول يتهرب من الاجابه بس حصرتو قال ليها انتي الاولى بالنسبه لي طبعا حبي الاول  : بتحبني اكتر منها؟  : ايوا مهما زعلت منك حبي لك في مكانو ما قل ولا يوم
طوالي حضنا وحصل الحصل
بعد ما إياد مشى حسيت انو وجودي ما عندو اي معنى شلت شنطتي وطلعت لقيت امجد في الشارع واقف طرف وبتكلم بالتلفون
سايكو المره دي سلاح اعمل حسابك ما عاوز اي يغلط يحصل في الشحن ولا الشرطة تشم خبر المره الفاتت صديق شال القضيه براه بس تاني مافي زول حايتحمل مسؤوليه ذي دي عمو؟؟  لالا قاعد هنا عامل نفسو وصي علي وعاوز يبعدني عن الشغل بس مستحيل
انا لمن سمعت الكلام دا انصدمت وبحاول استوعب هو قال شغال مع الشرطه بس الكلام البقولو دا بدل على انو تاجر ممنوعات وكمان سلاح؟؟ ختيت يدي الاتنين في خشمي وعاوزه اجري بس شافني وفي لحظه لقيتو واقف وراي طوالي قال لي اركبي عاينت له😠 وكملت طريقي بدون ما اديه اهتمام  بس هو لحقني وابتسم ابتسامه خبيثه
طالعه حلوة شديد كالعاده وجذابه 
مديت يدي عشان اضربو👋 بسبب نظراتو القزره قام مسكا قلت له كنت عارفاك كذاب ومدعي مثلت انك فرحان عشانا وانت لسه حقدك مستمر وبكبر جواك
طوالي ملامحو اتغيرت اماعيونو دي بقت ذي الجمر عاوزه تطلع من مكانا ذاد غضبي وخلاني انفعل فيه
فك يدي يا تافه فكا ما سامع انا مرا متزوجه والنظرة دي إياد بحاسبك عليها انت عارف  قال لي انتي سمعتي  كل حاجه ما تعملي نفسك ما فاهمه وتتوهيني بمواضيع تانيه  عاوزه اتكلم سحبني بقوه من يدي وركبي العربيه الباب كان فاتح اول ما طلعنا قفلو نزل القزاز وقال للسواق اتحرك
انت مجنون بتعمل في شنو نزلني بسرعه البتعمل فيه دا اختطاف عارف كدا؟؟ عاوز مني شنو طيب
طبعا ما رد على تساؤلاتي المتكررة والعربيه ما وقفت الا قدام شقتو كنت مصدومه شديد وقبل اعمل اي ردة فعل جراني من يدي في غضب وانا بصرخ قلت له ايوا سمعت انت واحد كذاب عارفه انك تاجر ممنوعات اصلا الغموض الحوليك دا ما طبيعي ولا حتى القتل والسجن وملاحقة الشرطه انت ما شرطي ابدا انت مجرم
طلع مسدسو وقال لي زوجك مجرم زيي واكتر انتي كنتي فاكره شنو؟ ولو فتحتي خشمك بكلمه واحده انا ما حأروح فيها براي لا زوجك معاي ونسيبك كمان البيت الانتي بتتباهي به دا والشركه ديل كلهم حايروحو ببساطه قلت له انت كذاب إياد ما له علاقه بكم انا ما شفت عليه حاجه مريبه ولا يوم بس انت دائما حوليك شكوك  : دا لانو جبان ما أكتر فضل يقعد يدير الامور من تحت الطاوله هو المعني بتبييض الاموال البتطلع من العلميات بتاعتنا فهمتي؟؟
قعدت ابكي بحرقه😭  قال لي هسسسس كل السمعتيه دا تنسيه يا سمر والا والله العظيم اشيلو لك القضيه براه ذي ما عملت مع راجل امك  : انت مستحيل تكون انسان كامل انا بقرفك بالجد ولا بقدر اعاين لوشك
رماني في الارض وانا لسه مواصله بكاء
مستحيل إياد مستحيل يكون بعمل كدا انت واحد كذاب انا واثقه فيه : طيب ما حصل فكرتي انو القروش القاعده تطلع دي ما بتتناسب مع حجم الانتاج والمدخلات : انت بتتلاعب بالكلام عشان تبرر لنفسك إياد مشرف على كل الامور ومستحيل يسمح بأنو توسخو شغلو بتجارتكم الحرام دي ولا يأكل ولدو منها
قمت من مكاني وعاوزه اطلع قال لي ماشه وين
جهنم  : هنا جهنم اهلا بك  : امجد انا كل ما اقول خلاص شفت اسواء ما فيك تطلع بأكثر منه وما بتتعظ ولا بتستغل الفرص البمنحك لها ربنا عشان ترجع نسيت الحصل مع ابوك؟ انت ما خايف تموت مع كل الذنوب دي  : كلنا حانموت وكلنا ذنوب ولا نسيتي نفسك كنت شنو اتزكري ايام التحرر من حضن راجل لراجل عديتيها  : اياك تتكلم عني انا اشرف منك ومن اهلك كلهم وانت ذات نفسك عارف : لا ما عارف انتي ما خليتيني اعرف مش كان المفروض تثبتي لي : واطي
مشيت على الباب عشان اطلع لقيتو مقفول قلت له امجد انا بالجد ما عندي صبر لك افتح الباب دا وخليني اطلع  : مافي طلوع من هنا
يتبع

صوتو للحلقات