علاقات مشبوهة

علاقات مشبوهة 41

#علاقات_مشبوهة
#بقلمي  : #مشاعر_مبعثره
الجزء الثاني
الفصل العاشر  (   الدون جوان   )
الحلقه  (41)
حامل حامل الحمدلله  سمر نحن حايكون عندنا ولد حبيبتي 😘😍☺😍😘😘😳❤❣️💝💕
قام من مكانو وحضني قدام الدكتور وانا مصدومه باس يدي كمان قال لي عشان كدا بتتصرفي بغرابه يعني من الوحم انا اسف لاني ضغطت عليك
قعدت ابكي وهو يحنس فيني ويتمسخر
ما لاقتني مرا بتبكي عشان حامل يلا من اليوم انا الحأهتم بك شخصيا وممنوع تعملي اي حاجه ولا تتعبي نفسك  : اياد ما تعمل كدا  : لا ح اعمل اكتر من كدا انا حاسي اني طاير  : كأنو اول مره تكون اب ما عندك ولد قبل كدا  : دا غير لانو منك انتي
انا حسيت بغصه في حلقي وقلت له خلينا نمشي البيت مشيت وانا برجف عديل من الخوف اياد ما خلى زول ما كلمو امجد اتصل قال لي انا منتظرك على فكره  : انا بالجد ما بقدر اجي اياد معاي  : وهو الجابو شنو مش الليله يوم منى  : امجد انا حامل😭😭😭😭😭😭  : حامل حلو يعني حايكون عندنا ولد😍 الف مبروك علينا  : عندنا؟؟ 😳  : اكيد طبعا انتي حامل مني انا ناسيه انو اخر فتره كنتي معاي انا وراجلك ما قاعد يقرب منك  : انت ما عندك رحمه؟ حرام عليك البتعملو فيني دا والحاله دي بتقول انك بتحبني طيب لو بتكرهني حاتعمل فيني شنو😭😭 كمان ناشر صوري في الفيسبوك  : 😂😂😂 ديك ما صورك انتي ما شفتيهم ولا شنو حقاتك في الانتظار قعدت ابكي قال لي في يدك تنهي كل شي 
قلت له بصوت مبحوح عاوز مني شنو  : قلت الزفت دا قاعد؟ معناها بكرا تعالي  : امجد  : مافي اعزار لو ما جيتي انتي عارفه الحايحصل فيك مش اياد مش بس حايصنفك مرا خاينه لا كمان حايطلقك ومنى تشمت فيك اما اهلك انا ما بعرف ممكن يعملو فيك شنو  : تمام انا لازم اقفل
اياد فضل سهران معاي طول الليل وانا من الخوف العلي تعبت شديد ما قدرت انوم طول الليل بستفرغ وابكي للصباح لا هو لا انا نمنا وكان عاوز يوديني المستشفى بس قلت له انا كويسه  رقدت شويه وهو مشى الشغل اتصل بي من هناك عشان يطمن قال ليةح افضل جنبك الفترة دي لانك تعبانه  : منى م حاتقبل  : هي مرت بالفتره دي وعارفه ما من حقها تزعل م حاتأخر عليك حبيبتي لازم تاكلي كويس وتنومي  : حاضر حبيبي  : بوسات
بعد قفل مني اتصلت ب امجد قلت له اياد قاعد الليله برضو مافي طريقه  : انتي فاكراني غبي عشان انخدع لك  : والله العظيم اسي اتصل بي واسألو لو ما مصدق قال الفتره دي حايقعد معاي  : 😡😡 مدام هو في الشركه اسي تعالي  : شنو  : تعالي انا منتظرك  : قلت لك اياد جاي انت ما بتفهم لو لقاني مافي اعمل شنو  : ما تخافي برجعك قبل نهاية الدوام يلا انا مشتاق لك وم حافكر في اي حاجه تاني يلا في انتظارك
انا كالعاده بكيت بس اعمل شنو يدي مربطين مشيت الصيدليه عشان اشتري لي مسكن لانو راسي كان مصدع شديد عيني وقعت على سم للفئران في واحد من الرفوف وفكرت في حاجه ما عارفه حاتظبط ولا لا المهم انا اشتريت السم دا ومقرره انو خلاص اخلص من امجد دا واقتلو لانو مافي طريقه تانيه عشان اكون مرتاحه في حياتي انا وهو واياد استحاله نفضل عايشين الثلاثه مع بعض لازم واحد يطلع من اللعبه والمفروض يكون امجد لانو ازانا شديد
اياد طبعا مشتري لي عربيه بس ما قاعده اسوقا لاني ما مطلعه رخصه اليوم داك تحديدا ركبتا هي ومشيت براي وانا في الطريق وقفت قدامي عربيه سوداء ما عارفه طلعت لي من وين بس على الارجح انو كان وراي وجاء بسرعه قدامي قطع علي الطريق قمت نزلت القزاز نزل منها واحد وجاء وقف لي
انزلي  : انزل ليه  : تعالي معاي  : شنو؟ اجي معاك وين كمان  : ما تكتري كلامك يلا  : ما ماش........
قبل اتم كلمتي هو رش فيني حاجه خلتني فقدت الوعيةودخلت في نومه طويله  هو طوالي نزلني من العربيه وركبني عربيتو بعداك اتحرك
________
#إياد
اول ما وصلت البيت قعدت افتش فيها في اي مكان ما لاقيها تلفونا مغلق اتوقعت تكون مشت بيت اهلا اتصلت بهم اتسببت في قلقهم بس لانهم ما كانو عارفين هي وين انتظرت كتير بس هي لا جات ولا اتصلت وامها جاتني تبكي معاها ابوها واخوها علاء الدين وبسألو فيني لمن غيبتا طولت شديد انا خفت عليها طوالي مشيت افتح بلاغ قالو لي الا بعد 24 ساعه من اختفائها انتبهت لانو عربيتا ما موجوده وهي ما عندها رخصه ولا قاعده تسوقا طوالي اتصلت ب بابا لأول مره اطلب مساعدتو لاني خفت عليها بس جاني الرد صادم منو
ما قلت راجل وبتتحمل المسؤوليه  : انا اسف والله لاني افتكرتك حاتقوم بواجبك كأب لمرة واحده في حياتك  : اب لك ممكن بس انت عاوزني اكون نسيب لمرتك ودا مستحيل
طلعت زعلان شديد امجد اتصل بي وانا ما ناقصو قام رسل لي رساله خلتني استغرب
سمر قاعده في البيت؟؟
طوالي اتصلت به ملهوف قلت له سمر معك؟؟  : لا طبعا انا اتصلت عشان اسألك منها  : ي الله والله افتكرتك عارف حاجه عنها مختفيه ما بعرف من متين جيت لقيتا مافي وتلفونا مقفول وعربيتا مافي  خايف تكون طلعت بها وحصل لها حادث😣 : امكن اتوقفت بسبب الرخصه  : انا بالجد قلقان شديد  : خلينا نفتش في المستشفيات واقسام الشرطه
وفعلا فتشنا ما خلينا مكان
الو  : في اخبار؟  : ايوا بس ما كويسه  : انا ما متحمل قول  : لقينا العربيه
اما انصعقت لحظتا وقرت انزل على الارض بركبي قلت له بتلعثم عملت حادث صح؟؟  : لا ما تخاف نحن لقينا العربيه بس هي ما موجوده فيها وكمان سليمه مافيها ولا خدش  : لقيتوها وين انا جاي عليكم  : في شارع سوبا  : سوبا؟؟😳
ما تعملو اي حاجه قبل اجي
انا ركبت طوالي مشيت هناك العربيه واقفه غلط والباب مفتوح تلفونا جوا برضو وشنطتا واضح انها اتوقفت اجباري والاحتمال الاكبر انها انخطفت
رايك شنو تشتغل انت مكانا  : انا زوجتي انخطفت من عربيتا ما مستعد اسمع اي كلام منافي وما حانتظر 24 ساعه انتو لو اتأخرتو ساعه واحده بتكونو بتخاطرو بحياتا ولو حصل لها شي انا م بسكت  : انت ما تدخل في شغلنا خلي الموضوع دا علينا ولو سمحت ما تقرب من مسرح الجريمه تاني نحن حانعمل كل التحريات اللازمه ونبلغك عشان تجي تسحب العربيه ومغتنيات المدام  قعدت اعاين له بغضب قال لي ارجع البيت وانا بوافيك بكل المستجدات اطمن مافي زول فينا حايقصر من واجبو ووجودك هنا لا حايقدم ولا يأخر
انا مستحيل اقدر اقول كلام ذي دا لأهلا اكتفيت ب انو اقول لهم مافي اي اخبار جديده عشان ما يفقدو التماسك الكانو بظهروه خاصة امها فضلو في بيتي اليوم داك وانا طلعت براحه مشيت لامجد في البيت وخالتو حنان قلقت لمن شافتني قلت لها مافي شي اطمني  : لا انا قلبي ما مرتاح لجيتك في الزمن دا  : سمر مخطوفه  : بالجد؟؟  : ايوا  : لا حول ولاقوة الابالله ربنا يعينك يا ولدي بس انت اسي جيت هنا شاكي في امجد ولا شنو؟  : لا  : طيب شنو  : يا خالتو هو قاعد ولالا؟  : ايوا موجود جوا في غرفتو جاء قبل شويه  : ما كان قاعد يعني؟؟  : لا من طلعة الصباح جاء اسي  : تمام
مشيت داهمتو في الغرفه كان شغال على اللابتوب بتاعو 
اياد في حاجه؟؟ : سمر انخطفت تاني  : و و وعرفت كيف انها انخطفت شاكي فيني يعني؟  : المفروض اشك فيك بس لا لقينا عربيتا كان فيها شنطتا وتلفونا الواضح انها اتوقفت اجباري وانخطفت
بلع ريقو وقال لي وين حصل الكلام دا  عاينت له جوا عيونو وقلت له سوبا  : س سوبا؟😯 وهي الوداها هناك شنو  : ما بعرف انا فتحت بلاغ والشرطه حايتصرفو  : انا خمسه دقايق واكون معاك استحم بس واجيك  : جاي معاي وين انا ماشي البيت مافي يدي حاجه اعملا  : طيب تمام  : انا جيتك عشان نفكر مع بعض اخر مره انخطفت انت الخلصتا ف اكيد عندك فكره : لا الموضوع مخت..........  : انا نازل تحت استحم وتعال نفكر بصوت عالي
اول ما طلعت هو شال تلفونو ودخل به الحمام بعد شويه بابا جاء عملت نفسي م شايفو قعد شويه وهو متوتر وعينو على الساعه قال لي الافضل انك ترجع البيت  : وانت ح تتصرف صح؟ بابا انت قبيل قلت شنو  : ما كنت عارفه مخطوفه ديل اكيد جماعة صديق  : وجماعة الصديق يخلو اولادو ويخطفو بنت طليقتو ليه؟  : اولادو معاي في الحفظ والصون انت ما تخاف ابدا  : انا ما عاوز مساعده منك امشي بيتك ارتاح  : انت الامشي ارتاح من الصباح جاري ورا الموضوع دا كفاك خلاص الشرطه بتقوم بواجبا ونحن لو قدرنا برضو بتساعد مشيت منو وهو طلع لأمجد
عمو دي مشكله كبيره : مشكله هه كنت تحسبا قبل ما تعمل لك عداوة مع زول انت ما قدرو  : انا بتصل واتفاهم معاه  : لا انا عاوز افهم البنت دي علاقتا شنو بكل القصص دي  : سمر انطفت بسببي يا عمو😞
يتبع