علاقات مشبوهة

علاقات مشبوهة 50

#علآقآت_مـشـبوهہ‏‏‏‏هہ
#بقلمـيـﮯ  :  #مـشـآعر_مـبعثرهہ‏‏
آلجزء آلثآنيـﮯ
آلفصـل آلثآنيـﮯ عشـر  (  مـآ يـﮯفعلهہ‏‏ آلحب  )
آلحلقهہ‏‏  (50) وآلآخيـﮯرهہ‏‏
كبرتي في عيني شديد بالحركه دي  : عاوزاه يموت بعذاب الضمير  : اشك انو عندو امجد دا لو كان عندو زرة ضمير ما كان دمر حياة بنت بريئه بسبب عداوتو مع ابوها ولا كان نكر معروف مناسك او اساء لنانسي البتحبو ولوثت يدها باشغالو القزرة بس عشان تكون جنبو  : واحد دون جوان مافي مرا بتعملى عينو
كنت متاكدة انو الشي دا ح يعذبو لانو بحبني حتى الاذى السببو لي هو الحايعاني منو لاني لقيت بلسم لجرحي اما هو لا كل واحده فيهم قدرت تسترد حقها منو بطريقتا ما عدا هند المسكينه فاضت روحا وهي بتنادى به
احم احم مدام اياد شاكر فهمي
طبعا كنت سرحانه ابتسمت وقلت له
حبيت الجمله دي ممكن تناديني كدا على طول
ههههه ضحك وقال لي
عاملا زي الزول البحاول يثبت حقيقه مؤكده بس لانو لسه ما مصدقا
ربعت يدي وقلت له ي سلام كلامك دا معناه انو ما واثقه في نفسي
ههههههه المهم تثقي في حبي لك مدامي
دخلت في حضنو اتنهد بصوت مسموع وقال لي
بابا منحاز له  :  معناها ح يفرح لمن يعرف انو طلع من دي كمان
:  الناس كلها فاهمه انو طلع منها ما  عدا نحن الاتنين😅😅😅
: خليه يعيش مكيود مننا
امجد اختفى من اليوم داك وما عارفين عنو شي بس الارجح انو سافر لانو جوازو مفقود
بعد اسبوع امي جاتني وقعدت معاي لفتره طويله كانت بتراقب في الساعه فجأة قامت وقالت لي بعد دا ابوك بكون جاء
قعدت اضحك ايووووا عشان كدا بتراقبي في الساعه الجو خلى لكم خلاص  :  حبيبي وانا حره ادلعو انتي مالك  : والله دي مراهقه متأخره الما عملتيه زمان  : زمان كنتو في راسنا واسي ما عندنا غير بعض لازم الحق اجهز له الحمام والغداء بكون تعبان
طبعا انبسطت شديد لانو امي بقت تهتم ب ابوي وتعظمو ذي اي راجل بدل ما كانت خاتاه في الهامش اول ما اتحركت من قدامي انا قمت حضنتها ذي الكانو اول مره وقلت لها امي انا بحبك اكتر حاجه في الدنيا دي كنتي وراي دايما ذي الدرع وسندتيني ما خليتني اقع لو انا مكانك كان اتبريت مني
ابتسمت لي وقالت
مافي ام بتتبرأ من بنتها طبعا انتي جربتي الاحساس دا حتى لو لفتره بسيطه  : صح وبعد ضقت تعب الولاده دا عرفت قيمتك في حياتي ربنا يخليك لي
امي دمعت عيونا لانو اول مره اضمها بحب كدا وابوح لها بحبي المخبى
مسحت دمعتا وقلت لها اعفي لي عن القلتو والعملتو فيك انا والله العظيم ندمانه لاني زعلتك وكسرتك زمان عليك الله ي امي اعفي لي
طوالي ضمتني وبقت تبكي بصوت عديل
انا عافيه لك من زمان ومستعده اتحمل منك اضعاف لانك بنتي وانتي زاتك اعفي لي يا سمر  : عافيه لك
فضلنا فترة طويله في حضن بعض انا اتمنيتها ما تخلص بس هي كمان لازم تمشي وتنتظر حبيببا قالت لي يلا امشي نومي وارتاحي  : لا عاوزه اسبح  : تسبحي؟😏
كويس اقفلي الباب يلا انتي قاعده براك ما تدخل لك مصيبه  : حاضر
اول ما هي مشت دخلت المسبح اياد جاء وما كان شايفني دخل غرفتو شافني من البلكونه جاء نازل براااحه انا كنت جوا المويه حابسه نفسي ذي ما بعمل لي هو
قام نط لي جوا فجأة انا انخلعت وشلت نفس وانا جوا لمن المويه دخلت ب أنفيّ وخشمي وانشرقت قعدت اكح المويه دي حاساها بتطلع من اي مكان حتى عيوني واضاني وهو يضحك قلت له والله ربنا بحاسبك انا كنت ح اختنق واموت جوا  : اسف حبيبتي محتاجه تنفس صناعي؟؟ 
صريت له جاء حضني جوا المويه
حرام عليك ياخ عيوني دمعت لانو بالجد زعلني وخفت شديد قال لي خلاص حبيبتي ما تبكي  : اوعا تعمل كدا تاني  : حااااضر
وزح مني
دفعتو بعيد رجع تاني حضني وقال لي انتي لسه م اتعلمتي السباحه  : لا بعرف اطلع منها انت بس  : اسف حبيبتي ما كنت عارفك ح تخافي كدا والله
قعد يعتزر وانا زعلانه منو في النهايه غطسني تاني وطلعني ذي زمان
صرخت فيه وقلت له اياد انت تاني بس كررا قرب وقال لي وحاتعملي شنو لو كررتا😂  : ولا حاجه ح اقول عنك طفل بس  : ههههههه الله يسامحك
انا متوقعه الباب ينفتح اسي ويجي زول داخل او مجموعه قعد يضحك وقال لي خوافه
ياخ ما بقدر انسى الحصل داك بقيت قدر السمسمه وخجلت شديد  : واسي ما خجلانه؟  : اخجل من منو يعني
طوالي شالني
اياد؟؟  : هسسسس🤫🤫🤫🤫
شالني من الحديقه ودخل بي جوا البيت وهو ساكت لمن طلع بي فوق انا كنت مركزه فيه شديد منظرو استغفر بس وهو شايلني والمويه على صدرو بتنزل غمضت عيوني بس دخلني غرفتو وقفل الباب بعداك نزلني على السرير وشغلت اغنيتو المميزه