علاقات مشبوهة

علاقات مشبوهة 38

#علاقات_مشبوهة
#بقلمي  :  #مشاعر_مبعثره
الجزء الثاني
الفصل التاسع  ( رجل وامرأتان)
الحلقه (38)
ادهم قلبو انحرق اتصل ب امجد هددو وطبعا دي اللحظه الكان منتظرا هو ضحك له باستفزاز شديد غاظو اكتر وداك بقى ذي المجنون
دبر له مؤامرة  كبيره في شكل عمليه من حقاتهم المشبوهة ديك كان ناوي يقتلو بس إياد في مرحلة الترصد ومتوقع اي شي بلغ فيه وخلى البضاعه تتصادر عندو يادوب قدر يخلص روحو
ان شاء الله  تكون اتعلمت بس انو ما تلعب مع الكبار  : انت بتغامر بكرت حياتك يا ولد النصري  :  من زمااان بعد اخدت بابا مني استعد انك تخسر اي حاجه  غاليه عليك واخرهم روحك
_____ جاء عيد ميلاد إياد وانا حضرت له مفاجأة  صغيره في البيت لانو كان يومي انا عملت الجاتو بيدو واشتريت له هدايا وشموع وزينت البيت بس المشكله انو منى كانت عامله له احتفال كبير في البيت وعازمه كل الاهل والاصحاب يعني حاجه ما بتتقارن بحفلتي المتواضعه وهدايا والعاب ناريه حاجه كدا من مقاسهم وما ورتني نهائي  اولاد الصديق طبعا كانو في بيت حبوبتهم مشو لها زيارة مرا كبيره وعايشه حياة بسيطه في الولايات قعدو معاها كم يوم ورجعو وكانو مع الحضور إياد جاء البيت مع امجد المتفق مع منى على المفاجأة  دي واول ما دخل ولعو كل الانوار وشاف الناس والتحضيرات انبسط شديد احتفلو مع بعض وطفا الشموع مع ولدو ومنى الكانت نجمة الحفله اتكيف منها شديد شكرا وباس راسا كانو عايشين اجواء حلوة شديد  وانا اتصل ما برد لي لمن خفت عليه الزمن داك هو كان ماسك يد مرتو ومتوجهين على غرفتهم منى مجهزة نفسا على اساس تسرق اليوم المميز دا مني بس هو اتزكر وبعد لبس البجامه قلعا وقام طالع هي زعلت وعل وشاكلتو قال لها منى انتي عارفه الليله يوم سمر وانا ما كنت عارف بالتحضيرات فما حكيت لها شي  :  ما باقي كتير على الصباح بيت ساي ياخ وبكرا احكي لها
كانت قابضه في لياقة قميصو وهي بتتكلم بدلال عشان تضعفو  ( إن كيدهن عظيم) 
هو طوالي شال يدينا منو وقال لها لا ح تزعل  :  وتزعل يعني شنو دا ظرف خاص  :  طيب ليه ما عزمتيها ذي ما عملتي مع كل الناس منى انا ما حصل قصرت منك في شي ليه اقصر معاها هي
صرت وشا وقالت له امشي اي زي الأهبل ما هي بقت ممشياك على كيفا  : تاني ح ترجعي لأمورك دي؟  : تاني وتالت عشان سكت لك فاكرني نسيت ولاغفرت  : والله انتي عمرك ما تتغيري انا الغلطان لاني صدقت وعودك الكذابه  : إياد لو مشيت والله ما يحصل خير  : تصبحي هلى خير
طلع خلاها زعلانه ترمي وتكسر ذي المجنونه وجاني بعد يئست منو وبلم في الحاجات ما صدقت لمن شفتو حضني شديد واتأسف لمن شاف التحضيرات الانا عملتا قال لي حقك علي ما كنت عارف والله  : ما مشكله المهم انك جيت  : لو تعرفي مرهق قدر شنو  : معناها ارتاح  : واضيع الحفله الرومانسيه دي لا طبعا
لصق جبينو في جبيني وقال لي الليله نساهر للصباح  : لا  : مافي لا
احتفل معاي للمرة التانيه وفضلنا صاحين لمن الصبح اذن صلينا ونمنا
ما حب يزعلني مع انو كان مرهق شديد ابى الا يشاركني الاحتفال البسيط دا وكان مستمتع به شديد صحينا والبيت في حالتو الامس ومرهقين قال لي الوقت اتأخر شديد  : طيب ما تمشي  : لو ما مشيت البمشي الشغل منو لازم اقوم  : وكمان الليله ما يومي خليني اعمل لك الشاي مسافة تدوش 🛀 ولا نشربو في الشركه؟
هو بعد نزل من السرير وماشي الحمام جاني راجع ورقد جنبي قال لي بشقاوة
يوم واحد ما بفرق  : ههههههه
قضى اليوم داك معاي ومنى فاكراه في الشركه جاها اخر اليوم ومرهق وزول نوم
انا طبعا نزلت شغل بس ما ملتزمه به شديد كدا ذي زمان مرات امشي ومرات لا
حبيبي رايك شنو نطلع مشوار اليوم وانا العازماك  : قولي بسم الله هو انا متين جيت عشان اطلع تعالي هنا  : لا إياد ما ممكن ياخ انا بنتظر يومين عشان تجيني وبنقضيهم في البيت بس لا فسح ولا رحلات  : سمر انا بقضي معظم يومي في الشغل وياهم كم يوم في الاسبوع بكون معاك بشتاق لك فيهم شديد نقوم نعديهم برا باقي الوقت دا نقضي مع بعض ولا ننوم هو اليوم قدر شنو اصلا  : يعني دا بس حبك لي في السرير ما قادر حتى تواجه بي الناس  : دا كلام شنو اسي هو انا اتحديت بك الناس كلها ولا نسيتي؟  : عارفه حبيبي بس انا عاوزه......   : قومي طيب خلينا ناكل برا  : انا ما قلت كدا عشا.....   : هسسسس خلاص يلا ما عاوزين نضيع الزمن الليله دي تساهري للصباح وبكرا عندك شغل بدري يلا البسي لك اي حاجه سريع
شلت اقرب فستان لبستو وطلعنا غيرنا جو واتصورنا عملت معاه فيديوهات كتيره نزلتا ومنى شافتا عاوزه تطق طوالي رسلت لي صورهم حقت حفلة عيد ميلادو عشان تغيظني وانا ما كنت عارفه اصلا انصدمت لانه ما حكى لي  هو كان في الشغل الزمن داك اتصلت به
إياد انت كنت وين يوم عيد ميلادك  : معاك😅  : قبل تجيني  : في الشغل طبعا  : كذاب  : سمر  : ايوا كذاب انت كنت محتفل في البيت مع مرتك واهلك واصحابك هي جهزت لك كل ف ما فكرت حتى تحكي لي مدام ما عاوزني وسطكم احكي لي على الاقل عشان م اتعب واجهز للأحتفال معاك  : ما هو عشان ردة فعلك دي انا ما حكيت لك  : كنت فاكرني م حأعرف يعني ما عارف مرتك ما بتسكت وانا الغبيه فكرت افاجأك وقعدت  انتظرتك لأخر الليل  : مالي ما جيت احتفلت معاك  : اصلا الموضوع  لمن يتعلق بالاسره والاحتفالات انا ما بكون عندي وجود لاني بلفت الانتباه وبفضحك قدام الناس  : سمر الكلام دا ما له لازمه اسي قصة حصلت وانتهت خلاص ما تكبريها  : انا اصلا كان المفروض اكبرا من البدايه و مأسكت لحدي ما تصل لهنا انت مدام ما قادر تواجه اهلك بي اتزوجتني ليه؟  ليه تعيشني حياة الصاحبه وانا مرتك  : صاحبة شنو يا سمر احترمي نفسك انتي عارفه بتقولي في شنو  : ايوا عارفه  : انتي النقاش معاك عقيم بعد اجيك نتفاهم انا مشغول اسي
كنت سامعه صوت ولدو ومنى واضح انو ما عاوز ازعاج وهو معاها قفل وانا تاني ما رجعت له مشيت بيت اهلي قلت اغير جو امي قالت لي انتي بايته ولا شنو  : ايوا في مانع؟  : لالا بس ما من عوايدك مش قلتي راجلك ما بسمح لك  : قاعد عند مرتو انا ابيت براي كل مره يعني؟  : ما مشكله  المهم هو يوافق  : ولا على كيفو يقدر يمنعني كمان انا قاعدة احاسبو لمن يمشي لمرتو؟   : ايوااا خلاص بدينا يعني  :  انا داخله انوم انتي اقعدي حللي على كيفك
اكيد متشاكلين واضحه  : ي امي قالت لك راجلا مافي وما عاوزه تنوم براها انا داخل انوم تصبحي على خير  : ابوك مشى ولا قاعد؟ 😒  : طلع😏  : احسن  : انتي ي امي  : هسسس ولا كلمه
علاء الدين طوالي جاني الغرفه قال لي امي وابوي ديل بعد دا مش الفروض يرجعو؟  : والله كلامك صح ب اعتبارهم قاعدين في نفس البيت وهي اصلا اتطلقت مافي داعي لنوم الفنادق دا يرجعو بس  : اتكلمي مع امي وانا...........   : لالالالالالالا انا بتكلم مع ابوي انت كلما هي  : وبعدين معاك ما لاقتني بنت بعيده عن امها كدا  : امي ما بتحبني وانت عارفا  : ما بتحبك كيف نسيتي الحاجات العملتا عشانك  : انت ما عارف حاجه ساي المهم انا بتكلم مع ابوي  : تمام لبكرا بزن في راسا اصلا كلنا ماشين ما عندهم غير بعض
طبعا قاعده وعلى اساس اياد يتصل بي بس ما جاب خبري امجد اتصل وزكرني بشغلي طوالي قمت غشيت البيت لبست ومشيت الشركه طبعا لاقيت اياد بس سلم علي ولا كأنو في شي نهاية اليوم ركب عربيتو ومشى لمرتو
عاوزه توصيله؟؟  : لا ابدا بركب ترحال  : خليني اوصلك في طريقي  : لالا مافي داعي تغير مسارك عشاني  : وفيها شنو شقتكم ما بعيده من بيتنا  : انا ماشه بيت اهلي  : ايواااا خلاص تمام بنتظرك لمن تركبي  : امجد لو سمحت مافي داعي زول يشوفك واقف معاي  : اوك على راحتك
خلاني بعد مشيت اتصل ب اياد
مالك م اخدت مرتك معاك وقفت مسافه طويله في الشارع حتى ركبت  : بالجد؟؟ قالت بتتأخر عشان كدا ما انتظرتا  : وصلت ولا لسه  : لسه  : اياد انتو في بينكم مشكله ولا حاجه؟ هي مشت بيت اهلا  : بالجد؟  : ما كنت عارف يعني؟  : انا بايت في البيت التاني عشان كدا بس عادي انا اذنت لها تمشي وقت عاوزه  : لالا تمام اااياد؟  انا ما حابي اتدخل في مشاكلكم وعارف اني الشخص الوحيد البحق له يديك نصيحه بخصوص سمر بس البعاد بالطريقه دي ما بحل مشكله انت امكن ما تتأثر بس النسوان ديل حساسات بالخصوص دا والغيره بتحركهم انت لازم تحسس الواحده فيهم انها الوحيده حتى لو بالكذب بس عشان ما تزعلا معروف القلب ميال  : امجد انت فاكرني مايل لمنى وسمر ما بتهمني؟ بس ما سألت نفسك انا لو ما بحبها عرستا ليه؟ وفي بنت عمي وام ولدي نحن ما عشنا ولا لحظه كذب مشاعرنا حقيقيه  : انا بسعدني والله العظيم لانك عارف مكانتا عندي وعاوزك تحقق لها الانا ما قدرت عليه لانها اختارتك ودي ما حاجه ساهله  : تمام  : واسف لتدخلي للمره التانيه بعد م اياد قفل من امجد فكر في الموضوع انا كان ممكن اتزوج امجد البحبني بجنون ومافي اي مرا غيري في حياتو بس اخترتو هو المتزوج وبحب مرتو دي تضحيه تستاهل يقابلا بالمثل
انا مشيت اتكلمت مع ابوي في موضوع الرجعه لامي بس كان رافض مبدئيا وامي عامله نفسا رافضه بس مواقفه ومنتظراه هو الابادر تاني يوم طلعت من الشغل بدري وعلى اساس اجهز البيت والاكل وكدا هو لمن سأل مني في الشركه قالو له طلعت خت في بالو انو انا مشيت بيت اهلي قصدا عشان ما اجي معاه فضل في الشغل لوقت متأخر وانا منتظراه هناك لمن زهجت مشيت بيتنا قام اتصل بي
انتي وين  :  في بيتي  : ياتو بيت فيهم  : ياتو بيت فيهم سكت مسافه وقال لي تمام تصبحي علي خير  : وانت من اهلو
امي دي عاد هاجت لك فيني
ثلاثه ايام مع مرتو؟ دي فوضى وانتي ليه تسكتي له  : ولدو عيان  : ويعني شنو البيت ما فيه ناس؟؟  : ي امي خلاص ياخ