علاقات مشبوهة

علاقات مشبوهة 43

#علآقآت_مـشـبــوهة
#بــقلمـي  :  #مـشـآعر_مـبــعثـره
آلج ـزء آلثـآني
آلفصـل  آلعآشـر  (آلدون ج ـوآن)
آلح ـلقه ( 43 )
طبعا امجد طلع منها للمرة التانيه بعد ما شاكر اعترف بإنو المسؤول الوحيد إياد مشى الشقه المشؤمه وهو حاسي بغصه في حلقو قلبو كان بدق وهو بشوف تسجيل الكاميرات قعد في الكنبه واللابتوب قدامو اخد سجارة من العلبه الموجودة قدامو ودخن لاول مره في حياتو اول م شافني مع امجد اختنق من الحسره ودخان السجائر واستفرغ الفي بطنو كلو بس واصل مشاهده ورجع لنفس النقطة الأثارت الحقد في نفسو وشال السجاره حضر الفيديو بتاع اول يوم والتاني برضو في النهايه شال الجهاز ضرب به الارض وكسر الكاميرات كان خلاص كمل كل السجائر  القدامو وقعد يحكح واطلق صرخه عاليه صرخة انهزام والم قلبو اتجرح بطريقه صعبه يلتئم تاني وكان متاكد انو لو شاف امجد اكيد ح يرتكب فيه جريمه
ليه ليه انا بالذات يحصل معاي كدا؟ ليه مرتي انا تخوني ومع ولد خالتي ليه ما جات حكت لي واستنجدت ليه تسكت وهي عارفاني ح اقيف معاها كيف سمحت لنفسا تكون في علاقه جسديه معاه وهي على زمتي
طلع من الشقه وهو م عارف يمشي علي وين اتخبى وسط زحام من الناس لمن تاه بينهم ومافي زول عارف له طريق بيت اليوم داك على الرصيف امي اتصلت به رد لها بجفاف
نعم  :  مالك بترد علي كدا
اتنهد وقال لها عاوزه شنو يا خالتو كوثر  : انت ناسي انو عندك مرا قاعده معانا في البيت والمرا دي حامل وكانت مخطوفه شافت بعيونا الموت  : وانا خلصتا  : اياد تعال سوق مرتك  : خليها معاكم لمن اقرر  : تقرر سنو اياد انا عارفه انو في مشكله حصلت بينكم ومدركه كمان لحتة انو هي الغلطانه بس دا ما بديك الحق تهملا كدا دي مرتك غصبا عنك مرتك وحامل بولدك البنت بقت لا بتاكل ولا بتشرب عصير ولا لبن دمها بسيط وجسما فاقد كتير الدكتور قال لازم تهتم بصحتا لانو عندها مشاكل كتيره ولو حصل اجهاض ما معروف البحصل فيها شنو  :  انتي امها اهتمي بها  : وانت زوجها وابو الطفل الفي بطنا  ابتسم بسخريه قالت له على العموم انا نبهتك لو حصل لها اي شي انت المسؤول  : تمام انا جاي
اياد لمن جاء وفتحت له امي سألا اذا كان في زول في البيت  قالت له مافي غيرنا  :  طيب ي خالتو ممكن تخليني معاها برانا  : اكيد طبعا  : احم قصدي برانا في البيت اسف على الطلب دا بس لازم نكون معزولين وم تخافي ما ناوي اعمل فيها حاجة  :  بس طلبك غريب ليه يعني في شنو انت ممكن تاخدا معاك وتاخدو راحتكم  : انتي ما فهمتي علي انا م جيت اخدا لو سمحتي اعتبريه رجاء وم ح ازعجكم تاني  : طيب انا بمشي السوق اجيب كم حاجه اتفضل
انا كنت راقده جاء داخل لي في الغرفه اول ما شفتو قمت جاريه احضنو بعدني ذي الحاجه القزرة وكان متضايق
إياد؟؟؟   : انتي كنتي ماشه له في الشقه صح؟؟
قلعت عيوني وما عرفت ارد قال لي انخطفتي وانتي في طريقك لامجد في الشقه بتاعتو : اياد خليني احكي لك الحصل كله انا والله العظيم مظلومه 🥺 : لو فرضنا انو انا اتجاوزت حكاية الاغتصاب مرتين انتي كنتي ماشه له بنفسك ليه؟؟ : لانو كان بهددني😭😭😭😭😭😭 صورني فيدو وكل يوم بهددني به انت فاكر الموضوع ساهل علي؟؟  حاولت كتير احكي لك بس بس خفت : خفتي؟؟؟  وبدل تواجهيني فضلتي انك تكوني مرا خاينه؟؟؟ : والله العظيم ما حصل عملت معاه حاجه برضاي الثلاثه مرات دي هو كان بجبرني احلف لك 
صرخ فيني ما تحلفي لي انا اصلا انا شفتك بعيوني  : ش شفت شنو  : شفت وسخكم في تسجيل الكاميرات
مد يدو عاوز يضربني لمن غطيت وشي بس ضرب الدولاب الوراي وانا قعدت في الارض ابكي
انا شفتو معاك مرتين التالته دي متين ما صورا قعدت ابكي 
انطقي متين ووين  : ي يوم الحادث هو طلب مني اجي وانا انا ما مشيت قام جاني البيت😭😭😭😭 افتكرتو انت والله العظيم وحكيت له كل شي لانو البيت مظلم بعدها هو ضربني واغتصبني وهددني بالصور  : سلمتيه نفسك عشان ما يفضحك  : لا والله العظيم اغتصبني انا ما حصل عملت حاجه برضاي كله اعتداء وضرب
صوتي كان رايح مع البكاء والكلمات بتطلع مخنوقه
انا كنت خايفه ما عرفت اتصرف ح حاولت اني انتحر بس ما قدرت وخليت لك رساله في جيب بدلتك حكيت لك فيها كل الحصل : ويعني شنو قولي متي عديل موتك ح يغفر ولا يبرر لك الخيانه  : م اسمها خيانه اياد انا كنت ضحيه 
عاين لي بحسره وهزة راسو انا مستحيل اسامحك  : طيب خت نفسك مكاني  : انا اخت نفسي مكانك؟؟  الظاهر انك ما مستوعبه بتقولي في شنو كنتي بتلوميني في مرتي حلالي وانا كنت بحس بتانيب الضمير تجاهك تاريك عايشه مع راجلين في نفس الوقت
قرب علي وضربني كف بانفعال
انتي كيف قدرتي تتحملي ليه خليتيني المسك بعدو بعد نجسك
تاني ضربني وانا بصرخ قال لي انا لو موتك م بكتفي قادرة تتخيلي شعوري لمن شفتك كل حاجه عملا معاك انا شفتها كل كلمه سمعتا وكل لمسه شفتا متخيله
قعد يضرب فيني بدون وعي امكن بفضي كل الغضب الجواه وانا اصرخ
انا لو ما موتك ما برتاح اعمل فيك شنو انا انتي شيطان ياريتك ما دخلتي حياتي ياريتني ما شفتك ولا حبيتك مسكت بطني عاين لي بغضب
خايفه عليه صح؟  انتي عارفه الفي بطنك دا من منو؟ انتي كنتي معاي ومعاه وحملتي في الفتره دي عاوزاني اربي ولد الحرام الحاتجيبيه من امجد
قعدت في الارض منهكه وهو نفس الشي قعد جنبي ودموعي قربت تنزل انتي عارفاه من منو فينا؟؟  عارفه ولا ما عارفه ريحيني  انا رديت بالبكاء قال لي ما عارفه صح؟  الله لا عرفك الله يلعنك يا سمر الله ينتقم منك انتي اصلك لعنه لعنه حلت على حياتنا ما قادر اشوف وشك ولا متحمل وجودك انتي والفي بطنك
طلع خلاني في الارض ولسه حاسي انو م اخد حقو زعلان شديد مشى البيت طلع كل حاجاتي وفتش الرساله القلتها له علها تشفع لي بس م لقاها وامجد مختفي
شاكر طلب منو ياخد كل القروش الهو مخبيها ويسافر على اي بلد تاني مع اسرتو بعيد عن الشبهة
ابوي رجع وشافني في الوضع داك بس كذبت عليه وقلت له انا انفعلت وكركبت الغرفه كدا كان عاوز يتصل ب اياد قلت له ما تتصل خليه  : ويخليك كدا؟ انتي انخطفتي بدل يقيف معاك يرميك الرميه دي  : انا العاوزاه يبعد  : بس ليه السبب شنو  : نحن انتهينا خلاص ي ابوي  : الموضوع له علاقه بالجماعه الخطفوك؟ 
رفع لي وشي بيدو وقال لي اوعا يكون عملو فيك حاجه وراجلك خلاك للسبب دا هزيت راسي بالنفي
طبعا هو وامي اتقربو لبعض شديد في الفتره دي وما باقي الا يرجعو لبعض بس ابوي قاعد في الفندق 🏨
تاني يوم خليتو بعد طلع وامي في غرفتا شلت شنطتي براحه وطلعت بس هي شافتني قعدت تنادي فيني م اشتغلت بها طوالي اتصلت ب اياد وهي لسه لاحقاني وبتنادي هو رد من اول جرس طبعا
الو  :  سمر ماشه وين يا بنت سمر سمر اقيفي :  الو الو انتي سامعاني؟ في شنو  : سمر لبست وطلعت ما عارفاها ماشه وين نفسا م قادره تشيلا من شدة التعب والارهاق انا لاحقاها بس ركبت المواصلات  : خليها تطير محل عاوزه اخر همي
انا طبعا كنت مقررة امشي انزل البيبي عشان ابعد من الشك والشبهات مشيت لنفس دكتوري الزمان داك ما كان قاعد انتظرتو بس اتأخر قمت اتصلت به وهو لانو مهتم بحالتي كان مسيف رقمي رد وجاء اول ما قلت له منتظراك وطوالي دخلني
خير في شنو تاني  : انا حامل 😭😭😭😭😭😭  : ظاهر  : عاوزاك تنزل لي البيبي  : ليه؟
سكت قال لي م اتزوجتي صح؟؟  وحملتي بنفس الطريقه تاني  : لالا انا اتزوجت والله العظيم  : إياد؟؟؟  : ايوا  : طيب ليه عاوزه تنزلي البيبي  : انا م عاوزاه  : بس دا م سبب انا اسف م بعمل حاجات ذي دي اتفضلي خليني اكشف عليك  : الله يخليك خلصني منو انا م عاوزاه  : يا بنت الناس  : انا بترجاك نزلو لي انا ما عاوزاه الحمل دا
قعدت ابكي لمن جسمي هبط وهو احتار في امرو شايف وضعي صعب قال لي خلاص امشي اكشف عليك اول  : لا م تكشف بس اديني اي حبوب ولو محتاجه جراحه برضو اعملا اسي  : بس انا م مستعد اخاطر بحياتك ومهنتي عشان عناد منك  : انا المسؤوله عن البحصل لي ما تخاف  : لا حول ولاقوة  الا بالله طيب امشي ارقدي  هناك خليني اعمل لك موجات نشوف البيبي عمرو كم ووضعو كيف عشان اتخد الاجراء المناسب حسب المعلومات دي  : طيب شكرا
مشيت رقدت ركب لي درب وطلع قال لي في حاجات لازم اجيبا من الصيدليه
اول ما طلع اتصل ب اياد طبعا محتفظ برقمو سلم عليه وقال له انت اتزوجت سمر ولالا  : اتزوجتا  : طيب عارف انو هي حامل؟؟  : ايوا  : وموافق انو تنزل البيبي؟؟  : شنو؟؟ 😳  : جاتني قبل شويه في حاله ما بتتوصف وقالت عاوزه تسقط  : طيب انت عملت شنو  : اسعفتا دي وقوف ما قادرة تقيف اسمع انا حاجات ذي دي مستحيل اعملا تعال سوق مرتك دي ووديها لدكتور نفسي لانها ما طبيعيه
اياد طوالي جاء وانا لمن شفتو انخلعت  ساقني من غير ما يتكلم ركبنا العربيه واتحركنا وقف بينا جنب النيل
انتي يا سمر عاوزه تغلطي وما تتحاسبي يعني؟؟ سكت قال لي عارفه انو الاجهاض دا جريمه عارفه ولالا : انا  : انا ما لي علاقه بالعملتيه انتي حملتي ولازم تجيبي الولد دا وتربيه كمان ذنبو شنو  : يعني انت بتحملني المسؤوليه براي؟؟  : وكان عاوزاني اتحملا لك انا؟ انتي لو اول مره جيتي حكيتي لي كان خلصتك بس لا خليتيه يستغلك وفي النهاية عمل كل العاوزو معاك واسي وينو ولا حتى جاء اطمن عليك بعد انخطفتي بسببو  : امشي حاسبو هو انا اتظلمت وكنت خايفه خايفه اخسرك لو حكيت  : وخسرتيني  : عارفه  : وهو؟؟؟   : انت بتسألني عنو يعني اياد انا ما حبيت امجد انت عارف كدا وحتى هو عارف دا الكان منغص عليه حياتو حتى بعد العملو فيني ما قدر بمتلكني لاني ما مجرد جسد  : هه  : الظاهر انو انت برضو شايفني مجرد جسد اول ما لمسو غيرك خلاص فقد فاعليتو ذي الاكل الملوث  : انتي عندك تفسير تاني يعني : ماشي اعتبر انو ربنا نجاك مني وكمل حياتك مع مرتك وولدك اعتبر اني ابدا ما دخلت بالنص وكل العشناه دا كابوس وانتهى💔 
دمعتي نزلت مسحتا قال لي ما تفتكري انو العملتيه دا ح يخليني انسى انا مافي حاجه بتفرق معاي بعد الحصل اسرتي كلها اتفككت انا بيدي دخلت بابا السجن و.......... : دي كلها اوجاع مصيرك تتعود عليها ما ح تأثر عليك واثقه  : خليني اوصلك
وصلني لحدي الباب وعاوزه انزل مسك يدي عاينت له لقيتو مركز كمان معاي وعيونا اتلاقت قال لي سمر اعتبري انو دا اخر لقاء بيننا ونحن متزوجين انا خرست ساعتا م اتوقعت عقابو يصل لمرحلة الطلاق  قلت له انت قصدك ننفصل  : اعتبري انو نحن كدا  : تمام ح انتظر ورقتي حبست دموعي وهو بعاين بعيد عاوزه اسحبت يدي من تحت يدو ابى يفكا قلت له فك لي يدي  :  اسف  نزلت قال لي تصبحي على خير ابيت ارد له
مشيت غرفتي وقعدت ابكي امي دقت لي الباب م فتحت لها لمن اصرت شديد قلت لها من ورا الباب انا واياد انفصلنا طوالي اتصلت به ما رد لها
انا اكتئبت يومين في الغرفه بعدها طلعت اعمل شنو مجبورة اعيش قلت لابوي اما محتاجاك معاك في البيت اقنعتو يرجع امي عملنا لهم عقد بسيط في البيت وانا انبسطت شديد بالخطوة دي حسيت بالامان وسطهم وهم كانو بهتمو بي شديد ذي الطفله وكل يوم بطني بتكبر منى برضو حامل واياد واقف معاها وبهتم بها عقابا لي
جاني اتصال من محامي شاكر فهمي وقال عاوز يشوفني ضروري لمن استغربت مشيت له في السجن من غير م اكلم زول كان قاعد منتظرني في هيبتو المعتاده وصحتو كويسه كأنو قاعد في فندق خمسه نجوم وكمان قابلني في مكتب وفي غير اوقات الزياره ما كان بعاين لي بقرف وتكبر ذي زمان حتى انو زعل لاننا حانتطلق  لمن شاف بطني قال لي ما شاء الله قربتي ما رديت له قال لي انا ح اختصر عليك عارفك بتكرهيني  : وانت كمان ولا نسيت العملتو فيني  : مشكلتي معاك يا سمر انو ولدي بحبك وهو متزوج بنت اخوي وولد خالتو برضو بحبك دي كلها دوافع للكره دا  : عاوز مني شنو  : اقنعي اياد ما يبيع البيت والشركه ديل اغلى حاجه عندي والتركه الانا عاوز اخلدا خليه يصرف القروش الانا مخبيها له ويسافر اي مكان بعيد من الفصائح  : بس هو م حايقبل ياخد قروش عارفا حرام  : وهو علاقتو شنو مالو اشتغل معانا؟ انا الغلطت وهدا قاعد اتحاسب  : انا متأكده ذي ما شايفاك كدا انو حايرفض وكمان حايزيد زعلو وغضبو منك  : بس دا ما حقو براه حق مرتو منى وولدا وحقك انتي والفي بطنك دا حق جيل كامل ما من حقو يقرر براه  : انت اخترت الشخص الغلط تقول له الكلام دا كان تطلب من بنت اخوك : انا بعرف بعمل في شنو وليه  : اسفه انا ما بقدر اساعدك ومافي حاجه بتربطني اياد لاننا حا نتطلق  : سمعت من المحامي قال كدا : عرفت انك بتتكلم مع الشخص الغلط؟ : مصيرو يرجع لك حتى لو طلقك عديل حايفضل الامل موجود لمن تلدي في الوقت دا الخلاف بنتهي
ابتسمت له بسخريه وقلت له انت م عارف البيننا
طلع ورقه من جيبو ختاها قدامي وقال لي عارف اي شي في فلاشه حايسلموك لها برا وصليها لاياد باليد وممكن تشوفي محتواها لو حابه  : فيها شنو  : حاتعرفي لو عندك الفضول الكافي  : تمام
استأذنتو شلت الرساله وطلعت سلموني الامانه في المواصلات فتحت الرساله لقيتا ياها الكتبتا ل اياد ي الله لقاها كيف امكن هو اتعاطف معاي بعد قراها اول ما وصلت البيت شرطتا وعاوزه اشغل الفلاشه بس ابوي جاء داخل خبيتا
قعد يدردش معاي قلت له ابوي انت بتعرف زول اسمو ادهم؟  : ادهم منو؟  : اعفوا قصدي محمود  : والله بعرف كتار بالاسم دا  : ادين منك قروش
ابوي سرح مسافه وقال لي ايواااااا انتي بتعرفيه من وين؟ دا نفس الراجل الانا اتسجنت بسببو زمان  : والكان خاطفني كان حايقتلني بس لمن عرف انو انا بنتك خلاني وعفا عني قال لي قولي ل ابوك محمود سدد دينو  : والله؟  : ايوا يعني هو شايف انو خلص نفسو من اللوم  : طبعا حياتك ي بنتي اهم من مال الدنيا ومتاعا كل شي بحصل للبني ادم بكون لخير امكن المشكله الحصلت معاي دي دفعت عنك الاذى في لحظاتك الصعبه وبسببا انتي بخير ووسطنا اسي  : صح  : عشان كدا الواحد ما المفروض يجزع من رحمة ربنا واي مشكله تحصل معاه بتكون لخير له لقدام طوالي حضنتو قال لي ما تساهري كتير يلا اطفي النور دا ونومي  : حاضر  : تصبحي على خير  : وانت من اهلو
خليت ابوي طلع قفلت الباب والنور وشغلت التسجيل الكان شاكر حافظو في الفلاشه
<  آلخ ـسـآره هي فقدآن آلمـلج ـآ آلآمـن  تلقي آلعقآبــ مـن آلذآت
آلخ ـسـآره هي آن يصـبــح  مـلآزك آلآمـن آخ ـر مـكآن تلتج ـئ آليه في لح ـظـآت آلضـعف وآلخو ـف   >
يتبع