علاقات مشبوهة

علاقات مشبوهة 40

#علاقات_مشبوهة
#بقلمي   :  #مشاعر_مبعثره
الجزء الثاني
الفصل العاشر  (  الدون جوان  )
الحلقه  (40)
من اليوم دا بيتك وذي م اياد عندو بيتين انتي بقى عندك زيهم يومين معاه ويومين معاي رفعت يدي عشان اضربو مسكا قلت له امجد احترم نفسك احسن لك وما تتجاوز  حدودك معاي  :  ح اتجاوز اكتر من الحدود الحقيني لجوا الغرفه سريع  :  انت غبي😡 سامع نفسك بتقول في شنو  :  كلامي واضح انتي هربتي مني كتير بس خلاص عليك نفذ  :  هههه وجادي متخيل انو انا ممكن اجيك يعني؟  :  ما هو لو ما انتي جيتي انا ال أجي
دخل الغرفه وانا مشيت المطبخ شلت سكين كبيره قلت اهددو بها اول ما دخلت قعدت اتلفت ما شايفاه فجأة  حسيت به وراي شال السكين رماها قال لي انتي يا بنت غبيه؟؟  الشقه دي كلها كاميرات اي حركه تعمليها انا بشوفا
كان في لابتوب  في التربيزه وشكلو براقبني منو قلت له امجد انت عاوز مني شنو انا متزوجه ولد خالتك يعني اخوك  :  نتفاهم بعدين في الموضوع دا ضربني على راسي تاني ما حسيت بشي  لمن وعيت لنفسي كنت في وضع مريب لابسه حاجه كدا ما بعرف كيف وراسي دا تقييل  حسيت بيدين حولي وانا راقده على جنبتي اليمين ونفس حااار في رقبتي ذي دخان التنين وجاني صوتو
صحيتي حبيبتي  اتلفت لقيتو في وشي كانت اكبر صدمه في حياتي قمت مخلوعه رجعني تاني لنفس الوضع قلت له بتعمل في شنو  : ولاشي  : ابعد مني يا تافه قعدت اصارع فيه وهو اقوى مني قعدت اتوسلو
امجد عليك الله ما تعمل فيني كدا انا متزوجه  : وانا؟  انا المفروض اقعد اتفرج عليك مع إياد؟ فاكراني مجرد من الاحساس؟  انتو الاتنين لازم تجربو الاحساس دا عشان تعرفو عملتو فيني شنو قعدت ابكي واحلفو ب اغلى حاجه عندو قال لي ما تحلفيني بغالي انا بابا فقدتو تاني شنو ما تحاولي تقاومي عشان م اضربك قعدت اصرخ واستنجد ب اياد قال لي انتي فاكره اياد دا بطل خارق عشان يجيك دائماً
في لحظة امجد اتحول لواحد تاني مجرد من معاني الانسانيه عمل عملتو وكان مرتاح شديد ومبسوط كأنو ملك الكون وانا اتدمرت قعدت اصرخ فيه
قوم امشي من هنا مش عملت العاوزو خلاص قعدت ابكي وبحاول ابعدو مني لاني حرفيا قرفانه من نفسي لاقصى الحدود اما هو لا كأنو حقق حلم كان متمنيه والعملو دا ما منعو من انو يعبر عن فرحتو كان ذي الطفل الصغير المتمسك بلعبتو اللقاها بعد كانت ضايعه وما عاوز يفكها
انا بحبك والله العظيم بحبك دي الحقيقه الوحيده وسط الاكاذيب الانا عايش فيها دي قولي دونجوان قولي كلب في النهاية بحبك افهميها خلاص ليه م اتوقعتي انو ممكن اعمل كدا عشان احصل عليك ليه ليه لا قلت له بصوت ضعيف انت كتبت نهايتك بالعمله دي اتلفت عليه وعاينت له جوا عيونو قلت له امجد انت انسان اناني شديد لو الحب بالطريقه دي الله يلعنو ما تفتكر انك ملكتني بالعمله دي انا روحي وحياتي كلها مالكه امجد ومهما عملت م حاتحصل على زرة من الحب دا قمت منو ورفعت ملابسي من الارض لبستا وقايمه عاين لي باستنكار ماشه وين  ما اشتغلت به شلت شنطتي وطالعه قام بتثاقل شديد ولحقني في الباب
قلت له امجد ابعد مني م اقتلك
انتي ماشه وين اسي  : وريتك انت م أذيتني بالصورة دي بالعكس نهيت وجودك في حياتنا والعملتو فيني ربنا يحاسبك عليه  قعد يتثائب وقال لي ارجعي مافي طلوع من هنا ما اشتغلت به لزاني لجوا قعدت اصرخ واضربو بقوه وقرف قال لي كفايه خلاص انتي ما بتتعبي من الاول فهمتك يومين معاي ويومين معاه القصه ما يوم واحد وخلاص حاولي افهمي الكلام دا ولو صعب عليك انا بساعدك
طلع تلفونو وفتح لي الاستوديو كان في ملف كامل عباره صور وفيديوهات خليعه بطلتا انا ذات نفسي شكلو صورني لمن كنت نايمه
ساعتا جسمي هبط لمن قربت اقع
انت انت مجنون
ما محتاج اهدد ولا حتى اقول لك الحايحصل فيك لو فتحتي خشمك بكلمه واحده خاصة لزوجك العزيز لانو مسجل اول رقم عندي شوفي
في اللحظه ديك وقعت في الارض مسلوبه من الاراده
امجد انا بتوسلك عديل خليني في حالي لو بتحبني ذي ما بتقول ارحمني  : سمر انتي وقعتي بين يدي خلاص يلا امشي استحمي كدا روقي نفسك ونومي عاوزك ترتاحي خالص يلا حبيبي  : امجد  : يلا انا ماشي انوم ومنتظرك
مشيت اتحممت وانا بعض انيابي من شدة الالم والزل ما عارفه اعمل شنو مع الانسان دا كل م ابني حياتي تمام يظهر هو ويهدما والنهايه شنو طيب طول م هو عايش استحاله انا وامجد نعيش مبسوطين
جاء دق لي الباب لبست وطلعت برا قعدت ابكي للصباح وهو نام مرتاح صحى على راحتو وجاء يتمغى عاوز يصبح علي لفيت وشي منو مد يدو علي مسكتا عضيتا بقوتي كلها لمن اسناني علمت على يدو وجابت دم هو غضب شديد ضربني ورجع كرر العملو معاي تاني عشان يعاقبني به انا جنيت بعدها ما بعرف بعمل في شنو بس بسيئ وبضرب فيه طوالي قام اتصل ب إياد
انت ما جاي ولا شنو  : وييين في بيت الانين معاي مزه  : اصلو ما بتخلي امورك الفارغه دي  : ههههههه انت بتعرفا  : والله؟؟
انا طوالي خطفت منو التلفون قفلتو وقعدت ابكي قال لي مدام بتخافي كدا خليك شاطره واسمعي كلامي عشان م اأذيك  : بس لمتين انا ما بقدر اعيش كدا  : لا ح تقدري ذي ماهو عايش مع مرتين انتي عيشي مع راجلين ولمن اطلبك لازم القاك قدامي دا العقاب البتستحقو واحده رخيصه زيك
صوتي كان هزيل شديد وتعبت من الرجاء والاستعطاف الحاجات دي ما عندو دا م انسان كامل قال لي يلا امشي خلاص
مشيت شلت شنطتي وطلعت وصلت  البيت كيف ما عارفه فكرت في الانتحار بس لحظتا بس اياد جاء حاولت اتماسك قدامو واتعاملت معاه عادي بس ما قدرت اخليه يلمسني ولابسه جلباب طويل عشان في اثار واضحه هو زاتو استغرب من نفوري دا فجاة حسيت اني نجسه وكل مره بحاول احكي له اخاف يطلقني ويتخلى عني اصلا حياتنا واقفه على شعرة رفيعه وفي منى في النص واهلو حتى لو هو غفر لي هم م حايسمحو له يكون معاي بعد العملو امجد فيني وهو ما سالني حاولت اتنافق واكون طبيعيه معاه بس طبعا ظاهر عدو اليومين وكنت في الشغل امجد رسل لي امشي الشقه عاوزك اليوم اتجاهلتو قام رسل لي صورة من المصورهم لي مشيت له في مكتبو
امجد انا ما بقدر انت ما بتفهم ياخ قعدت ابكي بس دموعي ما شفعت لي قال لي انا عارف انو اياد مع منى يعني الليله يومي
اياد جانا داخل المكتب وانا قلعت عيوني ذي العامله عمله قال لي لو خلصتي يلا اوصلك امجد قال له عندها شغل
امجد الزمن اتاخر  : الشغل شغل وانت ادرى مافي اي استثناء  : اوك
جاء همس لي كنت ناوي اخطفك مشوار بس ما مشكله خليها لبعد بكره باسني في خدي قدام امجد وطلع امجد من الغضب كسر القلم الكان شايلو في يدو قال لي شايفه اهي دي الحركات البتخلي الواحد يكرهكم ويعاقبكم هو بتعمد يغيظني بك عشان كدا ما ندمان على اي حاجه عملتا فيكم  : انت بتقول في شنو  : ذي ما وريتك امشي الشقه سريع والا حاتلقي صورك منشورة في كل المواقع
مشيت البيت مكسورة ومجبورة ارضخ له لكن بعد لبست ونويت امشي اتزكرت اياد وامي وابوي انا حاليا مصنفه مرا خاينه والمفروض اتكلم حتى لو ح اخسر اياد حتى لو حانفضح قررت م امشي له وقفلت تلفوني هو يتصل ساااي بعد ساعات الباب دق عرفتو اياد جريت فتحت له وحضنتو المكان كان مظلم ودي فرصه عشان احكي له بشجاعه لاني ما بقدر اعترف وانا بعاين له في عيونو قلت له اياد انا ما بقدر اخبي اكتر من كدا امجد اغتصبني وصورني فيديو هو حاليا بهددني به قال ح يفضحني لو اتكلمت او رفضت انصاع له قعد يضحك باستفزاز
بالجد؟ يعني انتي عندك نيه تحكي له صح؟ انا انصدمت شديد وبعدت عنو ولعت النور لقيتو امجد قال لي شكلك محتاجه تتربي قفل الباب ودخل ضربني واغتصبني للمره الثالثه قال لي لو فكرتي بس يا سمر تحكي له حاانفذ كلامي وما بكتفي بالتهديد انتي عارفه عمو شاكر ممكن يعمل فيك شنو  قولي الغبي دا سامحك عديل وعزرك عمو شاكر الانا بعرفو دا بحرقك انتي واهلك كلهم وبكرا بزكرك طلع خلاني في الارض انا خلاص ايقنت اني انتهيت  ومشكلتي المرة دي ما عندها حل كتبت رساله ورقيه لاياد اعتزرت منو فيها وحكيت له كل الحصل بتفاصيلو ختيتا في جيب واحده من بدلو المعلقه في الدولاب بعداك طلعت الشارع ماشه في نص الظلط واصلا مقررة الانتحار سمعت صوت العربات بتزمر والبشاكلو فيني لحدي ما صدمتني عربيه مسرعه والسواق نزل رفعني ووداني المستشفى وما عارفين عني شي لاتلفون ولا بطاقه ولا اي شي يثبت شخصيتي بس صادف انو واحده من الممرضات كانت من متابعيني في الميديا صورتني ورفعت بوست بالحصل معاي غلا شافتهم واتصلت ب اياد جاني بسرعه وشويه شويه الناس كلها عرفت وجو انا من فتحت لقيتهم معاي ما كان نفسي ارجع اعيش الشي الفات دا تاني قعدت ابكي لمن نمت واياد حالف يسجن بتاع العربيه المسكين يحلف انو انا ظهرت قدامو فجأة انا قلت لهم ما يعملو له حاجه وفهمتهم انو انا ما كنت منتبهة 
كدا تخوفيني عليك يا سمر وبعدين الطلعك شنو في الزمن دا
قعدت ابكي قال لي سمر مالك حبيبتي  : طلقني طلقني انا ما قادرة اتحمل😭😭😭  : بسم آلَلَهّ انا عملت شنو  : ما بقدر اتحمل العيشه معاك طلقني وخلاص
هو احتار طبعا افتكر انو منى عملت او قالت لي حاجه شاكلا وزعلا بدون ما تفهم شي انا ما لقيت طريقه تانيه غير الطلاق لاني بالجد ما بقدر اتحمل اكون معاه بعد العملو فيني امجد دا وبعين قويه جاي يكفر لي طردتو قال لي الحصل دا ما بغير شي بعد تتعافي نرجع لبرنامجنا البديناه سوا  : انت ما عندك احساس صح انا ما عملت حادث دا كان انتحار عاوزه اتخلص منك بس حتى في دي فشلت : ولا حاتقدري تتخلصي من وجودي قرب مني ببجاحه شديده
انا بعد خلاص جربت الاحساس دا معاك م حاتخلى عنو الا بطلوع روحي
😭😭😭 انا ح اتطلق من اياد وبعدها يحصل البحصل المهم اعيش دور المرا الخاينه خاصة مع اياد  : فاكراني ح اوقف للسبب دا او امنعك اعملي العاوزاه المهم انو اليومين حقاتي ثابتات انتي قومي لي بالسلامه بس لاني اشتقت لك شديد  :  واحد دون جوان زيك حايستمر معاي لحدي متين مثلا مصيري ح اتخلص منك
قعد يضحك بدون م يتأثر وطلع خلاني ببكي على حالتي  اياد جاء داخل حضني
حبييتي انتي فيك شنو انا حاسي انك بتعاني احكي لي  : مافي شي بس...........  : اياك تقولي لي طلقني لانو مستحيل  : انت ما بتحبني اتزوجتني عشان تسترني بس قلبك عند منى بتحبها اكتر مني  : سمر معقول انا تقولي لي كدا انا لو كنت بحب منى مره ف انتي بحبك الف مره انتي حياتي يا بنت افهميها اطلقتك دي معناها اموت  : ربنا يطول لي عمرك  : معناها انتي بطلي تطلبي الطلاق وتزعليني منك شوفي نحن يداب في البدايه عندنا حياة طويله نعيشا

______
بعد خرجوني ورجعت البيت قررت انزل شغل على طول عشان امجد ما يستغل الفرص ويجيني وانا براي المشكله انو اياد بقى حاسي انو في شي غلط وكل ما يقرب مني اصدو وهو يحنس فيني ويحاول بدون فايده انا استحاله اسمح طبعا مرة زهج مني وقعد يشاكل بدون فايده اما امجد مبسوط من البحصل دا
شايفك اتحسنتي اشتقت لك خلينا نتلاقى  : معاي اياد  : الليله يومو يعني اتصرفي خليه يمشي لمرتو  : لا  : معناها انا ح القى طريقه ابعدو وانتي اسبقيني على الشقه  : قلت لك لا يعني لا ما تحلم انك تلمسني تاني فاهم ولالا؟  : سمر ما تتحديني  : اعلى مافي خيلك اركبو
كنسلتو وهو يتصل ويرسل رسائل تهديد ولا عبرتو لمن اليوم انتهى ورجعنا انا واياد هو التاني صديتو تاني يوم مشيت الشركه عادي وامجد يهدد فيني خايفه بس بتماسك قدامو عد اليوم ورجعت البيت لقيت امجد قاعد قطعت فيه من غير م اقول شي
سمر انتي بتتهربي مني ليه  : ما قاعده اتهرب  : ودا اسمو شنو
سكت جاء حضني بعدتو وقلت له انا مرهقه  : عزر مقبول والله  : اياد انا ما عاوزه غصب هو يعني و ولا فرض علي كل ما تجي  : ايوا فرض يا سمر اخر مره كنا فيها مع بعض متين انتي متزكره؟؟  انتي شايفه الشي دا طبيعي؟؟ وما تقولي لي عشان الحادث من قبليه انتي تصرفاتك غريبه معاي بطلتي تحبيني يعني؟  : لا طبعا ب.......  : طيب ليه بتعملي كدا انا زوجك وما من حقك تحرميني كدا  : تمام بس م اسي لاني مرهقه  : خير حبيبتي امشي ارتاحي
مشيت نمت وصحيت لقيتو قاعد في الكنبه بحضر في فيلم لمن قربت منو شفت عيونو مغمضه مديت يدي عشان اشيل الريمود مسكا قال لي وهو مغمض
صحيتي حبيبتي؟  حاولت اجر يدي فتح عيونو قال لي مالك  : مافي شي فك يدي  : على اساس انا واحد غريب بتحرش بك  : لا ما كدا بس.......
جراني في حضنو قال لي قلتي تعبانه خليتك نمتي وارتحتي  : انا ما عاوزه افهمني  : ليه السبب شنو  : كدا بس فكني  : لا ما بخليك الا تديني سبب مقنع....  : ولو م اديتك
طوالي باسني
حبيبتي انتي مالك اتغيرتي كدا ما بتحبيني يعني  : اكيد بحبك  : معناها بطلي العناد دا
حاولت اقاومو وابعدو بس ما قدرت دموعي جرت وحسيت بخزي شي بعد الحصل دا وزعلانه من نفسي شديد بس ما بتقارن بالزعل والاحباط الحس به هو

زعلانه عشان اديتي راجلك حقو يعني؟  : لانك غصبتني  : انتي بالجد ما معقوله انا زوجك يعني دا من حقي ما حرام وح افضل اعمل كدا طول م انتي رافضه او تقنعيني برفضك لي
دخلت الغرفه خليتو وقعدت ابكي اما هو رغم الالم النفسي السببتو له جاء اعتزر وقعد يحنسني
البعملو معاي دا اكتر حاجه مؤلماني وانا ما قادرة احكي له
تاني يوم في الشغل امجد قال لي كنتي معاه صح؟؟ انخلعت شديد ونططت عيوني 😳 كانو بتجسس علي سكت منو قال لي الليله وفي نفس الوقت لو ما جبتي ما تلومي الا نفسك  : اعلى مافي خيلك اركبو
طلع وانا قاعده ولا على بالي جاتني هاله  سمر سمر الحقي الجديد  : شنو  : الظاهر انو صفحة مستر اياد اتهكرت ناشر صور كدا خليعه وقال في فيديو ح يرسلو بعد شويه 
انا جاني انهيار اثناء م بسألا ص صور شنو  : صور بنت طبعا يخسي لو شفتيها
انا طبعا خلاص عرفت انو نزل صوري ما قدرت اتحمل حسيت بهبوط حاد في جسمي واطرافي بردت ووقعت على طول
هاله قعدت تصرخ وكلمت اياد جاء اخدني المستشفى
الف مبروك المدام حامل 😊
يتبع