علاقات مشبوهة

علاقات مشبوهة 10

#علاقات_مشبوهة
#بقلمي  : #مشاعر_مبعثره
الجزء الأول
الفصل الثالث (الوجه الأخر)
الحلقه (10)
طوالي سحبت يدي مد الكبايه وقال لي عليك الله ضوقي القهوه دي بتنشرب لك؟  : مافي داعي  : لالا ضوقيها ضقتها كانت مره ومليانه جنزبيل وسكر قلت له ما بتنزل من الحلق  : وانا بقول في شنو يا بنت الناس ما ترحميني عليك الله ما تخليها تعمل قهوه تاني  : حاضر  : فطرتي ولا لسه  : لسه  : يلا بسرعه عشان ما تتاخري
نهاية اليوم تاني صادفتو برا طبعا ريم بتطلع في عربيه مخصصه مع مجموعه من الموظفين  من طلعنا كدا ركبت فيها واتحركو هو لمن شافني قال لي الليله مافي اعزار اركبي سااي ماشي اكلك يعني؟  : ما ظريفه اركب معاك الناس كلامهم كتير  : اصلا الناس بتتكلم اركبي ما تتأخري على أهلك ركبت جنب السواق واتحرك قال لي ساكنه وين انتي؟ : الصحافه : معناها حاننزلك اول : شكرا لك : انتي خايفه اهلك يشوفوك نازله من العربيه صاح؟؟ : لا ما كدا : ما تخجلي عارف حركات الأهل انا : انا ساكنه براي عاين لي مسافه طويله وهو مستغرب براك؟؟ : ايوا : يعني حاجه غريبه بنت صغيره زيك عايشه براها اهلك وين  : امي وابوي منفصلين ابوي سافر السعوديه وامي اتزوجت ورحلت مع راجلا : ما عندك اخوان؟ : عندي اتنين اكبر مني ولد وبنت الولد في فرنسا عاين لي قلت له سافر بالسمبك  : ههههه عادي  : وعندي اخت اتزوجت وسافرت مع زوجها  : بس ليه يخلوك براك في الزمن الصعب دا امك ليه ما ساقتك معاها ولا جات سكنت معاك : زوجها ارمل وعندو اطفال وانا بصراحه ما بقدر اعيش معاهم وهو مستحيل يجيب اولادو ويجي يعيش معانا  : دي اغرب قصه اسمعا  : هههههه حياتي عباره عن روايه طويله لسه دا بارت واحد فيها  : اكيد حايكون عندي زمن عشان اسمعا
نسيت نفسي مع الونسه لمن الشوفير وقف وقال لي اتفضلي شكرتهم ونزلت ركبت ركشه للبيت كنت مبسوطه شديد وحسيت انو إياد دا بالجد انسان طيب وقريب للقلب الوحيد الاتكلمت معاه عن حياتي بصراحه وبدون ما ازيفا واجملا حتى صحباتي في الجامعه ما عارفين التفاصيل دي بس هو حكيت له لاني ما شفت فيه الانسان البستهتر بي ولا يقلل مني بسبب وضعي ومستمع ممتاز ذي الدكتور النفسي زمان امجد ما كان بحب يعرف حاجه عن حياتي وبعتبر ونستي نكد اول ما أفتح سيره بختصرني ويقفلا دائما كان في حواجز بيننا اما إياد دا علاقتي به اتطورت بسرعه مخيفه وبقيت حاسه بمشاعر تجاهه بس بحاول اقاوما لاني ما مستعده ادخل في علاقه جديده خاصة في حاله ذي دي إياد ود خالة امجد وهو ما عارف اي حاجه عن علاقتنا والحصل بينا زمان غير كدا إياد نفسه ما الراجل البعاين لواحده زيي مهما كنت حلوه ما بملى عينو مني عشان كدا لازم اضبط نفسي وما اتهور وانجرف ورا المشاعر دي لازم اعتبر كل البحصل بيننا دا عادي
تاني يوم مشيت بدري كالعاده لقيت واحد في باب المكتب قلت له اتفضل يا اخ عاوز منو  : إياد ما جاء؟  : لا لسه ممكن اخدمك في حاجه  : لالا عاوزو هو انا قريبو اتصلت به قال لي انتظرني في المكتب  : هو ما موحود حاليا لو سمحت انتظرو هنا اسي بجي الراجل جاء وبقى يتحاوم قدامي وانا شغاله ريم اتاخرت على غير العاده قال لي ناسكم ديل دائماً بتأخرو كدا؟  : لا تحب تشرب حاجه؟؟  : شاي  : تمام اتفضل اقعد وانا بعملو لك دخلت اعملو له قام جاء وراي قلت له امشي اقعد برا ولا كأني بتكلم معاه قال لي بتعمليه بنفسك  : يا اخو لو سمحت  : خلاص طالع مشى برا اتلفت وجاني راجع فجاءة وقف وراي عاوزه اتكلم معاه قرب اكتر وعاوز يقفل لي خشمي طوالي دفرتو وقمت طالعه شايله نفسي لقيت إياد جاء وواقف برا وداك جاء طالع وراي فاكي زرار قميصو لاخر واحده وقاعد يقغل فيهم قدام إياد أياد قال له انت منو وبتعمل في شنو هنا انا عاوزه اتكلم الراجل قال لي الظاهر اني جيت في زمن ما مناسب خلاص نتلاقى في البيت ومشى وانا بنادي فيه ريم لاقتني لاحقاه قالت لي دا منو كمان قلت لها ما بعرف وبقول كلام غريب  : عملتي معاه شنو يا بنت : انا ما عملت حاجه هو قال لي انو قريب مستر إياد وبعد....... إياد جاء قال لي ما تعلي صوتك قدام الموظفين ولا حقاه كمان يلا اتحركي ما يتجمهرو فينا ومشى قدامي ريم قالت لي عملتي شنو يا مغضوبه  : انا ما عملت حاجه والله العظيم حكيت لها الحصل قالت لي يا مجنونه في الشركه كمان الليله سجمك اعتبري انو دا أخر يوم لك مستر أياد اكيد ما حايصدق تبريرك السخيف دا مشت عملت له قهوه وودتا له قال لها نادي لي سمر سريع جات قالت لي منتظرك في المكتب يلا جهزي لك كذبه تانيه دي ما بتتصدق  : انا ما عملت حاجه والله العظيم دا الحصل هو طوالي ناداني من جوا المكتب قمت جاريه عليه دخلت وقفلت الباب قال لي انتي دا شنو العملتيه دا كيف تجيبي اشكال ذي دي للشركه والمكتب كمان  قلت له والله العظيم ما جبتو ولا بعرفو حكيت له برضو ما صدقني قال لي انتي موقفك حساس في الشركه دي وغلطه ذي دي بتفصلك طوالي  : انا ما عملت حاجه والله العظيم انا ما كدا  : انا ما بهمني اعملي اي حاجه ما بسألك بس برا الشركه لو سمحتي  : يعني انت خلاص صدقت القالو امجد عني؟  : مستر امجد واي حاجه خاصه في حياتك ما بتهمني ذي ما قلت لك الحركه دي لو اتكررت تاني امشي من دون ما تسألي مفهوم؟؟ سكت قال لي يلا امشي اعملي لي قهوه قمت ماشه قال لي شيلي دي معاك  شلتا وطلعت مزلوله ريم تعاين لي وتضحك قدر ما سألتني ما رديت لها مشيت اعمل القهوه قالت لي ما طردك يعني؟؟ مارديت لها اضافت انا عملت له القهوه من قبيل عملتا وختيتا قداما ومشيت قعدتا وهي ما فاهمه شي قام اتصل وقال لها وين القهوه  : القهوه انا عملت لك اس.......  : قلت لسمر تعمل غيرا ما عملتا يعني  : عملتا  : طيب منتظره بها شنو طوالي شالتا وودتا له تاني اتصل قال بردت يسخنوها له انا من زعلي قربت اضرب التلفون بالحيطه وقعدت ابكي عديل قالت لي اعملي القهوه دي بسرعه لانو بالجد زعلتيه اليوم مشيت عملتا وختيتا لها ودتا  بعد شرب مشت تجيب الكبايه سمعت صوت حاجه وقعت ما عارفه هي الرمتا ولا هو المهم قالت لي امشي لمي القزاز انا مشغوله مشيت لميتو وهو شغال شغلو ما رفع عينو علي اصلا وانا بعاين له بغضب لمن جرحت نفسي حتى انتبهت كملت شغل وطلعت برا قاعده مغيوظه جاء امجد شافني قال لي يدك بتنزف  : ما بخصك خليني في حالي  : هه ما قلتي بتتحملي؟ انتي فاكره التعامل مع إياد بالبساطه دي؟ دا عندو وشين ما يغرك الهدؤ بتاعو دا في اي لحظه ممكن يتحول لراجل تاني ما بتعرفيه  : امشي مني؟  : والله ما كنت عارف انو الشركه حقت ابوك الفاتح اطرديني منها عاوزه ارد له تاني اتراجعت ومشيت منو اثناء ما انا قاعده في المكتب اتزكرت كلام ريم الصباح  قالت لي عملتي معاه شنو قبل حتى ما تعرف الحصل  شكيت انو تكون مدبره لي القصه دي عاينت لها بزعل قالت لي مالك بتعايني اشتغلي شغلك ولو ما عاحبك الباب فاتح قدامك سكت منها
إياد فقد ثقتو فيني وشكلو خلاص صدق كلام امجد بقى يعاملني ببرود وريم كل يوم تطلع لي بقصه عاوزه تطفشني  لحدي ما يوم إياد فقد ورق مهم وقروش قوم الدنيا على راسنا وشاكي فيني عديل وانا اصلي ما اتكلمت قلت الا يوجه لي اصابع الاتهام لانو قلبي ملان منو وعندي كلام كتير عاوزه اسمعو له هو جمعنا كلنا وقال حاأديكم مهله ساعه الاخد الحاجات دي يرجعا بهدؤ قبل ما انا اعرفو لانو حاتصرف معاه بطريقه ما تعجبو  ريم طوالي جاتو قالت له دي سمر الاخدتهم انا شفتا بعيوني بس انتظرت قلت اشوفا بتتكلم ولالا : متأكده انها سمر؟  : ايوا
مشت جابت شنطتي فضتا ووقعو منها انا قلعت عيوني امجد كان واقف برضو وجمال الاتنين عاينو لي والناس دي كلها طبعا مستغربه فيني انفضحت  عديل قلت له انا ما سرقت حاجه والله العظيم ما عارفه دخلو شنطتي كيف  : مشو برجولهم يعني؟ انتي اصلا اول واحده قاعده تجي المكتب ومافي غيرنا الاتنين بندخل مكتبو  : والله العظيم انا ما عملت كدا اكيد في زول دخلهم شنطتي عشان يوقعني إياد طوالي قال للموظفين يمشو على اشغالهم امجد قال له اكيد ما حاتخلي لينا واحده حراميه في الشركه كل الموظفين ديل ثقه من سنوات ما حصلت سرقه في الشركه دي إياد قال لي تعالي لميت حاجاتي ومشيت له قال لي شايفك جاهزه للمشي  : نسيت القلتو لي لو حصل منك حاجه امشي من غير ما تسالي  : طيب ما حاتبرري؟  : مهما حلفت لك ما حاتصدق كالعاده اقول شنو يعني غير بربنا في حلفان؟ : انا وثقت فيك شديد يا سمر وكنت معجب بشغلك بس اخر فتره تصرفاتك ما مقبوله نهائي القروش ما مشكله بس الورق دا ليه ليه  : انا لو عندي قدره لحاجات ذي دي ما كان قبلت الاهانه لنفسي الفتره دي كلها من الاول انا قلت لك مدام امجد....عفوا مستر امجد مدام ما عاوزني ما حايخليني اكسب رزق في الشركه دي ياريت لو خليتني امشي من البدايه وقمت ماشه قال لي استني اصلا في كاميرات مراقبه  : بالجد؟ معناها عارف اني بريئه : انا لسه ما شفتها حبيت اختبر الموظفين ومصداقيتهم تعالي نشوف التسجيل مع بعض  : لا انا واثقه من نفسي وما محتاجه دليل براءة دا انت المحتاجو قال لي شاكه في زول؟  : حاتعرف بنفسك ليه بتسأل اول ما خت الابتوب قدامو انا مشيت ولا قعدت  اصلا عشان اشوف ردة فعلو كانت ريم طبعا وهو لمن شافا ناداها زلاها في البدايه نكرت بس وراها التسجيل قعدت  تبكي قال لها معناها موضوع  الراجل دا انتي برضو المدبراه لها  :  ما انا والله  : ما تكذبي انا ممكن  اسجنك على فكره بالسرقه دي احسن تقولي الحقيقه  : انا خفت تاخد مكاني عشان كدا كنت بمنعا تدخل مكتبك او تتقرب منك قعدت افكر في خطه عشان اتخلص منها قام جاني مستر امجد وعرض علي المساعدة  ما عارفه هو هدفو شنو بس هو الجاب الراجل داك وهو الخلاني اقول لك انو سمر كانت معاه يوم نسيت تلفونك ولاقيتا  حتى الخطه دي دبرا هو انا نفذت بس  : امجد؟  : والله العظيم دا هو  : يعني هي ما كانت معاه  : لا انا شفت حاجه اصلا ما كنت قاعده هي القالت لي تاني يوم انو كان قاعد لزمن متأخر ما وضحت بس انا عرفت انو كانت معاه بنت  : عندك دليل على كلامك دا  : لا  : طيب انا اصدقك كيف شغلك انتهى هنا يا ريم تستلمي تعويضك وتمشي تاني تعتبي الشركه دي لو ما عاوزاني اسجنك قدر ما حاولت تحنسو ما اداها فرصه كلمتو واحده وما بتراجع لاي سبب
اول ما مشت جاء سأل مني هاله قالت له اسي قبل شويه قدمتا : طلعت يعني؟ : لحدي ما انا جيت منها الحافله ما اتحركت انا طبعا مشيت زعلانه وخلاص الشركه كلها طارت لي من راسي جاني اتصال من رقم غريب رديت
الو  : سمر الفاتح؟  : ايوا  : انا إياد سكت منو قال لي سألت عنك قالو طلعتي شلت رقمك من هاله  : اتفضل : ليه مشيتي قبل نتكلم  : مافي حاجه نتكلم فيها  : لو سمحتي ما تتسرعي العربيه الانتي فيها اتحركت ولا لسه  : انا مشيت  : لو سمحتي انزلي انا جاي عليك خلينا نتفاهم  : بس انا ما عاوزه اتفاهم معاك على حاجه كل شي اتوضح
هو طوالي ساق عربيتو وطلع لقى الحافله يداب متحركه لحقا ووقفا الناس كلها مستغربه طلع فيها وقال لهم بفتش في واحده اسمها سمر راكبه هنا انا لمن شفتو انخلعت عديل والناس كلها تتلفت
يتبع