علاقات مشبوهة

علاقات مشبوهة 36

#علاقات_مشبوهة
#بقلمي  :  #مشاعر_مبعثره
الجزء الثاني
الفصل التاسع  ( رجل وامرأتان)
الحلقه  ( 36)

صحيت بصوت تلفوني كانت علياء قالت لي سمر انتو ما حايين ولا شنو  : بنجي  : طيب سريع عشان ابوي عاوز يضبح لكم هو طوالي شال مني التلفون وقال لها بنجيكم بكرا ان شآءالله انا يداب جاي من الشركه وتعبان شويه
بعد قفلنا منها قلت له ما كان تتكلم معاها اسي بقولو ما عاوزين نجي  : سمر نحن عندنا خصوصيه المفروض الناس تحترما صح ولالا؟؟  نحن عرسان والطبيعي نكون جنب بعض اليوم كلو دي فترة حا تعدي تاني نفتشا ما نلقاها اما الزيارات دي مفتوحه  : بس
ما تقولي بس يلا مش قلتي نتعشى برا  : حاضر  : اوعا تلبسي لي ذي الكنتي بتلبسيهم زمان ديلك وم اشوف شعرا من راسك طالعه برا ولا مكياج ملفت  : البس نقاب؟؟  : جادي معاك ما تهظري  : بس انا عروس  : عروس لي انا ما للناس يعني في حاجات ممنوع غيري يشوفا فهمتي؟؟  : فهمت
لبست لي فستان طويل وطرحه واتمكيجت مكياج فاتح وهادى بعداك طلعنا بس ظاااهر من بعيد اني عروس اللون فاااتح والحنه الطالعه دي والنوره كل الانظار موجهة علي قال لي يا بنت انا اخبيك وين ولا اعمل شنو مع عيون الناس المتابعاك دي  : مالك اسي  : كل الناس بعاينو لك وانا ما بتحمل والله خاصة الرجال ديل تقول ما شايفني معاك  : ما تشتغل بهم عشان عروس  : اعمل شنو متزوج لي مرا لو لبست نقاب بتلفت الانظار نفسي اعرف السر شنو جايبه الجاذبيه دي من وين انتي  : انت البتبالغ هدا في بنات كتار احلى مني  : بس مافيهم واحده بتجذب العين غيرك  : ما تخليني اتكلم عن نظرات البنات لك انت ادرى  : غرتي ولا شنو😏  : فاكر انو انت الوحيد البغير اسي انا بخاف لمن تكون في الشركه  : ليه؟؟  : 😅😅😅 انت عارف من اول يوم دخلت فيه الشركه لقيت البنات بعملو صف في الريسيبشن زمن جيتك عشان يشوفوك وانت داخل وانا كنت منهم  : 😅😅😅 انتي طلعتي صياده شاطره
منى طبعا ما كانت عارفه انو نحن رجعنا ونزلنا في بيتا كمان وكانت محاولات اقناعا لسه مستمره عشان ترجع بيتا شاكر قرر من نفسو يجيبا وامها جهزت لها امورا هي ولدا نحن مشينا بيت اهلي عملو لينا كرامه واياد مستعجل كالعاده مع اننا جينا متأخرين ما خلانا نكمل 3 ساعات امي بسرعه جهزت لي باقي ارياحي والحاجات التانيه اول ما رجعت البيت اتدخنت وجهزت لإياد برنامج ودلكه وبخور وعطور وكدا لبست فستان حلو وقعدت هو طبعا مشى الشغل انتظرتو جاء مرهق شديد حضرت له الحمام وحميتو بنفسي بعداك حضرت لك العشاء بتحليتو وعصيرو وعملت له مساج هو طبعا جن جنونو وانبسط لاقصى حد ونام مرتاح صحى من النوم نشيط
متمني افضل معاك في البيت كدا وما اطلع نهائي  : وان كمان ما عاوزاك تبعد عني لحظه

__نشوف الحاصل عند امجد
هند بقت تسأل على امجد الاختفى فجاة وما عارفه تصل له سألت عنو نانسي وفي نص الفوضى الحاصله في حياتا دي لقت نفسا حامل اترجت نانسي عديل عشان توصلا له ونانسي حكت لامجد قال لها اعمل لها شنو يعني  : انا اقول لها شنو اسي  : قولي لها تتصرف عاوزه تنزليه نزليه عاوزه تكلمي ابوك انتي حره  : الافضل تنزلو  : حتى لو نزلتو ابوها لازم يعرف انو مني مفهوم  : مفهوم
امجد كان عاوز يوجع ادهم في اقرب الناس له ذي ما هو قتل له ابوه اللهو اقرب واحد له
اما هي خلاص ضاقت بها بس تتصل وماعطه نانسي نهار وليل
_______
سمر  انتي وين  : في البيت  : انا في البيت وما شايفك  : قصدي بيت اهلي اشتقت لهم وانا قاعده براي في البيت  : بس ما وريتيني  : رسلت لك في الواتساب ما حبيت ازعجك انت جيت بدري ما من عوايدك  : لقيت نفسي مشتاق لك واتوقعت انك تجي تستقبليني من الباب  : خلاص انا جايه  : لا خليك راجع  : ليه حبيبي انا اسفه ما ترجع هدي جايه
طوالي قمت في ساعتي وامي تسأل فيني
ماشه وين يا بنت لسه قهوتك ما شربتيها  : لازم ارجع إياد مشى البيت  : ويعني شنو اقعدي  : لالا بزعل بجيكم مره تانيه يلا مع السلامه  : والله دي حاله صعبه البنت من اتزوجت بقت مغتربه عديل معظمه الراجل دا كدا التقول والدا  هو😩  : خليها تمشي خلاص عندا ضرا ما تنسي ولازم تهتم براجلا عشان يميل لها  : والله بكرا مرتو ترجع تعمل لها نفسيات وهي اتعلقت به اكتر من اللازم  : ربنا يهدي سرها
انا ركبت ترحال وبسرعه مشيت البيت لقيت إياد نام قفلت له الشباك والنور وطلعت قعدت اطبخ واستحميت وغيرت قعدت احضر فيلم جاء وقف ورا الكنبه باس راسي ابتسمت له
صحيت حبيبي  : وانتي متين جيتي وليه ما صحيتيني  : ما حبيت ازعجك وانت غرقان في النوم  : مرهق من الشغل  : طيب اعمل دوش وتعال نتغدا  : ماشي
انا مشيت سخنت الاكل وجهزتو في الصفره مسافة يستحمى ويصلي بعداك قعدنا اكلنا
ماشي وين  : طولت من السباحه تجي معاي؟؟  : انا نفسي اتعلما كمان
حدر لي وقال لي كان عندك معلم شاطر
إيااااااااااد🙈  : انتي ما عارفه غظتيني كيف يوما نزلتي معاه المويه بدون خجل انا قربت اموتكم  : حسيت عليك اصلا دا الكنت عاوزاه  : لئيمه تعالي اعلمك انا  : ماشي يلا  : ما عندك مايو صح؟؟  : القاه وين  : جبت لك في الشنطه كم واحد  : بالجد؟؟
مشيت فتحتا ما لقيت قال لي ما دي يا بنت الاشتريناهم في شهر العسل في شنط انتي ما فتحتيها لسه
جاب لي شنطة صغيره كدا فتحا فيها اشكال والوان اخترت منهم ومشينا نزلنا في المسبح وهو كل شويه يغطسني جوا المويه ويقول لي احبسي نفسك لمن اتضايق حتى يطلعني غضبني غضب ونلعب بالمويه ومشغلين اغاني جو ظابط شديد
خلينا نطلع بعد دا لا مافي طلعه لسه يادوب لازم تتعلمي اليوم  : إيااااااد
اخدني في حضنو وبقى ينزل لي شعري منظر المويه على جسمو كان مغري شديد🙈 وما كنت عارفه انو حاسي بنفس الشي قال لي طالعه حلوة شديد وانتي مبلوله كدا
طبعا شاكر جاء من السفر بدون بدون ما يكلم زول واول حاجه عملا انو مشى لمنى عشان يرجعا بيتا ساقا هي وامها وحتى ابوها ومناسك جو البيت عديل هو ما كان عارف انو انا قاعدة معاه في البيت جو داخلين كلهم مع بعض كدا هبه شايله البيبي ومنى وراهم كانت سامعه صوت الاغاني بعيد قالت لهم انا ماشه الحديقه  : بس يا بنتي
شاكر قال لها خليها يا هبه انا بخلي إياد ينزل لها ويقعدو مع بعض يتفاهمو ويتصالحو : تمام احسن برضو
دخلو هم ومنى متابعه صوت الاغاني كل مره بقرب لحدي ما وصلا لحدي المسبح كانت سامعه كلام الحب والغزل بصوت هامس وشافتنا في حضن بعض جوا المسبح قعدت تصرخ  الجماعه كلهم جو جارين في اقل من ثانيه ونحن انخلعنا شديد
منى؟؟؟ انتي الجابك شنو  : انا الجابني شنو لبيتي؟؟ ولا البنت المطلوقه المعاك دي؟  دا اخر م اتوصلتو له من عدم الحياء
قعدت تشاكل وعاوزه تهجم علي جوا المسبح قام طلع لها
اهدي خلاص انتي جنيتي ولا شنو  : بتدافع عن البنت التافهة دي  : احترمي نفسك لمن تتكلمي عن زوجتي انتي فاهمه ولالا؟
مالكم يا جماعه الحاصل شنو
طبعا ديل الجماعه جو شافونا وابوه نزل فينا شتايم ومنى وقعت في حضن امها تبكي
انت جايب المرا دي لبيتي ليه؟ انا ما قلت تاني ما تعتبو؟؟
انا كنت زعلانه وقلبي محروق عاوزه امشي عشان م اسمع بس ما قادره اصلا ما ساتراني الا المويه والشي دا زعل إياد اكتر قال لهم انتو ما بتخجلو ياخ امشو من هنا بسرعه  : انت بتتكلم عن الخجل؟  : ايوا بتكلم يا بابا ياخ دي مرت ولدك احترمو انها مرا على الاقل قاعدين كدا في قداما وهي ما قادرة تستر عورتا قدامكم ياخ امشو يلا ما عاوز اشوف اي شيطان هنا
كانت عيونو حمرااااء عاوزه تولع نار هم حسو على نفسهم ومشو جوا مناسك الوحيده المشت جابت لي حاجه البسا بعد ما كان إياد واقف قدامي ومخبيني بجسمو كنت سامعه اصواتهم عاليه وابوه بقول تطلع اسي من بيتي م اشوفا فيه ست البيت جات تاني ما عاوزين اي بنات شوارع
انا لبست وطلعت برا على طول اياد قال لي انتظريني في العربيه ودخل لهم ماشي يلبس وهم مواصلين شتايم
اي دا ما عدم الاحترام قاعدين بلبسكم دا في نص البيت  بيت بنتي خلاص بقى دعاره دا العاوزو انت اصلا بنات الناس ما بملو عينك  هو شال مفاتيحو وطلع  بس تاني رجع لهم وقال لابوه انت اسي بتصرخ كدا مالك قلت انك جاي؟ ولا نحن المفروض نحس بك  : جايب ال.......... دي بيتي لشنو : دي اخر مرة ي بابا تتكلم عن زوجتي بالطريقة دي  : اسكت يا قليل ادب انا بعد تعب قدرت اقنع مرتك تجي وجبتا لك لحدي عندك عشان افاجئك اجي القاك في الوضع المقرف دا الله لا بارك فيك ياخ خساره التربيه البنت دي تاني لو دخلت البيت دا انا بكسر رجلا ممنوع تجيبا بيتي فاهم؟؟  : ماشي وانا بيت تنطرد منو زوجتي ما بقعد فيه  : شنو ماشي وين اسي تعال هنا دا امشي اعتزر من زوجتك دي وصالحا  : انا فعلا المفروض اعتزر من زوجتي المسحتو بكرامتا الأرض ولا حتى احترمتو عورتا
قال كدا ومشى خلاهم
تعال يا ولد انا بتكلم معاك إياد إياد
هو كان مصر على موقفو لو انا ما دخلت البيت هو ما بقعد فيه
جاني في العربيه لقاني غرقانه في دموعي حضني واعتزر لي
انا ما عارفه اعمل شنو في نفسي مهما حصل نظرتهم لي ما بتتغير حتى بعد بقيت زوجة ولدهم شايفني تافهة ولافه انا عملت شنو اصلو  : ما تشتغلي بزول رأيهم اخر حاجه بتهمني في الدنيا دي وانتي اتجاهليهم طالما انتي معاي مافي زول حايقلل من احترامك تاني  خلينا نمشي بيتنا غرفة النوم جاهزة الباقي ما مشكله
وفعلا مشينا انا ما حكيت لزول من اهلي ومقهورة شديد بس إياد اصلو ما خلاني اعتزر وفضل معاي اليوم كلو وقال لي البيت دا تاني انا ما بدخلو لو ما سمحو لك تدخليه  : انا اصلا مستحيل ادخلو تاني  : القصه ما كدا هم قللو احترامك وحتى لو ما دخلتيه كونو بابا يسمح لك انا بعتبرو تنازل منو  : ما بهمني انا عاوزه اكون بعيده من المشاكل الاسريه دي  : بس انا بهمني لازم يحترمو زواجنا كلهم وبنت اخو الجابا دي خليه يتصرف معاها لاني ما دايس عتبة بيتو