علاقات مشبوهة

علاقات مشبوهة 35

#علاقات_مشبوهة
#بقلمي   :  #مشاعر_مبعثره
الجزء الثاني
الفصل  التاسع  (رجل وامرأتان)
الحلقه (35)
إياد طلب لينا الفطور في الغرفه واخر دلع قاعده على رجولو وبنأكل بعض عرسان وكدا🙈
اتصلو به من الشغل قال لهم مشغول ما بقدر اجي وانا اتصلت ب أهلي طمنهم برضو وصبحت عليهم  جاء لقاني بتكلم قال لي مش كفايه تلفونات خلاص  :  فعلا
قفلت قال لي يلا تعالي  : خليني اغسل وشي  : لالا كدا بس
تلفونو رن قعدت  اضحك عليه لقيت نظراتو اتغيرت قال لي دا امجد طوالي اتحركت من جنبو وقعدت  بعيد هو كان متابعني بعيونو لحدي ما فتح الخط
الو
صباح الخير  يا عريس  : صباح النور  :  اها نقول مبروك😁  : امس مشيت جبتها اول ما طلعت من مكتبك  : تمام صح كدا
إياد جاء قعد جنبي وهو لسه بتكلم حضني امجد قال له يعني هي معاك اسي؟
باسني وقال له ايوا
امجد حس بالشي دا واتوتر لمن بلع ريقو حتى صوتو بقى متغير قال له معناها م ازعجكم  : لا مافي ازعاج ابدا  : تلفونك دا اقفلو لانو منى لو عرفت ما ح تخليك تتهنى باقي ايامك دي  : هههههه اوعا تكلما  : لالا معقول طيب سلم على سمر  : وهي بتسلم عليك
^  طبعا مافي اقسى من الحاجه دي وانا اتوقعت الحاله الحايكون عليها امجد بعد المكالمه دي بالاضافه لحزنو امكن هو نفسو ما كان عارف انو ح يتأثر كدا صح انا ما حبيت امجد بس ما بنكر انو كان صادق في مشاعرو تجاهي واكيد قلبو ما حايتحمل القاعد يحصل بيني وبين اياد حاره عارفه لاني مجربه الشي دا وعلى الراجل بتكون اصعب بكتير فكرة انو المرا الانت بتحبا بقت ما لك وقاعده في حضن راجل تاني انت على صله وثيقه به قدامك وانت مقيد ما قادر تعمل شي دا مفهوم النزيف او الاستنزاف الداخلي  ^
اول ما خلصو المكالمه انا زحيت يدو مني وصريت له قلت له ليه عملت كدا  : عملت شنو؟  : قاعد تغيظو صح؟  : لا والله الخلاك تقولي كدا شنو نحن اصلا اتصالحنا ومافي عداوة بيننا خلاص  : وليه بتعمل حركات ذي دي وانت معاه على الخط اصلا هو ليه يتصل بك في وقت ذي دا  : اسف ما عارف والله في البدايه حسيتو عاوز يعرف بنعمل في شنو او عاوزني احكي له قلت امكن امكن فكر كدا بس لا ما اتصل عشان كدا  : تفاهة بس م اكتر الواحد يحكي عن حياتو الشخصيه للناس  : ما قاعد اعمل كدا والله حبييتي كوني واثقه انو اي حاجه بيننا مافي غيرنا حايعرفا  : بس كنت بتحكي له زمان بادق التفاصيل  : انتي ما بتنسي صح؟؟ الزمان داك كان مخطط واصلا ما حقيقي بديه تفاصيل ما حصلت امكن هو ذات نفسو ما بصدقا  : تمام
عاوزه اقوم مسك لي يدي وقال لي تعالي هنا عاوزه تخلقي لك موضوع عشان تهربي مني صح؟  : لا  : لا شنو انا عارفك بس ما تحلمي ما عندك مهرب مني الا لي!!!!!؛  رجعني تاني لحضنو
المساء اتعشينا برا وقال لي بكرا ح نسافر
__ منى كانت في وضع صعب ما بقل عن الفيه امجد بس ما بتقدر تخبي وتتماسك زيو وامها بتحاول تهدي فيها
يا بنتي كفاك انتي ما شايفه حالتك دي هو ولا جايب خبرك كملتي من لحم الدنيا بكرا لمن يجي ويشوفك كدا حايفرح ويحمد ربنا انو عرس فيك والله بوضعك دا يهرب منك لمرتو التانيه
مرتو يا ماما ما تقولي الكلمه دي لانها بتعصبني إياد ما عندو مرا غيرا ما تعذبوني كلكم مرتو مرتو
اتعصبت اكتر وبقت ما عارفه هي بتقول في شنو
المرا دي عندها شنو احسن مني يا ماما اسي هي احلى مني؟ دي واحده بتاعة سحر وشعوذه
مناسك قالت لها ما تقولي كدا واحسن منك لانها قربت منو لمن انتي بعدتيه عنك  : انتي ما تدخلي نهاااائي امشي مني
عمتا هدى كانت قاعده قالت لها اهدي وما تتوتري بنقطع لبنك
طوالي استلمتا وهي في الوضع دا بس بتفتش لأي ثقره قالت لها عمتو انتي مشيتي العرس وشفتيها المميز فيها شنو اسي كلها شحم وكريمات ما فيها شي طبيعي  : مافيها اي  : م احلى مني صح؟ ولا انتي شايفاها احلى مني؟؟
عاينت لمناسك وقالت لعمتا قولي للحيوانه دي وفهميها هي م احلى مني وما فيها شي مميز عني
كانت بتتكلم وتبكي وعمتا بتسايرا  ايوا عاديه يا بنتي ذي البنات البتشوفيهم في الشارع ديل وبكرا حايمل منها ويرجع لك
امها قالت لها الله يصبرك يا بنتي ويهديك ارجعي بيتك بعد دا اصلا المال السايب بعلم السرقه وانتي غلطتي لمن خليتي لها من الاول   : لا ما راجعه ما برجع الا يطلقا
شاكر برا طبعا وسامع كل الكلام دا جات هدى اختو طالعه قالت له الله يهديها عنيدة شديد فرطت في بيتا واسي ندمت
هو القليل ادب كيف يعرس في بنت عمو ومن منو بنت ذي دي؟؟؟ طول عمرو غبي وما بفهم انا انا ما لاقاني راجل بعرس له واحده لف معاها بس تقول ساحراه  : عاوز تبقى ذي بنت اخوك؟ سحر شنو كمان البنت لو كانت سحرتو ف بجمالا بس  : عليك الله خلينا من اوهامك دي اصلا غلطك انك الشجعتيه ومشيتي معاه
انا ما عملت حاجه غلط عاد نخلي الولد براه كدا إياد ولدي ومنى بنتي انا سايرتا ساي لكن النصيحه البنت سمحه ما احلى من باقي البنات ذي ما بتقول منى بس جذابه ومهتمه بنفسا حبوب شنو وكريمات البتقولهم انا شفتا شخصيا وانت ذات نفسك يا شاكر لو ما ماخد موقف منها كان عجبتك كمرا عندها قبول ودي هبه من ربنا بخص بها ناس معينين انتو لازم تقتنعو خلاص انو إياد بحب البنت دي وسعيد معاها  : والمسكينه الراميها دي بدون خجل مسافر يعمل شهر عسل وراجل خالتو متوفي مافي احساس مافي نهائي ياخ مرتو دي نفساء وزعلانه في بيت اهلا دا ولد ما نافع اريتو لو ما ولدي : انت منحاز لبنت اخوك  : وانتي فضلتي الغريبه عليها  : بري والله يا شاكر حتى منى اتربت على يدي وكلامي دا لمصلحتا اولا والله لو ما بطلت عنادا دا هو بدل يطلق مرتو حايطلقا هي وانا فهمتا والله حتى ولدا دا ما بشفع لها  : ايوا قولي كدا وقوي راسو لمن يعملا  : انا يا شاكر؟؟
والله لو يموت ما يطلقا واسي دي بجيبو راجع عشان يسوقا  : سجمي؟؟ يجي راجع كيف الولد ما تم اسبوع من سافر وهو حاجز شهر  : شهر في عينو
طوالي رفع تلفونو واتصل ب إياد زهجان قال له تجي راجع فورا
ليه الحاصل شنو  : مرتك راجعه بيتا تعال سوقا والشغل ما بستنى انا مسافر : يا بابا منى في اي زمن عاوزه ترجع انا ما عندي مانع اصلا من زمان مشيت اجيبا رفضت والشغل دا انا من حقي اخد منو اجازه ذي باقي الموظفين  : من اتزوجت قاعد ثلاثه اسابيع بدون شغل  : اسبوع العزاء دا انت بتحسبو يا بابا؟؟ انا خليت عرسي وجيت قعدت اسبوع كامل معاهم والبعدو نزلت شغل وبعينك شفتني من الشغل لبيت العزاء للبيت ارجع انوم ما من حقي اخد زوجتي اسبوعين شهر عسل اسي منى دي ما سافرت معاها شهر وزياده وكنت عاوزني افسحا اكتر  : انت بتجيب منى للعولاق المعاك دي؟؟
إياد عيونو بقت حمراء من شدة الزعل قال له ما بسمح لك تتكلم عن زوجتي بالطريقه دي لو دا اسلوبك عشان تبعدني عنها ما تتامل انا اتزوجتها بكامل ارادتي وما بخليها منى لو عجبا ترجع شغلي ما حصل قصرت فيه  : احترم نفسك انا قلت ترجع معناها ترجع😡 ولا والله العظيم يا ولد ما تلقى حاجه ذي ما خليتا وما تقول ما نبهتك
إياد طوالي فصلو وجدع التلفون زهجان قلت له اهدأ
بهددني انا عارفو ممكن عادي يطلعني من مجلس الادارة ويسحب صلاحياتي  : خلاص ما مشكله خلينا نرجع  : انتي زعلانه صح؟؟  : وازعل ليه خلاص اتفسحنا وغيرنا جو انا ماشه اجهز الشنط
اتحركت قدامو حضني بورا وقال لي انا اسف حبيبتي عاوزين يضغطو علي عشان اغلط ويحاسبوني  : معناها انت ما تديهم الفرصه دي  : انا بالجد خجلان منك من اتزوجنا ما خليتك تتهني ولا قدرنا نشبع من بعض  : مافي زول لاحقنا قدامنا العمر كلو  : صح ونحن لسه شباب حانفضل مع بعض لمن نعجز ونشيب : بتمنى يحصل كدا
دمعتي سالت مسحا لي وباسني
حقك علي انا اوعدك انو نعيد شهر العسل دا تاني انا عشانك بعمل كدا عشان ما يقولو مقصر نتعب اسي عشان نرتاح بعدين  : انا ماف حاجه بتهمني غيرك حتى لو حاتقعد معاي دقيقه واحده بس وباقي الوقت لها بتكفيني والله لانها حاتكون اسعد دقيقه في حياتي عاوزاك بس تحبني يا إياد حبني بنفس الطريقه دائماً  : ما تخافي حبي لك مستحيل يقل وكل يوم بحبك اكتر انا م اتزوجتك عشان اظلمك انتي حاليا عروس ومن حقك اكون معاك دائماً بس بعدين  : الوضع حايتغير عارفه
بس يدي وقال لي ح أعدل بينكم يومين معاك ويومين معاها وكل جمعه عند واحده
خلي الجمعه لها هي وولدا ما بزعل  : بس انا ح ازعل هو الاسبوع كلو ما بكفيني فيك عاوزاني اموت بالشوق 
خلاص خليني ارتب الشنط  : انتي مستعجله كدا مالك؟ في زول قال لك ماشين بكرا؟ يعني عشان قال تعالو نقوم في يومنا نمشي؟ خلينا نكمل باقي الاسبوع دا  : تمام  : يلا خلينا ما نضيع زمن  : يلا شنو😅
قام شالني وقال لي الغرفه طبعا😍😍😍
خليكم مننا الفتره دي نرجع لامجد
جاي متين حبيبي؟  : ما اسي طبعا  : طيب متين انا اشتقت لك على فكره بقيت تذوق مني كتير لقيت لك حبيبه ولا شنو
نانسي بطلي خلاص رسلي حق البضاعه ولا اتوزعت كلها  : مافضل فيها شي بس انا مخبياهم لك هنا قلت امكن جاي تصرفهم علي😉
اصرفهم عليك🤨 ضحكتيني عملتي شنو في موضوع هند
اطمن البنت طلعت مكبوته كبتة سنين ابوها مقيدا شديد  : وقعتيها ولالا؟؟  : عيب انا تلميذه؟؟؟  بس اعمل حسابك البنت صغيره لسه في الثانوي وبتسمع كلام خالتا شديد  : ما عندها ام يعني؟؟  : امها متوفيه وهو نادر ما يجي يشوفا  : ظابط وريني عملتي شنو لحدي اسي
اتعرفت عليها في الجيم وعجبا نمط حياتي المتحرره بديت اديها شويه شويه واسي ادمنت القهوه البنشربا مع بعض يوم ما نتلاقى بتتصل بي بليل وتشتكي من الفتور والصداع  : خلاص معناها استوت اديني رقما  : يعني جاي  : اكيد كنت مقيد بالشغل لانو مافي غيري بس خلاص العريس جاء
ولد خالتك؟؟  : ايوا
امجد قدر يتلاعب بهند بنت ادهم ظهر في حياتا كبطل ذي ما عمل معاي وهي انبهرت بالكاريزما بتاعتو خلاها تخبي علاقتهم عن خالتا وابوها البنت شويه شويه عرفت انها اتحولت لمدمنه وبقت تشتري بقروشا امجد طبعا مبسووط من نفسه شديد هي بتعاين له بحب وهو مافي في عيونو غير الانتقام المحركو اكتر حاجه كانت باسطاه انو هند بتصرف قروش ابوها على المخدرات البتاخدا منو وببيعا لها بأضعاف سعرا عشان قروش ادهم
دخنتي كتير خلاص كفاك : امجد انا بحبك : دا كلام شنو  يا بنت  : بالجد حاسه اني ما بقدر اعيش من غيرك  : بس انا بحب واحده تانيه  : بالجد؟ دي منو 🥺 
اتنهد وقال لها بنت حلوة شديد دخلت حياتي بالصدفه زيك كدا وسيطرت عليها بس البنت دي طلعت خاينه  : عملت شنو  : خانتني مع اخوي
لهجتو اتحولت لغضب شديد بدون وعي بحكي لها
مشت نامت معاه لمن حملت منو واضطر يتزوجا  : وانت لسه بتحب واحده ذي دي؟؟ 
عاين لها بمكر شديد😈
لاني لسه ما لقيت واحده تنسيني عملتا  : وانا مشيت وين؟  : انتي عندك مكانه خاصه  : في البدايه افتكرتك بتحب نانسي
نانسي؟ ههههههههه 😂 دي عاهرة متاحه للجميع علاقتنا شغل م اكتر انتي لو بالجد عاوزه تنسيني سمر ابقي احسن منها واثبتي لي انك بتحبيني  : اعمل شنو
اتجرأ خت يدو على خصرها وقال لها مثلا ما تعملي زيها كدا وكل م اقرب منك تقولي لي ما تلمسني وممنوع شفتي الحركات دي البعدتنا عن بعض
هند طوالي طلعت عبايتا وقالت له انا كلي لك
هو ما صدق انغض عليها ذي الذئب المفترس واستباح شرفا وطفولتا في ثانيه كان متوقع انها تمشي تحكي لابوها بس الواضح انها حبتو بالجد وعجبا البتعمل فيه دا
بقت مدمنة امجد ولو ما هو طلبا بتجي له براها لحدي عندو عشان تعمل معاه علاقه محرمه وفي يوم صورا وعمل لها فيديوهات من النوع السيئ وهي في عالم تاني بسبب السكر وحبوب المخدر ما كانت دريانه بالبحصل فيها بعداك هو قرر يخلع منها
انا وإياد طبعا جينا قبل زمنا وبيتنا كان لسه ما اتفرش قلت له خلاص خلينا ننزل في بيتنا  : مستحيل  : مافي حل تاني يعني نأجر؟  : لالا حانمشي بيت اهلي اقصد بيت بابا  : بس........  : ما تخافي مافي زول هو سافر : ماشي حبيبي
كلمت امي ومشينا هناك اول ما دخلت رجلي حسيت بشعور غريب واتزكرت يوم انطردت منو راسي لمن لف
إياد مسكني قال لي انتبهي حبيبتي مالك  : ولا شي دخت من ركبة الطياره  : ما تكوني حملت حبيبتي 😉  : لا طبعا معقول كدا في شهر العسل الما تم شهر دا : اسف : انا ما قلت كدا عشان الومك  : عارف بس انا البلوم نفسي وبعدين مالك مستبعده الحمل كدا رايك شنو انا متأكد انك حامل حاليا بس ما عارفه نفسك : بري مالي ومال ولادة اسي ابهدل جسمي ذي ما بتقول ماما وانا لسه عروس  : بس انا عاوز
كأنك ح تشاركني الوجع مثلا  : هههههه ماشي حبيبتي الموضوع متروك لك وقت ما عاوزه جيبي لينا بيبي
دخلنا جوا وكنا تعبانين شديد نمنا على طول
إياد صحى قبلي ومشى الشغل ساعتين اتفقدو وجاني راجع
كنت يداب صاحيه  اتفجات به داخل قلت له حبيبي كنت برا  : مشيت الشركه امجد مافي وبابا مسافر كالعاده رامين الحمل علي  : انا برضو لازم انزل بعد دا  : انتي؟؟؟  : ما تكون عاوز تمنعني اشتغل بس  : عاوزه بالشغل شنو انتي مش دخلتي الشركه دي عشان تتزوجيني وعملتيها😅😅   هه هه 😒 ما تتظارف انا اشتغلت عشان نفسي  : بس يا حبيبتي انا ما بتحمل اشوفك هناك وسط الرجال و.......  : انت خايف من امجد تحديدا  : واخاف من شنو؟  : اسأل نفسك  : خلاص خلاص ما عاوزين نتشاكل  : انا ما عاوزه اتشاكل وما ضروري الشغل يكون في شركتكم انا بتصرف بس عاوزه الاذن منك  : تسلم لي مرتي المطيعه البتسمع كلام حبيبا  : اعمل شنو م إنت زوجك ولازم اطيعك😏  : اكيد طبعا ح تشتغلي معاي بس ما ظابطه تكوني سكرتيرتي  : عادي  : لا ما عادي باشري شغلك القديم  بس اصبري شويه تمام؟  : يعني.......  : انا واثق فيك حبيبتي وما خايف عليك من زول  : حبييى😍😍
طوالي حضنتو قال لي بس كدا؟؟  : عاوز شنو اكتر  : يعني نحن عرسان وانتي عارفه : لالا ما كدا خليني لنفسي شويه  اهتم بشعري وبشرتي واظافري  : انتي حلوة كدا ما محتاجه شي تعالي  : انتظر بس لازم نتعشا برا ونسبح مع بعض دا شرطي
الله يصبرني عليك بتنقي ذي الاطفال انا ما عارف جبت لي مرا ولا اخت لولدي  : شكرا
يتبع