علاقات مشبوهة

علاقات مشبوهة 46

#علآقآت_مـشـبــوهة
#بــقلمـي  :  #مـشـآعر _مـبــعثـره
آلج ـزء آلثـآني
آلفصـل آلح ـآدي عشـر  (  آسـمـيـﮯتهہ‏‏آ نآز  )
آلح ـلقه  (46)
بنتي بنتي انا انتي بنتي انا
من غير م يستشيرني عمل اجراءات  الشهاده وسماها ناز
(  ناز اياد شاكر فهمي  )
فضل معانا اليوم كلو وكل ما نتبادل النظرات هو عيونو بتتملي دموع وبنزل راسو نهاية اليوم قام ماشي وقال لامي ان بشيل بنتي معاي  : تشيلا وين انت مجنون؟؟  : عمتو هدى معانا في البيت انتي اهتمي ببنتك وانا بهتم ببنتي  :  يا ولد انت بتستهبل علينا ولا شنو انا قادرة اهتم بهم الاتنين خلي لي البنت دي قبلا  : يا خالتو كوثر انتي لازم ترتاحي ما ح تقدري كدا والبنت زاتا المفترض تطلع من جوا المستشفى  دا م كويس عشانا انا استشرت الدكتور واي حاجه لازما انا بجيبا لها في البيت   : سمر م حاتوافق  :  ما عندها خيار المهم صحتا اهتمي بها عليك الله واهتمي بنفسك انتي ما تقعي كلنا مستندين عليك
اخد بنتو ومشى طبعا هو رجع بيت ابوه الكان ناوي يبيعو ومعاه عمتو هدى اما منى عند اهلا مافي زول حكى لها
انا قربت اجن لمن قالو لي شالا ومن جاء شاكلتو وقلت له تجيبا فورا
دي بنتي برضو ومن واجبي اهتم بها  : بنتك؟؟ عليك الله الكلمه دي م تقولا م تخليني اذكرك انت لحدي اول امس  كنت بتقول لي  ما حامل مني وانتي حره مع الفي بطنك انت فاكرني ناسيه؟  : حتى انتي ما كنتي عارفاها بنت منو  :  ما بنتك  : بس انا شفتها  : ما بنتك ما بنتك
قعدت اصرخ فيه لمن طلع خلاني وامي قالت لي ما تحرقي اعصابك معاه وانتي تعبانه خليه يشيل عنك شويه  : انا بنتي م غالباني  : مسافة تطلعي من المستشفى بس وبناخدا منو طوالي اصلا ما بنقدر نمنعو منها
انا فضلت اسبوع في المستشفى حتى خرجوني وجابو لي بنتي اخيرا ضميتا لمن شبعت منها
شايفاها بتشبه ابوها كيف؟؟؟
صريت لعلياء لمن قالت كدا قالت لي مالك؟  : مافي شي  : طيب رضعيها  : ابت  : اجي؟؟  كيف يعني ابت  : ما عارفه والله  : انتي اكلي كويس عشان يجيك حليب  : تمام
عديت اسبوع وبنتي ما بترضع كويس وبتبكي كتير ما بضوق طعم للنوم معاها الاتنين بنكون قاعدين نبكي

مساء الخير  :
مساء النور يا ولدي  :  وين الجماعه  : سمر في الغرفه بنتا معذباها شديد
جاء داخل لقاني بقش في دموعي وشايلا بنتي شالا مني  وقال لي اسي انا اسكت منو فيكم 
ما قاعده  ترضع مني وعندها حراره
خلاص البسي نوديها المستشفى
حايدوها حقنه🥺 انا ما بقدر اتحمل اشوفا
ما تخافي
قعدت ابكي قال لي خلاص انا بمشي مع خالتو كوثر انتي اقعدي ارتاحي ونومي شويه  : ما بكون مطمنه  : طيب يلا
مشينا مع بعض ولمن ادوها الحقنه انا بكيت اكتر منها الدكتور  رقدنا كم يوم وهي اتحسنت شويه بس ما بطلت بكاء كأنها بتتألم وتنفسا ما طبيعي اياد قال لي انا شايف احسن نوديها مستشفى  تاني  : ليه؟  : في اخصائي بتاع اطفال امريكي بجي بعد يومين خلينا نعرضا عليه  : تمام وتواصل علاجا

وديناها للإخصائي عمل لها فحوصات كتيره ورجعنا البيت اياد كان شايلا مشى ختاها في حضن امي وقال لي خلينا نطلع مشوار  : اطلع وين قبل الاربعين هي المستشفى دي عشان مضطرين طلعت  : واسي مضطرة لو سمحتي خلينا نمشي  :
اقنعت امي كيف؟  : عادي
ركبت معاه ومشينا مطعم طلب اكل كتير وما قرب عليه قلت له انا ما بقدر اكل كتير وبعدين لازم اتمشى
انا بمشي معاك انت عاوز تغير جو ولا تعتزر  : اعتزر؟  : دا جو صفاء وتصالح  : سمر انا م حاكذب عليك الحصل ما بتنسي  : طبعا  : الموضوع  بخص بتنا ناز  :  ناز بكايه شديد وادوها حقن كتيره وجعوها  : ناز بتعاني من عيب خلقي في القلب  : شنو؟؟  :  اهدي انا جبتك هنا مخصوص عشان تهدي
قعدت ابكي قال لي ما تخافي الطب اتطور ونحن ممكن نعمل لها عمليه بس لمن تكبر شويه
انا طوالي قمت ماشه وهو لاحقني
سمر سمر ما تعملي في نفسك كدا ح تتعالج م تخافي  : كنت عارفه انو فيها شي والبحصل دا ما طبيعي ي الله من ولدتا ما ضاقت يوم راحه
#اياد
ما قدرت  اهديها لانو انا نفسي ما قادر امسكا ومتألم زيها امكن اكتر الطفله الانا ما وقفت مع امها ايام حملها وكنت ناكرا وما مستعد اقدم لها اي حاجه حكمة ربنا طلعت بتشبهني اكتر مني حبيتا واتعلقت بها شديد اكتر من محمد ولدي كان في بيننا رابط قوي وغريب كل يوم لازم اشوفا واحضنا لقلبي لو لي مراد تنوم جنبي  كل يوم خبر مرضا كان ذي الصاعقه علي ما قدرت اتحملو عارف انو خطير وانو ممكن افقدا في اي لحظه انا انا لسه ما شبعت منها ومن وشها الحلو البريئ لمن كانت في بطن امها شهدت منعطفات كتيره الخطر كان محيط بها دائماً والزعل والدموع والاذى الاتعرضت له امها

بكيت بكيت بحرقه كاني فقدتا خلاص واول م عيوني اتلاقت مع امها ابتسمت ومسحت دموعا
بكرا نبكي من الفرح يا سمر لمن تطلع سليمه من العمليه ونتزكر اللحظات الصعبه دي ونضحك على ردات فعلنا  : لو حصل لها حاجه انا ما بقدر اعيش اصلا هي سبب ثباتي وصبري لحدي اسي  : ح تطلع منها فكري بس نحن مرينا بشنو دا اختبار بسيط خلينا ندخلو مع بعض ونطلع منو ناجحين  : حاتتخلى عني لو......  : هسسسسس🤫 اوعا تقوليها
ضميتا لصدري لمن هدت بعداك رجعتا البيت
انا بقيت ما بضيع وقت من دون بنتي ولو لي مراد اخدا وامشي بها ومن جهة تانيه منى تعبانه بسبب الحمل وفصول حمودي الما بتنتهي عزبا شديد وزعلانه مني لاني بعدت عنها ما عارفه البي
بدينا رحلة العلاج مع بتنا وسمر كل مره بتبكي وانا احتار اصبرا ولا اسكت بنتي التعبت من الابر والألم
اشربي  : لا ما عاوزه  : سمر قلنا شنو؟  لازم تهتمي بصحتك انتي عامله عمليه  : كدا الحليب بزيد وناز ما بترضع بس بتعبني انا وبحجر في صدري  : بالجد؟؟  كدي وريني
صرت لي وشا كأنو انا ما زوجها😅 ولا حصل شفت جسما وبتقعد تتغطى كل ما تشوفني وتشغلا لي دق الباب وما تدخل وغمض عيونك وبتاع
الحقن دي لزوما شنو اسي؟  : سمر لو ما مهمه ما كان الدكتور كتبا لها واعملي حسابك الاسبوع الجاي عندها مقابله  : انا م ح امشي معاك  : خايفه يعني  : ما بتحمل اشوفا بتتوجع  : خلاص بمشي مع خالتو كوثر انتي ارتاحي
اخدتي حقنتك؟  : انا جسمي كلو عباره عن ادويه ومحاليل غريبه حاسه بالمرار في حلقي
اديتا الحقنه تحت الجلد وهي كالعادة خايفه ومغمضه عيونا  قلت لها نومي انا ناوي اخطف منك بنتي ساعتين  : تمام بس ما تمشي بها بعيد  : ما تخافي  : ودفيها كويس  : ادفيها في السخانه دي؟ 😅 نومي ساي
اخدت بنتي وقضيت معاها زمن صورتا واشتريت لها حاجات كتيره ما كان نفسي الوقت يجري كدا
مر الاسبوع ومشينا المقابله لمن جيت اشيلا عشان نرجع البيت سمعت صوت انفاسا بتتعالى رجعتا تاني للدكتور
وهو دخلا العناية المشددة كان متوتر والممرضين جارين وراه
لمن اتأخرنا سمر ركبت طوالي وجات لحقتنا بس قبل ما تصل حصل الكنا خايفين منو
ناز قلبا م اتحمل ورحلت طير من طيور الجنه
ماذا لو كان حلما بعيدا!!
هل استيغظ واجدها هنا
بين ضلوعي تختبئ؟   هل لي بدقائق اخرى
اقبل وجهها القمري      هل  لي بلمسة اخيره
ترمم شتات روحي الممزقه
هل تصل يدي الممتدة اليها
هل سيغشاني صباح اخر بلون عينيها
هل سأنساها وهلة  وهل ستغيب
يتبع