အဖြူရှပ်လက်ရှည်ခံ အနက်ရောင်suitအပြည့် နက်ခ်တိုင်ခပ်မိုက်မိုက်ဖြင့် မှန်ထဲကကိုယ့်ပုံရိပ်က ခုနလေးက ကိုယ့်ပုံရိပ်နဲ့ လားလားမျှမဆိုင်။ ပုံမှန်ဆို နဖူးအပြည့်ဝဲကျကာ ခွေခွေလေးဖြစ်နေမဲ့ဆံပင်တွေကို အခုတော့ဖြင့် sprayအစွမ်းဖြင့် ထိန်းလျက် လူကြီးလူကောင်းပုံဖမ်းထားရလေသည်။ ဝတ်နေကျနားကပ်မျိုးစုံက နားမှာရှိမနေပြန်တော့လဲ ဟာတာတာ။ ဘာဆိုဘာမှနေသားကျမနေသော်လည်း အဲ့ဒီ့လူရှေ့ ကြည့်ကောင်းနေချင်သည့်အခါ မူမပျက် ြပုံးလျက်နေပါသည်။
ဆယ့်တစ်ထပ်သို့တစ်ရွေ့ရွေ့တက်နေတဲ့ ဓာတ်လှေကားအကျဉ်းလေးထဲ ကျတော့်အလှည့်မှတိုက်ဆိုင်စွာ လူတွေက ပြည့်သိပ်လျက်။ ြပင်ဆင်လာခဲ့သမျှ သဲထဲရေသွန်ဖြစ်တော့မလားဆိုသည့်စိတ်နဲ့ ပထမဆုံးရုံးတက်ရက်လေးကို တိတ်တဆိတ် စိတ်ပျက်သွားမိသည်။
"အလုပ်သင်လေး ရောက်ပြီလား"
အတွင်းရေးမှူးချွဲဟျောင်းဂျွန်းက ဦးစွာနှုတ်ဆက်လာလျှင် ကျတော်လဲ အစွမ်းကုန်ပြုံးပြလျက်ပြန်နှုတ်ဆက်ပြီး နောက်ကကပ်လိုက်ရသည်။
"ဟုတ်ကဲ့ အတွင်းရေးမှူးချွဲ"
အတွင်းရေးမှူးချွဲ၏ မျက်မှန်အောက်ကမျက်ဝန်းနက်တွေသည် သူ့အားကလေးတစ်ယောက်ဟုမြင်နေသည်ကို တွေ့ရလေသည်။
"အတွင်းရေးမှူးချွဲ ကျတော် ဘယ်ကစလုပ်ရမလဲဟင်"
"ဒီနေ့တော့ ကျတော်နဲ့အလုပ်ကိုလိုက်ပြီးလေ့လာပေါ့ နေ့စဉ်လုပ်ရမဲ့အလုပ်တွေ အလုပ်ကအခြေခံစည်းမျဉ်းတွေကို ကျတော်တဖြည်းဖြည်းချင်း ရှင်းပြပေးသွားမယ် မသိတာ နားမလည်တာရှိရင်လဲ မေးလို့ရတယ် ဒီက ဂျွန်ဂျောင် ကု.. ဟုတ်တယ်နော်"
ဟုတ်ကဲ့လို့ထောက်ပေးလိုက်တော့ ပါးချိုင့်အသေးလေးခပ်ရေးရေးထွန်းသည်အထိ လှစ်ခနဲပြုံးကာ စကားဆက်သည်။
" ဒီနေ့တစ်နေ့လုံး အလုပ်ပါးတာမို့ ကျတော်ကိုယ်တိုင်အေးဆေးရှင်းပြနိုင်တာ ပုံမှန်ဆို ဂျောင်ကုကိုယ်တိုင် ကျတော့်ကိုကူရင်းလေ့လာရမှာ"
"ဒီလိုလုပ်ငန်းကြီးမှာ အလုပ်ပါးတဲ့အချိန်ရှိသေးတာလား"
"သေချာတာပေါ့ ဘယ်ရှိမလဲ ဒီနေ့ ထီထိုးရမယ် ဟဟား"
YOU ARE READING
ငပွေလီ၏ချစ်ခြင်းကဋေကဍာ / ငေပြလီ၏ခ်စ္ျခင္းကေဋကဍာ
Fanfictionငပွေလီတစ်ကောင်၏ ချစ်ခြင်းကဋေကဍာသည် မောင့်ခြေရင်း၌သာ ဝပ်ဆင်းသည်ဟုဆိုပါလျှင်... မောင်သည် တန်ဖိုးမဲ့သည်ဟု လှောင်ရယ်ပါမည်လား။ ငေပြလီတစ္ေကာင္၏ ခ်စ္ျခင္းကေဋကဍာသည္ ေမာင့္ေျခရင္း၌သာ ဝပ္ဆင္းသည္ဟုဆိုပါလ်ွင္... ေမာင္သည္ တန္ဖိုးမဲ့သည္ဟု ေလွာင္ရယ္ပါမည္လား။
