Unicode
မလှမ်းမကမ်းဆိုင်အတွင်းက မျက်နှာချင်းဆိုင်မှလူကို သူတစ်ခါမြင်ဖူးသည်။ ဂျောင်ကုကိုပထမဆုံးစတွေ့ခဲ့တဲ့နေ့ကပဲ။ အတူသွားအတူလာအထိ ဒီလူနဲ့ဂျောင်ကုရဲ့ပတ်သတ်မှုက ဘယ်အတိုင်းအတာများလဲ။ သူကိုယ်တိုင်ကရော ဘာလို့ဒီအထိရောက်လာသလဲ။ ဘာလို့များ ဂျောင်ကုဘေးကလူကို အလိုမကျဖြစ်နေရတာလဲ။ ထပ်ပြီးတော့လား။ နောက်တစ်ကြိမ်ဆိုတာ ဘယ်လိုဖြစ်နိုင်မှာတဲ့လဲ။ ဒီတစ်ခါဆိုရင်တော့ ရူးရုံမက သေများသေသွားမလား။ လေထုကတဖြည်းဖြည်းနဲ့မွန်းကျပ်ဖို့ဖြစ်လာသည်။ စီခနဲအသံကြောင့်ခေါင်းကိုငုံ့ချလိုက်ရသည်။ ပတ်ဝန်းကျင်တစ်ခုလုံးတိတ်ဆိတ်သွားကာ စကားသံတစ်ချို့ထွက်လာသည်။ သူ့ခန္ဓာကိုယ်တစ်ခုလုံး လေဟာနယ်ထဲလွင့်နေသလို။
" ခင်ဗျားကိုချစ်မှမချစ်ခဲ့တာ နောက်လဲချစ်မှာမဟုတ်ဘူး"
"အရိပ်လိုလူကိုတွယ်ကပ်နေပြီးဘာလုပ်ရမှာလဲ"
"အရှုံးသမား"
အတိတ်ပါ။ အားလုံးကအတိတ်ပဲ။ အခုမဟုတ်ဘူး။
"ဂျွန်ဆောင်း အိမ်ပြန်မယ်"
"ဟုတ်ကဲ့"
ချစ်လွန်းရင်ရှူံးရတာပါပဲ။ နှစ်တွေကြာအောင် ချစ်ခဲ့ကြလဲ။ မဟုတ်သေးဘူး။ တစ်ဖက်သတ်လို့ပြောရမှာပေါ့။ နှစ်ဦးသဘောတူစိတ်တိုင်းကျလက်ခံခဲ့တဲ့ ဆက်ဆံရေးလို့ဆိုပေမဲ့ တစ်ဖက်တည်းကချစ်ရတဲ့ဆက်ဆံရေး။ ကင်မ်ထယ်ဟျောင်းဆိုတဲ့ အရှုံးသမားတစ်ယောက်ရဲ့ အချစ်ရေး။ နှစ်နှစ်ခြိုက်ခြိုက်ပြုံးပြတိုင်း တကယ်သဘောကျနေတာလို့ခံစားခဲ့ရတယ်။ နှစ်ယောက်တည်းရှိချိန်တိုင်း တီတီတာတာတွေအပိုမပြောခဲ့လဲ အရှိအရှိတိုင်းသူ့ကိုဆက်ဆံပေးတာပဲလို့ တွေးခဲ့တယ်။ နှစ်ဦးသဘောတူအနမ်းတွေမှာတောင် သူပျော်ဝင်နေတာပဲလို့ ခံစားရအောင် သိပ်ကိုသရုပ်ဆောင်ကောင်းခဲ့တယ်။ အင်းလေ...။ သိပ်တော်လွန်းလို့လဲ ဒီကောင်ကအရူးဖြစ်ခဲ့ရတာပေါ့။ သဘာဝကျကျလေးကို ကစားပေးခဲ့တာများ နှစ်လိုဖွယ်တောင်ကောင်းပါသေးတယ်လေ။
"ထိုင်ပါအုံး"
အိမ်ကိုပြန်ရောက်တာနဲ့ အဖေကဧည့်ခန်းမှာစကားပြောဖို့ခေါ်သည်။ မျက်ဝန်းတွေကစကားမပြောတတ်အောင် လေ့ကျင်ထားတဲ့အဖေ့ရဲ့အကြည့်တွေကို သူဘယ်တုန်းကမှမဖတ်တတ်ခဲ့ဘူး။ သေချာတာတစ်ခုကတော့ ချိန်ထားတာပျက်ကွက်တဲ့အတွက် ပြောစရာရှိနေလို့ခေါ်လိုက်တယ်ဆိုတာပဲ။
YOU ARE READING
ငပွေလီ၏ချစ်ခြင်းကဋေကဍာ / ငေပြလီ၏ခ်စ္ျခင္းကေဋကဍာ
Fanfictionငပွေလီတစ်ကောင်၏ ချစ်ခြင်းကဋေကဍာသည် မောင့်ခြေရင်း၌သာ ဝပ်ဆင်းသည်ဟုဆိုပါလျှင်... မောင်သည် တန်ဖိုးမဲ့သည်ဟု လှောင်ရယ်ပါမည်လား။ ငေပြလီတစ္ေကာင္၏ ခ်စ္ျခင္းကေဋကဍာသည္ ေမာင့္ေျခရင္း၌သာ ဝပ္ဆင္းသည္ဟုဆိုပါလ်ွင္... ေမာင္သည္ တန္ဖိုးမဲ့သည္ဟု ေလွာင္ရယ္ပါမည္လား။
