Unicode
အတွင်းရေးမှူးချွဲ မီးဖိုထဲဝင်သွားကတစ်စုံတစ်ခုလုပ်နေပုံက ဒီကိုမကြာမကြာလာဖြစ်သည်ထင်သည်။ ဧည့်ခန်းကျယ်ကြီးကတော့ နံရံကပ်ပန်းချီကားအကြီးကြီးတစ်ချပ်နဲ့ တီဗွီအကြီးကြီးတစ်ခုကပဲ နေရာအပြည့်ယူထားသည်။ ပန်းအိုးအသေးလေးတွေ အလှဆင်အရုပ်လေးအနည်းငယ်တင်ထားသော သုံးထပ်စင်အသေးလေးက နံရံထောင့်နားမှာအသက်မဲ့စွာရှိနေသည်။ ခဲအဖျော့လိုက်ကာကြီးတွေက လေအလွင့်မှာ ယိမ်းထိုးလို့။ အတွင်းရေးမှူးချွဲက ကော်ဖီခွက်နှစ်ခွက်ချပေးလာပြီး လိုက်ကာစတွေကိုလိုက်သိမ်းနေသည်။ အထီးကျန်နေခဲ့တယ်ထင်ပါတယ်။ မောင်နဲ့မတူတဲ့ခင်ဗျားက သိပ်ကိုအထီးကျန်တာပဲ။
"ဒီနေ့အတွက်ခွင့်ယူထားလိုက်ပြီ ကျတော်ကတော့ ပြန်သွားမှဖြစ်မှာ ဂျောင်ကု ဒီနေ့တစ်နေ့လောက် ဥက္ကဌဘေးမှာရှိပေးလို့ဖြစ်မလား"
"ကျတော်အလုပ်ဝင်လာတာ အကြောင်းမဲ့မဟုတ်တာကို အတွင်းရေးမှူးချွဲအရင်ကတည်းကရိပ်မိလောက်ပါတယ် ကျတော်သိချင်တာအကုန်ပြောပြပေးမယ်ဆိုရင် ဥက္ကဌကိုကူညီဖို့စဉ်းစားကြည့်ပါ့မယ်"
"အရင်ဆုံးကော်ဖီသောက်ပါအုံး မနက်စာမစားရသေးဘူးမလား"
ဒီအချိန်မှာကော်ဖီသောက်ချင်စိတ်ဖြစ်မနေဘူးဆိုတာလဲ အတွင်းရေးမှူးချွဲသိသင့်သည်။
"ဘယ်လိုလဲဒေါက်တာ ဥက္ကဌနိုးလာပြီလား"
နောက်ကပေါ်လာတဲ့ ပက်ဂျီမင်းဆိုသူက သူနဲ့ဘေးချင်းယှဉ်ကာဝင်ထိုင်ပြီး ခေါင်းခါပြသည်။
"မနိုးသေးဘူး ခြေထောက်ဒဏ်ရာတွေကနည်းနည်းနက်တော့ လမ်းကောင်းကောင်းလျှောက်နိုင်သေးမှာမဟုတ်ဘူး မင်းပြန်လာရင်ဝှီးလ်ချဲတစ်ခုယူလာခဲ့အုံး သူ့အနားမှာပြုစုပေးဖို့လူတစ်ယောက်လိုတယ် ဘယ်လိုစီစဉ်ထားလဲမင်းတို့"
မင်းတို့ဆိုတဲ့အသုံးအနှုန်းက သူရောအတွင်းရေးမှူးချွဲရောပေါ့။
"ဒေါက်တာသာ သူသိချင်တာအကုန်ပြောပြပေးမယ်ဆိုရင် စဉ်းစားပေးမယ်လို့ပြောတယ်"
"ဘာ... ချွဲဟျောင်းဂျွန်း အခုထိမင်းဘာမှမပြောရသေးဘူးလား"
"ဥက္ကဌပေးတဲ့တာဝန်မလို့ ကျတော်ပြောလို့မဖြစ်ဘူး"
YOU ARE READING
ငပွေလီ၏ချစ်ခြင်းကဋေကဍာ / ငေပြလီ၏ခ်စ္ျခင္းကေဋကဍာ
Fanfictionငပွေလီတစ်ကောင်၏ ချစ်ခြင်းကဋေကဍာသည် မောင့်ခြေရင်း၌သာ ဝပ်ဆင်းသည်ဟုဆိုပါလျှင်... မောင်သည် တန်ဖိုးမဲ့သည်ဟု လှောင်ရယ်ပါမည်လား။ ငေပြလီတစ္ေကာင္၏ ခ်စ္ျခင္းကေဋကဍာသည္ ေမာင့္ေျခရင္း၌သာ ဝပ္ဆင္းသည္ဟုဆိုပါလ်ွင္... ေမာင္သည္ တန္ဖိုးမဲ့သည္ဟု ေလွာင္ရယ္ပါမည္လား။
