Unicode
ထယ်ဟျောင်း ခြေထောက်အရှင်းကောင်းသွားချိန် အဖေ့ကိုသွားတွေ့ခဲ့သည်။ နှစ်ပတ်နီးပါးလောက်ပျောက်သွားတဲ့အတွက် အဖေက သူ့ကိုကြည်မနေခဲ့သော်လည်း အထူးတလည်တော့ပြောခြင်းမရှိခဲ့ပေ။
"အဖေ ကျတော့်ကိုတွေ့ချင်တယ်ဆိုလို့"
"လိုရင်းပဲပြောမယ် ယူဂျယ်အာက မင်းကိုဘာလို့ငြင်းရတာလဲ"
"သူ့မှာချစ်ရမဲ့သူရှိတယ်အဖေ အဲ့တာကြောင့် ငြင်းတာဖြစ်မှာပေါ့"
"မင်းကသူ့ရည်းစားကိုကျော်ပြီးတောင် မဆွဲဆောင်နိုင်ဘူးလား"
"အချစ်ဆိုတာဆွဲဆောင်တိုင်းရတာမဟုတ်ဘူး အဖေ"
အသင့်ယူလာတဲ့စာရွက်စာတမ်းတစ်ချို့ကို အဖေ့ရှေ့ကစားပွဲဆီတင်ပေးလိုက်သည်။
"ဘာတွေလဲ"
"အလုပ်ထွက်စာပါ"
"ဘာ"
ဒီလိုနေ့ရောက်လာဖို့ ဘယ်လောက်တောင်သူစောင့်ခဲ့ရသလဲ။
~ခင်ဗျားဖြစ်ချင်တာကိုလုပ် ကျတော်ရှိတယ်~
သူပိုင်ဆိုင်ခဲ့ရတဲ့အရာတွေထဲ ဒီကောင်လေးကတော့ သိပ်ကိုအဖိုးတန်လွန်းသည်။ ဒုက္ခရောက်နေတဲ့အချိန် အမြဲတမ်းအနားမှာရှိပေးခဲ့ပြီး သူ့ရဲ့ဖြစ်တည်မှုအားလုံးကို လက်ခံပေးနိုင်တဲ့သူ။ ဘယ်တုန်းကမှ သူ့ဘဝကိုကံကောင်းတယ်လို့မတွေးခဲ့ဖူးဘူး။ ဒီကောင်လေးကတော့ သူ့ကြုံခဲ့ရတဲ့ ကံဆိုးမှုတွေအစား ဘုရားပေးတဲ့ဆုလာဘ်ကလေးဖြစ်၏။
"ကျတော် အဖေ့စိတ်ကြိုက်နေပေးခဲ့တယ် အဖေထားသလို အဖေပြောသလို ကျတော် နည်းနည်းလေးတောင်မမေးပဲ အားလုံးလုပ်ပေးခဲ့တယ်မလား ဒါပေမဲ့ အဖေကတော့ ဘယ်တော့မှအကောင်းမမြင်ခဲ့ဘူးလေ ကျတော့်စကားတွေကိုလဲနားမထောင်ပဲ အဖေ့စိတ်ကြိုက်ပဲလုပ်နေခဲ့တာ ပျော်နေလား မပျော်ဘူးလား အဆင်ပြေလားတောင်မမေးပဲနဲ့ အဖေ့ကျတော့်ကို မျက်စိထဲရောရှိခဲ့လို့လား အဖေ့မျက်လုံးထဲမှာ စီးပွားရေးတစ်ခုပဲရှိနေခဲ့တာလေ အဖေ့ရဲ့လောဘကြောင့် ထယ်ယောင်းဘယ်လိုသေသွားရလဲ ကျွဲလိုနွားလိုသေအောင်အလုပ်လုပ်ခဲ့ရပြီး လူမသိသူမသိသေသွားခဲ့ရတာမလား အားလုံးကအဖေ့ကြောင့်ပဲ ထယ်ယောင်းသေတာ ဘယ်သူ့ကြောင့်လဲဆိုတာ အဖေမသိချင်ယောင်ဆောင်နေခဲ့တယ် အဖေသိရက်သားနဲ့ ကိုယ့်ကိုယ်ကိုအပြစ်မတင်ချင်လို့ အားလုံးကျတော့်ကို လွှဲချခဲ့တယ်မလား ဘာလို့လဲ ဘာလို့လဲ!!!!"
YOU ARE READING
ငပွေလီ၏ချစ်ခြင်းကဋေကဍာ / ငေပြလီ၏ခ်စ္ျခင္းကေဋကဍာ
Fanfictionငပွေလီတစ်ကောင်၏ ချစ်ခြင်းကဋေကဍာသည် မောင့်ခြေရင်း၌သာ ဝပ်ဆင်းသည်ဟုဆိုပါလျှင်... မောင်သည် တန်ဖိုးမဲ့သည်ဟု လှောင်ရယ်ပါမည်လား။ ငေပြလီတစ္ေကာင္၏ ခ်စ္ျခင္းကေဋကဍာသည္ ေမာင့္ေျခရင္း၌သာ ဝပ္ဆင္းသည္ဟုဆိုပါလ်ွင္... ေမာင္သည္ တန္ဖိုးမဲ့သည္ဟု ေလွာင္ရယ္ပါမည္လား။
