Professional Actor [Completed]

Acknowledgement

(Unicode)

စာဖတ်သူများအားလုံး မင်္ဂလာပါဗျ။

ကျေးဇူးတင်ကြောင်းလေးကို သေချာထပ်ပြောချင်လို့ ရေးလိုက်ရခြင်းဖြစ်ပါတယ်။

ကျွန်တော့်ရဲ့ ပထမဆုံးဖန်တီးမှုဖြစ်တဲ့ Professional Actor လေးကတော့ ပြီးဆုံးသွားခဲ့ပြီပေါ့နော်။(1.5.2023)
ကနေ စတင်ခဲ့တဲ့ခရီးက (1.12.2023) မှ ပြီးဆုံးခဲ့တာမို့လို့
အချိန်ကာလအားဖြင့်ဆိုရင် (7)လတိတိ ကြာသွားခဲ့ပါတယ်။
အဲ့ဒီအတွက်လည်း စာဖတ်သူတွေကို အားနာမိတာအမှန်ပါ။
ကျွန်တော် ကြိုတွေးထားတာလည်း ဒီလောက်မကြာနိုင်ဘူးပေါ့နော်။ဒီအချိန်ကာလက စာဖတ်သူတွေအတွက် စိတ်မကျေနပ်တာမျိုးဖြစ်စေခဲ့ရင် တောင်းပန်ပါတယ်နော်။နောက်ထပ်ဖန်တီးမှုတွေကျရင်တော့ ဒီလောက်မကြာစေဖို့ ကတိပေးပါတယ်။ဒီအချိန်ကာလ တစ်လျှောက်လုံးကိုလည်း တောက်လျှောက်လိုက်လာပေးကြတဲ့ စာဖတ်သူတစ်ယောက်ချင်းစီကို ကျေးဇူးတင်ပါတယ်ဗျ။
အပိုင်းတိုင်းမှာပေးကြတဲ့ မှတ်ချက်တွေ၊ ထောက်ပြချက်တွေအတွက်လည်း ကျေးဇူးတင်ပါတယ်။နောင်လည်း ဘယ်လိုအမှားမျိုးမဆို ထောက်ပြဖို့ တစ်ခါတည်းတောင်းဆိုလိုက်ပါရစေဗျ။

*Extra*

Extra ရှိပါတယ်နော်။ဒါပေမဲ့ ကြိုပြောထားသလိုပဲ (၁)ပိုင်းတည်းရှိမှာပါ။အဲ့ဒီအတွက်ကိုလည်း နားလည်ပေးကြဖို့ စာဖတ်သူတွေကိုပြောချင်ပါတယ်။ကျွန်တော်ကိုယ်တိုင်ကလည်း
extra ဖတ်ရတာမကြိုက်တဲ့သူမို့လို့ မရေးဖို့တွေးထားခဲ့တာပေါ့နော်။ပြီးတော့ ဇာတ်လမ်းကိုပေါ့သွားမှာလည်း စိုးရိမ်လို့ပါ။
အဲ့ဒီအတွက်တွေကြောင့်မို့လို့ (၁)ပိုင်းတည်းပဲ ရေးပေးနိုင်တာကို
နားလည်ပေးကြပါဗျ။Extra ဖတ်ရတဲ့အခါကျရင်လည်း
ဇာတ်သိမ်းပိုင်းရဲ့အဆက်လို့မတွေးဘဲ ဒီအတိုင်း အလွမ်းပြေဖတ်ရတယ်ပဲ တွေးပေးစေချင်ပါတယ်ဗျ။ဇာတ်သိမ်းရဲ့အဆက် မဟုတ်လို့ပါ။

Extra အပိုင်းလေးကို January လထဲမှာ ရေးပြီး up
ပေးပါ့မယ်။December တစ်လလုံးကိုတော့ ကျွန်တော်
အနားယူချင်လို့ပါနော်။အဲ့နောက်ပိုင်းမှ စာပြန်ရေးမှာပါ။

New Creation ကိုတော့ မမျှော်သေးဖို့ပဲ ကြိုပြောချင်ပါတယ်ဗျ။ဇာတ်လမ်းပုံစံတွေ ကြိုစဉ်းစားထားတာရှိပေမဲ့ သေချာပြန်ရွေးချင်တာရယ်၊ လိုအပ်တာလေးတွေကိုလေ့လာချင်တာရယ်က အချိန် အတိအကျမပြောနိုင်လို့ပါ။အဆင်သင့်ဖြစ်တာနဲ့ စာဖတ်သူတွေဆီကို ဖန်တီးမှုအသစ်နဲ့အတူ ပြန်လာခဲ့မှာမို့လို့ အဲ့ဒီအချိန်ကျရင်လည်း ဖတ်ရှုပြီးအားပေးကြပါအုံးလို့ တောင်းဆိုချင်ပါတယ်ဗျ။