Professional Actor [Completed]

Part-7 (Unicode)

ဂုဏ်သည် ရှုတင်နားရက် ဖြစ်သော်လည်း ‌မေမေ၏ လှမ်းအခေါ်ကြောင့် အိမ်ရှိရာသို့ ထွက်လာတာဖြစ်သည်။ကိုကိုတို့လင်မယား LA ကနေ ပြန်ရောက်နေပြီတဲ့လေ။ထို့ကြောင့် သူ့အား ချက်ချင်းပင် လာတွေ့စေချင်နေတာဖြစ်၏။သူလည်း မတွေ့ရတာကြာပြီဖြစ်သည့် ကိုကို့ကို တွေ့ချင်ပါသည်။ကိုကိုသည် အိမ်ထောင်ကျပြီးသော်လည်း သူ့အပေါ်တွင်တော့ အရင်လို အလိုလိုက်အကြိုက်ဆောင်ပေးနေဆဲ အစ်ကိုကောင်းတစ်ယောက် ဖြစ်၏။မရီးဖြစ်သူမှာလည်း စိတ်ရင်းကောင်းရှာပါသည်။

"ဟော.. သားငယ်တို့ရောက်လာပြီ။"

အိမ်ထဲသို့ အတူယှဉ်၍ ဝင်လာကြသည့် ဂုဏ်နှင့် ထွဋ်မြတ်ဦးတို့
အား ပြုံးပြရင်းမှ 'ဒေါ်သရဖီ'က ပြောလိုက်တာဖြစ်သည်။

ဒေါ်သရဖီသည် ဂုဏ်၏ မိခင်ဖြစ်ပြီး အသက်မှာ (၅၀)နှစ်ဝန်းကျင်ဖြစ်သော်လည်း အရွယ်ထက်ပင် နုပျိုနေ၏။ဝါဝါဝင်း
နေသည့် သူမ၏အသားအရည်သည် မွေးရာပါဆုလာဘ်တစ်ခု။
မျက်လုံးမျက်ခုံးလှလှနှင့် မျက်နှာကျမှာ မိန်းမဆန်လွန်းစွာ သွယ်နေ၏။ထို့ကြောင့် သူမသည် ယခင်တုန်းက မည်မျှပင်လှပခဲ့လိမ့်မည်ကို မှန်းကြည့်လို့ရနိုင်သည်။

ဒေါ်သရဖီသည်လည်း အနုပညာမျိုးရိုးရှိသူပီပီ တစ်ခေတ်တစ်ခါ
တွင် လျှမ်းလျှမ်းတောက် အောင်မြင်မှုရရှိခဲ့ဖူးသည့် ထိပ်တန်း
မင်းသမီးတစ်ယောက်ဖြစ်သည်။သူမကိုဆိုလျှင် မသိသူမရှိ
သည်အထိ ကျော်ကြားခဲ့သူလည်းဖြစ်၏။အိမ်ထောင်ကျပြီး
သည့်တိုင်အောင် သူမသည် အနုပညာလှုပ်ရှားမှုတွေရှိနေဆဲ
ဖြစ်သည်။ဂုဏ်၏အသက် (၁၀)နှစ်ခန့်မှသာ သူမသည် အနုပညာအလုပ်များအားလုံးကို ကျော်ခိုင်းနှုတ်ဆက်လိုက်ကာ
အိမ်ထောင်ရှင်မတာဝန်နှင့် မိခင်တာဝန်တို့အား အပြည့်အဝ
ကျေပွန်ခဲ့ပါ၏။ယခုတော့ သားငယ်ဖြစ်သည့် ဂုဏ်ပင် သူမ၏
အနုပညာမျိုးဆက်အဖြစ် ရပ်တည်နေလေပြီ။

ဂုဏ်နှင့် ထွဋ်မြတ်ဦးတို့သည် ဧည့်ခန်းတွင် ဝင်ထိုင်လိုက်ကြလျှင်

"ငါ့ညီလေးက ပိုပြီးချောလာတာပဲ။"

'မင်းထက်သာ'က ဂုဏ့်ကိုကြည့်ရင်း ပြောလိုက်၏။ထိုအခါ ဂုဏ်ကလည်း အစ်ကိုဖြစ်သူအား ကြည့်နေရင်းမှ..