အချစ်ထူး
အပိုင်း (၃၆)
#အချစ်ထူး
07200651
"သား..တော်ပြီလေကွယ်.."
အထူး ထိုင်နေရင်း ခေါင်းငုံ့ထားတာကို မေမေ က ပွေ့ပိုက်ပေးထားတော့ ပိုငိုမိသည်။
အစ်မက အသက်အန္တရယ် ကြုံခဲ့ရတာ...။
"အထူးကြောင့်..."
"မဟုတ်ပါဘူး...အခန့်မသင့်လို့ ဖြစ်ရတာပါ...သားရယ်..သား က အခုလို ဖြစ်နေရင် မီးငယ်က ပိုစိတ်မကောင်းဖြစ်မှာပေါ့..."
အထူး မျက်လုံးထဲမှာ သမီးလေး ကို မြင်ယောင်ရင်း ရင်ဘတ်က အောင့်လာသည်။
အထူးတို့ရဲ့ သမီးလေး...။
အထူး မယုံနိုင်သေးဘူး..။
အစ်မက မေမေ တို့ဆီ သွားလည်ချင်တယ်ဆိုလို့ အတူတူ ထွက်လာရင်း အစ်မက ဗိုက်အောင့်တယ်ဆိုလို့ နီးရာ ဆေးခန်းကို ဝင်ပြမိချိန် အရေးပေါ် ဆေးရုံတင်လိုက်ပြီး ခွဲစိပ်လိုက်ရသည်။
သမီးလေး က အသက်မပါသလို အစ်မကလည်း ဆေးမပြယ်သေးလို့ မနိုးလာသေးဘူး..။
အထူး ရင်ထဲက အပူက ဘာနဲ့မတူနိုင်အောင် ရှိသည်။
သမီးလေးကို မြင်လိုက်ရတာ ရင်ထဲမှာ နာလွန်းပါသည်။
ကိုယ်လက်အဂါၤ စုံရဲ့သားနဲ့ အသက်လေးပဲ မပါခဲ့တာတဲ့..။
အထူး မျက်နှာကို လက်ဝါးအုပ်ကာ ငိုမိပြန်သည်။
"ကံမပါလာလို့ပေါ့...သားရယ်...စိတ်ဖြေပါ..."
"အစ်မက ဘာလို့ မနိုးသေးတာလဲ...မေမေ...တော်တော်ကြာနေပြီ..."
"မေမေ မေးထားပါတယ်...မစိုးရိမ်ရတော့ဘူးလို့တော့ ပြောတယ်...တော်သေးတာပေါ့..မီးငယ် က လည်း သိပ်ပေါ့တာပဲ...သွေးနည်းနည်းဆင်းတည်းက မေမေ့ကို ပြောရမှာကို...ဘာမဆို သူပဲ တက်သိတယ် ထင်နေတာ ခက်တယ်..."
"အစ်မက ဆေးထိုးပြီး သက်သာသွားလို့ မပြောဖြစ်တာပါ...ခုမှရုတ်တရက်ဖြစ်ရတာပါ..."
"သူ ပါ အသက်အန္တရယ်ရှိတယ်...သားရဲ့..."
အစ်မရဲ့ ဖြူဖျော့ပြီး ခေါ်မရတော့တဲ့ အခြေအနေကို အထူး မြင်ယောင်မိပြန်သည်။
YOU ARE READING
အချစ်ထူး
Random"သူ့ ကို တကယ်ကြိုက်လား..." "အင်း..ကြိုက်တယ်..." "ဘယ်လောက် ကြိုက်လဲ.." "မသေချင်တော့အောင် ကြိုက်တယ်..."
