အချစ်ထူး
အပိုင်း(၄၅)
ဇာတ်သိမ်း
#အချစ်ထူး
12100830
"........"
အထူး လမ်းလျှောက်နေရသော်လည်း ခြေထောက်နဲ့ကြမ်းပြင် မထိသလို ခံစားရသည်။
ရင်ခုန် စိတ်လှုပ်ရှားနေတော့ လက်ဖျားတွေပင် အေးနေသည်။
ပတ်ဝန်းကျင် တစ်ခုလုံးမှာ လူတွေ အများကြီး ရှိနေပေမဲ့လည်း တစ်ယောက်ကိုမှ မသိဘူး.။
အထူး မသိတဲ့ လူပေါင်းများစွာကို လိုက်ကြည့်ရင်း ခေါင်းမူးလာသလိုတောင် ဖြစ်လာပြီ..။
"သား...ထူးထူး..."
မေမေ့ အသံကြားရတော့မှ အထူး မျက်လုံးထဲက လူတွေ အများကြီး ရှုပ်နေရာကနေ ကွဲထွက်သွားတော့သည်။
လူတစ်စု က အထူး ကို လက်ပြနေကြသည်။
မေမေ့ဘေးမှာ ဖေဖေ က သားကို ချီထားမှန်း အဝေးကြီးက ခန့်မှန်းလို့ရသည်။
အစ်မ...။
ဖေဖေ့ဘေးမှာ အစ်မရပ်နေမှန်း အလိုလို သိလိုက်တော့ အထူး ခြေလှမ်းတွေကို ပိုမြန်မိသည်။
အထူး လက်ထဲက အိတ်တွေကိုတောင် မသယ်ချင်တော့ပဲ ပြေးသွားချင်သည်။
အစ်မ နဲ့ နီးလာလေ အစ်မ မျက်နှာပေါ်က အပြုံးလေးကို ကွဲကွဲပြားပြား ပိုမြင်ရလေပါပဲ..။
"အစ်မကို လွမ်းနေတာ.."
အစ်မကို ပွေ့ဖက်လိုက်ပြီးတာတောင် အထူးစိတ်ထဲမှာ အားမရနိုင်ဘူး ဖြစ်နေသည်။
အထူး ထိတွေ့ထားတာ အစ်မဆိုတာကို တွေးမိလေ လွမ်းလေ ဖြစ်လာတော့သည်။
"အဟမ်း...ဆရာကြီး ကြည့်ရတာ ကျန်းမာရေး ကောင်းပုံပဲ...အဟမ်း.."
"........"
မပြည့်က ပြောတော့ အစ်မက အထူး ကို နည်းနည်း တွန်းတော့မှ ဘေးက လူတွေကို သတိရသည်။
"လူတွေ အများကြီးပဲ..."
"ဟား..ဟား...ငါတို့ညီလေး ပြန်လာလို့ လာကြိုတာလေကွာ...ဘာလဲ မကြိုက်ဘူးလား..."
ВЫ ЧИТАЕТЕ
အချစ်ထူး
Разное"သူ့ ကို တကယ်ကြိုက်လား..." "အင်း..ကြိုက်တယ်..." "ဘယ်လောက် ကြိုက်လဲ.." "မသေချင်တော့အောင် ကြိုက်တယ်..."
